कोहळ्याचे खमंग वडे

Submitted by किल्ली on 4 August, 2024 - 04:46
प्रत्यक्षात लागणारा वेळ: 
१० मिनिटे
लागणारे जिन्नस: 

अर्धी वाटी चणाडाळ, पाव वाटी मुगडाळ, पाव वाटी उडीदडाळ, दोन टी स्पून तांदूळ, कोहळा पाव किलो किसून, हिरव्या मिरच्या 4, मीठ, जिरे व ओवा ह्यांची भाजून केलेली पूड, हळद, अद्रकाचा तुकडा

क्रमवार पाककृती: 

कृती :
१.डाळी आणि तांदूळ धुवून घ्या. कोहळ्याच्या किसामध्ये 3तास भिजत घाला. पाणी टाकण्याची गरज पडत नाही, कोहळ्याच्या पाण्यात डाळी भिजतात.
२.भिजत घातलेले मिश्रण मिक्सर जार मध्ये घाला.त्यात मिरच्या, अद्रक, जिरेओवा पूड हे सगळं घालून जाडसर भरडून घ्या.
३.हे मिश्रण एका बोल मध्ये घेऊन त्यात चविप्रमाणे मीठ, चिमूटभर हळद, बारीक चिरलेली कोथिंबीर घालून छान मिक्स करून घ्या.
४.आता चमच्याने किंवा हाताने गरम तेलात सोडून कुरकुरीत वडे तळून घ्या.

वाढणी/प्रमाण: 
४, खाणारे नग असल्यास प्रमाण बघू नये
अधिक टिपा: 

पीठ पातळ झाले आहे असे वाटले किंवा बाइंडिंग हवी असल्यास 2 चमचे/ टी स्पून बेसन मिसळा.

माहितीचा स्रोत: 
आई
आहार: 
शाकाहारी
पाककृती प्रकार: 
उपाहार
पक्वान्न
प्रादेशिक: 
पारंपारीक मराठी
शब्दखुणा: 
कोहळा
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

भारी दिसत आहेत.
टेस्टी असणारच, अशा पावसात खायला अजून छान
Happy

Submitted by झकासराव on 4 August, 2024 - 05:31

मस्त दिसतायत करून बघणार ... कोहळा मऊ असतो पण वडे कुरकुरीत होतात का ? कोहळ्या ची टेस्ट मस्त लागत असेल.

डाळींचा कोरडा भरडा काढून मग भिजत घालीन अस म्हणतेय म्हंजे कोहल्याच किसलेल texture टिकून राहिल. असो.

केले की लिहिते इथे ही रिझल्ट काय ते ..

Submitted by मनीमोहोर on 4 August, 2024 - 06:49

धन्यवाद सर्वांना Happy
कोहळ्याच्या किसाचे थालीपीठ, धिरडे, पराठे, कटलेट वगैरे असंख्य प्रकार करता येतील.

Submitted by किल्ली on 5 August, 2024 - 01:20

धन्यवाद,
Ash guard म्हणतात, तुम्ही आशु गार्ड म्हटलं तरी चालेल Proud

Submitted by किल्ली on 5 August, 2024 - 02:39

सुरेख !
ये आयडिया की कल्पना काम मे लायी जायेगी! आळशीपणा करायची आयती संधी आहे मला. किसातच जिन्नस भिजत घालणे हे कधी सुचलं नसतं....

Submitted by योकु on 6 August, 2024 - 01:51

मस्त दिसताहेत.
(आत्ता मूग भजी खाल्ली. उद्या मिळतील का?)

Submitted by राज अज्ञानी on 22 July, 2026 - 11:27

कोहळा- भोपळा- दुधी शत्रुपक्षात आहेत, पण हे छान दिसतयं. तळलेलेही आहे, मग चांगलेच असणार चवीला.

करून - खाऊन बघणार. 👍

Submitted by अनिंद्य on 23 July, 2026 - 01:04

रेसिपी वेगळी आहे लाल भोपळा हा मुळातच अंगचा गोडसर असतो. त्यात जनता त्यात गुळ, बडीशेप, गव्हाचे पीठ अन् पाणी घालून जास्तीत जास्त घारगे करते. गोडमिट्ट वाटतात घारगे त्यामुळे आवडत नाहीत, पण मला वाटते हे वडे तितके गोड खचित नसतील, ट्राय करायला हवी ही पाककृती ! मिर्ची वगैरे जिन्नसा सोबत लसूण घातला तर चालेल का ? काहीकाही बाबतीत मी अतिरेकी लसूण प्रेमी असल्यामुळे विचारून घ्यावे म्हणले हिंमत करून.

Submitted by जेम्स वांड on 24 July, 2026 - 09:55

लसूण बरा नाही लागणार असे वाटते
तुम्हीच सान्गा प्रयोग करून Lol
एका वड्यात थोडा लसूण घालून बघा
हा का ना का
धन्यवाद Happy
मीही तळेन आता हे वडे पावसाळी वातावरणात मजा येईल वडे आणि नंतर आपला चहा

Submitted by किल्ली on 26 July, 2026 - 10:03