सण सार्वजनिक साजरे करावेत किंवा नाही?

त्याचे मूळ कारण राजकीय पक्षांचा ह्या क्षेत्रात प्रवेश.
>>
अगदी बरोबर !
फार फार पूर्वी जेव्हा या लोकांनी गेटवर बॅनर लावायला सुरुवात केली तेव्हाच मला वाटलेले की हे पैसे पुरवत आहेत पण आता सगळे यांच्या तालावर होणार आहे...

च्रप्स
मी सुद्धा काम केले आहे.
संध्याकाळी एकत्र चहा वडापाव आणि रात्री पुलाव पावभाजी हे मौजमजेला पुरते. कारण कामाची आपली स्वतःची अशी एक नशा असते. साधे वर्गणी साठी फिरण्यातही एक मजा असते.. बा असायची... रात्र जागवायला डीजे आणि दारू नाही तर टाळ कुटत भजने किंवा गाणी, खेळायला पत्त्यांचा जोड किंवा हाऊजी, खायला चिवडा आणि प्रसाद, गप्पा मारायला मित्र हे पुरायचे.
आता लोकांच्या मौजमजेचया कल्पनाच बदलल्या आहेत.

आता लोकांच्या मौजमजेचया कल्पनाच बदलल्या आहेत. +१
जसे की कुठेही पिकनिकला गेले की दारु प्यायला हवीच तरच खरी मौज ही विकृत कल्पना आणि त्या विचारसरणीचे अश्या उत्सवात एकत्र आल्यावर ती विकृती सांघिक साजरी करण्यात धन्यता मानणे

सार्वजनिक गणेशमूर्तींचे आगमन होतंय. स्वागतासाठी नऊ वाजल्यापासून झिंगाट, मुंगळा इ. गाणी वाजत आहेत. आता अकरा वाजून गेलेत. अजून सुरू आहे.

इकडे ढोल प्रॅक्टिस काही संपत नाहीये गेले दोन महिने चालू आहे रोज रात्री नऊ ते साडे दहा. अत्यंत ओंगळवाणे स्वरूप आले आहे हलली सगळ्याच उत्सवांना. ह्यावेळी दही हंडी किती तरी दिवस चालू होती पुण्यात. शनिवार रविवार तर कहर झाला एकच दिवस असतो ना दही हंडीचा?. राम नवमी मिरवणूक कधीच बघितली नव्हती मागचे दोन वर्ष चालू झाली आहे. ह्यात हिंदू मुस्लिम किरिस्तव बुद्ध काही नाही.. सर्वांनीच जरा शिस्त बाळगून हे उत्सव साजरे करावेत.

मस्त आनंदी वातावरण आहे लोक एन्जॉय करत आहेत

ध्वनी प्रदूषण टाळले पाहिजे याला सहमती. ढोल ताशा प्रॅक्टिस सदैव चालू असते. मागे मी भारतात डिसेंबर मध्ये गेलेले, तेव्हा कशाला हवी ढोल प्रॅक्टिस? पण चालू होते रात्री उशिरापर्यंत..
आता कॅलिफोर्निया मध्ये ही गणेशोत्सव मध्ये ढोल ताशा असतोच. उद्या मी विचारेन प्रॅक्टिस कशी आणि कुठे करता, काय measures घेतले जातात. Navratri ही आता खुल्या मैदानावर करणार अशा वार्ता कानावर येत आहेत. जी लोकं बाजूला राहतात त्यांना त्रास आहे.

ध्वनी प्रदूषण टाळले पाहिजे याला सहमती. ढोल ताशा प्रॅक्टिस सदैव चालू असते. मागे मी भारतात डिसेंबर मध्ये गेलेले, तेव्हा कशाला हवी ढोल प्रॅक्टिस? पण चालू होते रात्री उशिरापर्यंत..
आता कॅलिफोर्निया मध्ये ही गणेशोत्सव मध्ये ढोल ताशा असतोच. उद्या मी विचारेन प्रॅक्टिस कशी आणि कुठे करता, काय measures घेतले जातात. Navratri ही आता खुल्या मैदानावर करणार अशा वार्ता कानावर येत आहेत. जी लोकं बाजूला राहतात त्यांना त्रास आहे.

