चित्रपट कसा वाटला - ११

फा, थॅंक्यू .
फेफ

'किलर्स ऑफ द फ्लॉवर मून' पूर्ण करायचाच आहे, कसाही असो. कारण मला ती कथा जाणून घ्यायची आहे. कॉमींनीच त्या पुस्तकाचा परिचय लिहीला होता, तेव्हापासून उत्सुकता होती.

Prince of Egypt बद्दल ऐकून होते व ब्राऊझ करताना पाहिला होता पण मोझेस बद्दल आहे हे माहीत नव्हते. मोझेस वरचा नेटफ्लिक्सवरचा माहितीपट पाहिला आहे. मोझेसची कथा मला कृष्णाशी साधर्म्य असणारी वाटली. कारण मामा हाच इजिप्तचा (राजा) फेरो असणं, तो दुष्कृत्य करणारा अधम असणं, त्याच्या मृत्यूची आकाशवाणी होणं. हिब्रू पालकांना बाळ होणं, सगळी हिब्रू बाळं मारण्यासाठी मामाने आज्ञा देणं,
आईने बाळाला नाईल नदीतून सोडून देणं (हे तेवढं कर्णासारखं). बाळ मोझेसला दुसऱ्या कुणीतरी वाढवणं, तो नेमका फेरोच्या बहिणीला सापडणं वगैरे. यात ती फेरोची बहिण दाखवली होती, पण हे किती अचूक आहे कल्पना नाही शिवाय फेरोजमधे सख्ख्या बहिणभावाचीही लग्नं होत.

मोझेसची कथा ज्यू, इस्लाम आणि ख्रिस्ती तिन्ही धर्मात ग्राह्य धरून त्याला प्रॉफेट मानलं जातं. हा एकच पैगंबर/ देवदूत असा आहे जो दोषांनी परिपूर्ण आहे व दोषांवर मात करून या मार्गावर पुढे जाता येते हे दर्शविणारा आहे म्हणे, त्यामुळे तो मर्त्य मानवांसाठी आदर्श पथदर्शक आहे. तो येशू सारखा करूणा व प्रेमाची मूर्ती नाही. त्याला राग, भीती, मोह वगैरे आहे. त्याने रागाच्या भरात भरपूर चुका (अगदी खूनही) केल्या आहेत, नंतर पेनन्स किंवा प्रायश्चित्त केले आहे. माऊंट सिनाई वर त्याला त्याचं 'कॉलिंग' मिळणं, देवानं त्याला दहा (?) कमांडमेंट्स दोन दगडांवर शिलालेखात (टॅबलेट्सवर) कोरण्यास सांगणं. तोवर लोकांची दिशाभूल होऊन त्यांनी वेगळा देव बनवून ठेवणं. इंटरेस्टींग कथा आहे, भरपूर चमत्कार आहेत. तेवढे सोडून दिले तरी रोचक आहे. रेकोसाठी धन्यवाद.

मी पाहिला आहे प्रिन्स ऑफ इजिप्त, मस्त आहे. मला ती गोष्ट फारच इन्टरेस्टिंग वाटली.

जानी दुश्मन वाचायला सुरवात केलये..रमडने भन्नाट लिहलय >>> _/\_

रेसीडन्स मी पण ४ भागापर्यत आलिये...ती डिटेक्तिव्ह भन्नाट आहे >>> पूर्ण पहा. आवडेल तुला.

बापू सेहत के लिये तू तो हाणीकारक है >>>

किलर्स ऑफ द फ्लॉवर मून >>> हा कसा आहे?

देवा पाहिला
ऍक्चुली तो DevA आहे.
शाहिद एके शाहिद
व्हिलन, हिरवीण, साईड ॲक्टर कुणालाही काहीही काम नाही...

का माहीत नाही, पण सस्पेन्स चा अंदाज निम्म्यातच आला होता...

section 375 (एअरटेल एक्सट्रीमवर फ्री आहे)

बरेच दिवस बघायचा राहिला होता.
चांगला आहे. इथे त्याबद्दल फारशी चर्चा वाचल्याचं आठवत नाही.

अत्ताच 'सिकंदर' पाहुन आलो. सलमानच्या जागी त्याच्या सारखेच 'वय सरकलेले' रवी तेजा, महेश बाबु, चिरंजीवी, पवन कल्याण, अर्जुन सर्जा, अजित असे दाक्षिणात्य किंवा अजय देवगण, अक्षय कुमार अशा हिंदी चित्रपट सृष्टीतल्या 'रिमेक स्पेशालीस्ट' कलाकारांपैकी कोणालाही घेउन बनवला तरी परिणाम अगदी सारखाच येईल इतका टिपीकल 'साउथ स्टाईल' मसालापट आहे!

