एक धागा सुखाचा

Submitted by स्वाती_आंबोळे on 19 May, 2025 - 14:00

परवा ऋतुराज यांच्या भांड्याकुंड्यांच्या धाग्यावर माझ्या नवीन मित्राचा हा फोटो टाकला होता:

ff965c60-c378-477c-b1c6-684104ded27f_0.jpeg

तिथे हल्ली क्रोशाचा छंद जडल्याचा उल्लेख केला होता. मग वाटलं तो 'पुराव्याने शाबित' करावा.

सहज मुलाबरोबर क्राफ्ट स्टोअरमध्ये गेले असताना खूप सवलतीच्या दरात दिसली म्हणून लोकर, सुई आणि हा मित्र घरी आला, आणि आता तोच लाडका विरंगुळा होऊन बसला आहे!
हे सगळं अगदी नवखं, 'चिमखडे बोल' पातळीवरचं काम आहे. 'क्राफ्ट' आत्मसात करते आहे, आर्टच्या लेव्हलला कधी जाईल, न जाईल, माहीत नाही.
सध्या निरनिराळे टाके समजून घेणं आणि यूट्यूबवरच्या तयार आज्ञावली पाहून छोट्या छोट्या गोष्टी तंतोतंत जमवायचा प्रयत्न करणं सुरू आहे.

पण मला फार मजा येते आहे! दिवसभराचं काम संपलं की हात सुई धरायला शिवशिवतात! टाके विणले जातात तशा मनाच्या गाठी सुटत जातातसं वाटतं.
आय नो, आय नो, फार चीजी झालं. थांबते आणि फोटोंना बोलू देते.

1CA88358-154A-4F8E-B667-EC6453ECA621.jpeg7434c731-28d6-43f5-a5a1-32f123917f6c.jpegccfd73f5-38d8-4423-a1e3-0f24a7f27a87.jpegf4687bc1-28cd-4547-8cb9-8b563df7d40c.jpeg097d1a7c-d95e-4a2d-84e9-7509b0c4952a.jpeg

छोटे प्राणी, सेल फोन पाउचेस आणि बुकमार्क्स मित्रमैत्रिणींना भेटींदाखल दिले - आपल्या हाताने केलेली छोटीशीसुद्धा वस्तू देताना छान वाटतं.

आता आरसे जडवलेले ग्रॅनी स्क्वेअर्स करायला शिकते आहे. मग त्यांच्या पर्सेस किंवा श्रग्ज वगैरे बडे ख्याल गाता येतात का पाहू! Happy

0B19BAA4-0773-43B4-83C3-05F789A7011D_1_201_a.jpeg

हे कोस्टर्स आणि त्यांच्यासाठी छोटीशी बास्केट:
58e4fb55-1a30-4af4-9dc9-1d9aaf336a68.jpeg

विषय: 
शब्दखुणा: 
Group content visibility: 
Public - accessible to all site users

Screenshot_20250525_183531_Gallery.jpg
.
Screenshot_20250525_183657_Gallery.jpg

निग च्या धाग्यावर अनिंद्यनी म्हंटल तस मलाही इथे खूप फोटो टाकल्याचा गिल्ट येतोय तरी आपण केलेलं काम दाखवल्याशिवाय रहावत पण नाही असं काही तरी झालं आहे. Sad

किती छान स्वाती
अजून येऊ द्या, प्रतिसाद पण मस्तच आहेत सर्व, मला ते प्राणी बनवण्याची फार इच्छा आहे .

नाही नाही, अजिबात गिल्टी वाटून घेऊ नका. तुमचं सुबक सुंदर काम म्हणजे माझ्यासारख्या नव्या शिकणार्‍यांसाठी इन्स्पिरेशनच आहे. Happy

स्निग्धा, खूप सुंदर आहे सगळेच. Happy ते टेबलरनर खूप चार्मिंग आहे, रंग- पोत- डिझाईन या सगळ्याचा एक नॉस्टॅल्जिक लूक आहे.

किती सुरेख वस्तू /कलाकृती बनवल्या आहेस स्वाती !
स्निग्धा तुमचे क्रोशे काम पण एकदम भारी आहे. पांढरं कॉफी टेबल रनर तर एकदम उचलून खिशात घालून घरी नेण्याइतकं टेम्प्टिंग आहे Happy

Pages