रात्रीचे स्पीकरचे नियम असतात तसे.. दहा साडे साडे दहा वगैरे वेळ मर्यादा असते. सध्याचा वेळ काय आहे हे बघायला हवे.
पण डीजेचा आवाज मात्र संध्याकाळीही त्रास देतो. जे नाचत असतात त्यांना ईतरांचा त्रास कळत नाही. उलट आम्हाला ईतकी मजा येतेय आणि यांना कसा काय त्रास असेच वाटते.
गाणी लाऊन एकत्र नाचणे हा खूप आवडीचा प्रकार आहे खरे तर... पण या डीजे स्पीकरच्या आवाजाच्या स्पर्धेने सगळी वाट लावली आहे..

ईथे एक जुना धागा / चर्चा सापडली.

फटाके वाजवण्याच्या वेळेसंदर्भात काही कायदा आहे का?
https://www.maayboli.com/node/51337

मला गणपती मिरवणूक पारंपारीक स्वरुपात बघायला आवडते, ढोल ताशा लेझीम. वाटेल ती गाणी लाऊन तीही ठणाणा आवडत नाही, म्हणजे वाटेल ती संबंधित नसलेली गाणीच मुळात अशा वेळी अयोग्य. कधी कधी फक्त म्युझिक लाऊन ढोल वाजवत नाचत गणपती आणतात तेही ओके. मागच्या सोसायटीत तसा आणतात. गणपतीच्या पाच दिवसात लाऊडस्पीकरवर गाणी लावतात पण ती गणपतीची असतात आणि भावगीते असतात. बाकी त्यांचे विविध गुणदर्शन कार्यक्रम सुरू असतात त्यात डान्स वगैरे वेगवेगळ्या गाण्यांवर ऐकू येतात.

बाय द वे तुम्ही पंढरीच्या वारीवर कुठे लेख लिहिला आहेत, मला दिसला नाही. यंदा बे एरियात हा prgm झालेला काही दिवसांपुर्वी तेव्हा माझ्या भाचीने आणि तिच्या मुलीने भाग घेतलेला. स्टेजवरचे डान्स वगैरे फोटो बघितलेले.

गणपती आगमनाच्या मिरवणुकीत लोक झिंगाट आणि मुंगळावर नाचताहेत म्हणजे ते पब्लिकच्या पैशाने आउटडोर पार्टी करताहेत. गणपती हे निमित्त आहे. त्यात धार्मिकता कुठे आली? धार्मिकता असती तर किमान गणेशभक्तीपर गीते वाजवून नाचले असते. पण त्यात 'मजा' कशी येणार?
त्यामुळे "आमच्या 'धर्माच्या' सणांच्या वेळीच तुम्ही आक्षेप का घेता?" हा प्रश्न विचारणार्‍यांनी आत्मपरीक्षण करावे.
ते दारू पिऊन नाचत असले तरी त्याचंही समर्थन वर झालेलंच आहे.
---
मी आमच्या भागात तरी या दशकापासूनच सार्वजनिक माघी गणेशोत्सव पाहतो आहे. भाद्रपदातल्या गणेशोत्सवाइतक्या संख्येने आणि प्रमाणात अजूनतरी नाही.

सण सार्वजनिक साजरे करावेत किंवा नाही? हे आहे धागा शिर्षक
आणि फोटो फक्त गणपती उत्सव का

इतर धर्माचे असेच गर्दी करणारे सण +गणेश उत्सव असे कोलाज करुन लावले तर ओके होतं. पण हे काहीतरी वेगळे शिजतेय.

अज्ञानी, एक प्रश्न विचारलाय. गणेशोत्सवात धार्मिकता किती आणि मजा किती? तुमच्या प्रतिसादाच्या वरच्याच प्रतिसादात सविस्तर लिहिलंय. उत्तर द्याल का?

इन्द्रायणी काठी >>> हो बरोबर. हे नाव सांगितलं होतं.

भरत तुम्हाला सुद्धा माहिती आहे हां क्लिकबेट धागा आहे
जरा मायबोली वरती इतर धर्मीय त्रास दायक ठरणाऱ्या सणांवरती लिहिलेल्या लेखांची यादी देणार का ?