(गजनी वाले) ए.आर. मुरुगादास दिग्दर्शक असलेल्या ह्या सिनेमात सलमान खानाच्या जोडीला जयराज (कटप्पा), काजल अगरवाल, रश्मीका मंदाना, किशोर अशा दाक्षिणात्य चित्रपटांमधल्या दिग्गज कलाकारांची रेलचेल आहे. सलमान खानच्या किंवा दाक्षिणात्य चित्रपटांच्या चाहत्यांनी जरूर बघावा असा चित्रपट आहे, गाणी मात्र सगळीच बकवास वाटली. (अजुन थोडावेळ उत्साह टिकल्यास ह्या चित्रपटाविषयी चार शब्द अजुन लिहावे म्हणतो 😀)

'किलर्स ऑफ द फ्लॉवर मून' सिनेमा म्हणून रानोमाळ जात राहतो. डीटेल्स गोळा करायच्या नादात आपल्यालाच बांधणी करायला भाग पाडतो.

मी पंचेचाळीस मिनिटे पाहिला आहे असामी. त्यात ओसेज नेशन जे बोलतात त्याला आयपीटिव्हीकृपेमुळे सबटायटल्स नाहीत. ते संवाद कळालेच नाहीत आणि बरेचदा येतात. तीन तास अठ्ठावीस मिनिटांचा आहे, फक्त खरी कथा म्हणून उत्सुकता.

अ‍ॅपल टीव्ही वर आहे ना.

पीकॉक किंवा हुलू वर आहे. पीकॉक बहुधा. मी तेथे पाहिला आहे.

मला बरेच दिवस ते नाव किलर ऑफ द फ्लॉवर्स मून असे का नाही हा सस्पेन्स होता. ओसेज भाषेत त्यावेळच्या (मे मधल्या) चंद्राला फ्लॉवर किलिंग मून म्हंटले जाते अशी माहिती वाचली होती. एप्रिल मधे आलेली वाइल्डफ्लॉवर्स नंतर मे मधे आजूबाजूच्या इतर मोठ्या झांडामुळे तगत नाहीत म्हणून. त्या अर्थाने पाहिले तर "किलर्स" या अनेकवचनाला काही अर्थ नाही. (This concept is not about killing of some "flower moon". It is about the moon that kills the flowers). पण मूळ पुस्तकही याच नावाचे आहे. त्यामुळे या कथेशी त्या कल्पनेचा संबंध लावून केलेला तो वर्ड प्ले आहे असेच दिसते. मोठी झाडे लहान झाडांचे रिसोर्सेस खाउन त्यांना मारतात अशा मेटॅफोरचा.

माझ्या कडे पीकॉक आहे मी त्यावरच बघेन, समहाऊ ॲपलवरच आहे समजून आणि ते माझ्याकडे नाही म्हणून इकडे पहात होते.

फारच छान पोस्ट आहे फा. मी April showers bring May flowers अशी आनंदी फ्रेज फक्त ऐकली होती.

देवा पाहिला आताच.
शाहीद कपूर एक नंबर.. अश्या रोल आणि लूक मध्ये आवडतोच..
पण सर्वात जास्त आवडली ती दक्षिण मुंबई..
काय एकेक मस्त लोकेशन घेतले आहेत..
भायखळ्याच्या वाकडा पूल नावाने ओळखला जाणाऱ्या एस ब्रिजचा एरियल शॉट ने तर अगदीच नॉस्टॅल्जिक केले.. अर्धे बालपण गेले तो पायी पायी ओलांडून मामाकडे जाण्यात.. पण कुठल्या चित्रपटात आजवर पाहिला नव्हता त्याचा असा शॉट.. आणि असे इतरही शॉट होते, तेच अजून बघायला आवडले असते, त्यांनीच चित्रपट कसाही निघाला तरी पूर्ण बघायचा असे ठरवले होते. पण चांगला होता.

मध्यंतरी जॅकी श्रॉफचा मस्त मे रहने का चित्रपट पाहिला होता त्यातही छान मुंबई दाखवली होती. पण त्यातला एरिया उच्चभ्रू होता.. शांत होता.. यातला राडेबाज होता. पण हटके होता.. नाहीतर कित्येक चित्रपटात तेच तेच ठरलेल्या चाळी, बंद फॅक्टरी आणि ठराविक समुद्रकिनारे दाखवतात

बेबी जॉन पाहिला अमेजॉन प्राइम वर.स्टोरी सरळ साधी आहे आणि तिचा आपल्याला आधीपासून अंदाजा येतो, तरीही व्हिलन ला मारणारा पोलीस स्त्रियांना न्याय देणारा टीपीकल 90 स्टाईल हिरो, तितकीच गोड हिरोईन बघायला मजा येते म्हणजे मला तरी आली. वरून धवन आवडत असेल तर बघा नाहीतर "देवा " मधली माराधाड जास्त चांगली आहे.टायटल सॉंग सोडलं तर एकही गाणं खास नाही ,त्यामुळे पळवली . वरून धवन कॉमेडी करण्याच्या प्रयन्त चांगला करतो. गोविंदाची कॉपी वाटेल, पण ठिकेय ,डेव्हिड धवन चा पोरगा आहे तेव्हढा प्रभाव असणारच. यात सान्या मल्होत्राचा एक कॉमेडी सीन आहे ज्यात ती नकार देण्यासाठी "शीला की जवानी" सात्विक सतार मोड मध्ये गाते एकंदरीत पूर्वी टीव्हीवर टाईमपास पिच्चर लागायचे तसा आहे. त्यात अटली चा आहे त्यामुळे बापलेकीच प्रेम, अत्याचाराविरोधात पेटून उठणं, इमोशन, माराधाड सगळं आहे .