माझा मुद्दा हा आहे की सार्वजनिक गणेशोत्सव हा धार्मिक सण आहे का? मला तरी तसं दिसत नाही. हेच मी इतर अनेक मिरवणुकांबद्दल म्हणेन. मग तुम्ही त्यात धर्म का आणताय?

एरवी कुठे खुट्ट झालं की दुखावणार्‍या तुमच्या धार्मिक भावना गणपतीच्या मिरवणुकीत मुंगळा गाणं वाजल्यावर आणि त्यावर लोक नाचत असताना का दुखावत नाहीत?

माझा पहिल्या पासून प्रश्न इतकाच आहे की फक्त गणपती आले की का ?
बाकी शांतिप्रिय समाजाच्या समाजिक मिरवणूक असताना इकडच्या लेखणीरूपी तलवारी म्यान का होतात ?

व्हॉट अबाऊटरी कशाला? मुस्लिम, ख्रिश्चन, हिंदू, पारसी, सीख, जैन (अजुन कोणी आठवले तर सांगा) सगळ्यांच्याच उत्सवी धांगडधिंगा, आवाज वाल्या मिरवणूका बंद व्हायला हव्यात. यात डावं उजवं काय आहे? त्रास सगळ्याच मिरवणुकींचा सारखाच आहे. मूळ मुद्दा राहीला बाजूला ....

तुम्ही माझ्या प्रश्नाचं उत्तर द्यायला तयार नाही. धर्माच्या जागी समाज शब्द वापरून पळता येणार नाही. पायी हळू हळू चाला मुखाने गजानन बोला असं गात टाळ झांजा वाजवात मिरवणूक काढली तर कोणीही आक्षेप घेणार नाही. पण मग मज्जा कशी येणार? तुमचा सण देवधर्मासाठी आहे की मज्जेसाठी?

यात डावं उजवं काय आहे>>> धाग्या मध्ये दिलेला फोटो डावे उजवे करतोय हे मी मघाशी म्हटले आणि धाग्याच्या सर्व मुद्द्यास सर्वच धर्मीय सण जबाबदार आहेत म्हणून गणेश उत्सव फोटो ऐवजी सर्व समावेशक कोलाज बनवून टाकला तर अधिक चांगली निष्पक्ष चर्चा घडेल इतकंच तर सांगतोय मघापासून

भरत तुम्ही अजून सुद्धा लिस्ट नाही दिली

तुम्ही अजूनही सध्याचा गणेशोत्सव धार्मिक कसा हे सांगितलेलं नाही.

मी मांडलेल्या मुद्द्यापासून पळून काहीच उपयोग नाही. निष्पक्षवाद हवा तर मी ह्याआधी लिहिलंय सर्व ते रिपीट करण्यात काही अर्थ नाही. तुम्ही सुद्बा तुमचे मुद्दे उदाहरण देऊन लिहिले त्यामुळे तेही रिपीट करण्यात अर्थ नाही. धाग्या मध्ये दिलेला फोटो कोलाज रुपात सर्व समावेशक स्वरुपात दिसायला लागल्यावर पुढे बोलू. तोवर ही चर्चा सण सार्वजनिक साजरे करावेत किंवा नाही? ह्या शीर्षकाखाली फोटो नुसार फक्त गणपती उत्सव पुरता मर्यादित राहते त्यामुळे एकांगी विचार मांडले जाणार असतील तर टाटा बाय बाय

लिस्ट वैगेरे मागणे म्हणजे शुद्ध वेड पांघरून पेडगावला जाणे आहे. खालील उत्सवात गोंगाट अती जास्त असतो आणि त्रास होतो
गणेश उत्सव
नवरात्री
शिवजयंती

घ्या. उगाच ईकवलैजेशन साठी मुस्लिम सणांची नावे हवी आहेत ना, नाही घालणार. मुहररमला इतका आवाज आणि इतका सलग वेळ आजिबात नसतो.

ह्या शीर्षकाखाली फोटो नुसार फक्त गणपती उत्सव पुरता मर्यादित राहते त्यामुळे एकांगी विचार मांडले जाणार असतील तर टाटा बाय बाय>>>
बाय