ऍटली म्हणजे तोच शाहरुख जवानवाला ना...
डायरेक्ट वरून धवन वर कुठे गेला तो..

यंगस्टर ना घेणार ना ....
आणि वरून धवन मध्ये काय प्रॉब्लेम आहे .नेपोकीड असला तरी मेहनती आहे त्यातून दिसायलाही छान आहे.पिच्चरमध्ये हिरोईन बोलते तसा क्यूट फेस.मला तर तो इतर स्टारकिड्स पेक्षा नाईव्ह वाटतो.

जान्हवी कपूरच्या स्पाय मूवी पाहिला आहे का कुणी?

वरून धवन मध्ये काय प्रॉब्लेम आहे..
>>>
काही नाही. उलट मला तो आवडतो. बरेच पिच्चर रिपीट बघितले आहेत त्याचे. कॉमेडी एक्शन ड्रामा इमोशन डान्स सगळे गुणी बाळासारखे करतो. भले प्रत्येक पिक्चर मध्ये तेच तेच करतो पण पाट्या टाकत नाही.
मी फक्त मार्केट व्हॅल्यू compare केली.

ऍटली म्हणजे तोच शाहरुख जवानवाला ना...
डायरेक्ट वरून धवन वर कुठे गेला तो..
>>
म्हणजे काय कुठल्याही डायरेक्टर नी शाहरुख नंतर काय फक्त रणबीर, रणवीर, हृतिक, अजय, अक्षय, सलमान, आमिर, बच्चन किंवा रजनीकांत सोबतच काम करायचं???

Atlee दिग्दर्शक नाहीये, निर्माता आहे

किल पाहिला... राघव जुयालचा.
मनुष्याला मारण्याचे १०१ तरीके. बापरे काय ती व्हरायटी !
शेवटी शेवटी नजरच मेली बहुतेक तो हिडीसपणा बघून आणि मला हसू यायला लागलं राघवच्या डायलॉग्ज ला.. घरातल्यांनी नक्कीच विकृत म्हणून तुक टाकले असतील.

म्हणजे काय कुठल्याही डायरेक्टर नी शाहरुख नंतर काय फक्त रणबीर, रणवीर, हृतिक, अजय, अक्षय, सलमान, आमिर, बच्चन किंवा रजनीकांत सोबतच काम करायचं??? <<
नाही. नाही. त्यांच्याबरोबरही नाही..

बेबी जॉन फार बोर झाला मला, अर्धवट सोडला.
पण मला सिटाडेल आवडला होता वरून धवन & सॅमांथा चा.
वरून धवन हा दिग्दर्शक चांगला असेल तर भुमिकेचं सोनं करू शकतो/करतो. असं मला वाटतं.

मेहता बॉयीज ठीक होता, अविनाश तिवारी छान दिसतो & अभिनय करतो. ह्यातली हिरोईन पण छान आहे, चटपटीत अशी. कुठेशी पाहिली आहे,

ह्यातली हिरोईन पण छान आहे, चटपटीत अशी. कुठेशी पाहिली आहे, >>> 'बंदिश बँडिट्स' मालिकेत होती ती.

वरून धवन हा दिग्दर्शक चांगला असेल तर भुमिकेचं सोनं करू शकतो/करतो. असं मला वाटतं. >>> +1 हो "बदलापूर" वरून कळून येतंच, मस्तच काम केलंय त्यात ,अगदी इंटेन्स.

देवा पाहुन...अरे देवा म्हणायची वेळ आली.

गुडीगुडी ख्रिसमस मुव्ही आवडणार्‍यांसाठी - The Life List (Netflix)

सिनेमात ख्रिसमस नाहीये पण बाकी तोच साचा आहे. ख्रिसमस मुव्ही नसल्याने सगळा सिनेमा सेटवर चित्रीत झालेला नाही, त्यामुळे अजून जास्त मजा आली.

देवा अर्धा बघितला... आवडला..
शाहिदच्या फॅन्स साठी खास!

उलझ पाहिला. ठीकठाक.
असाच एक कुठला तरी मूवी पाहिलाय. नाव आठवत नाही.
पाकिस्तानी पीएमची भारतात हत्या करायचा प्लान उधळून लावतात तो.