गहराइयां: चित्रपट परीक्षण

छान मार्मिक भाष्य अनेक अंगांवर चित्रपटाच्या.

काल पाहिला सिनेमा. अगदी पुन:पुन्हा बघितला जाईल इतका आवडला नाही तरी वन टाइम वॉच नक्की आहे.
मॅचपॉइंटवरून इन्स्पायर्ड आहे हे लक्षात येतं, पण थँकफुली नक्कल नाहीये.
सगळी कॅरेक्टर्स* ह्यूमन आहेत. आपापल्या व्हल्नरेबिलिटीज आणि आपापले सर्वायवल स्ट्रगल्स यात अडकलेली.

******स्पॉइलर वॉर्निंग******
दीपिका झैनचं फ्लर्टिंग आधी हातभर अंतरावरून हाताळते, पण करणकडून वारंवार झालेले अनेक लेव्हल्सवरचे अपेक्षाभंग शेवटी तिला पेलवेनासे होतात आणि ती टेम्प्टेशनच्या आधीन होते. फ्रस्ट्रेशनमध्ये एखादं व्यसन जवळ करावं आणि मग त्यच्या कह्यात जावं तशी पुढची वाटचाल होते.
तिला तिची बर्डन्स शेअर करू शकेल असं माणूस हवं आहे - अशा माणसाचा नुसता आभाससुद्धा पुरेल इतक्या ब्रेकिंग पॉइंटला येते, आणि त्यातून सगळे गोंधळ होतात.
झैनची त्याची त्याची कैफियत आहे. त्याला कोवळ्या वयात परिस्थितीने डबल क्रॉस केलं होतं. अब्यूसिव वडील, आईची बाजू घ्यावी तर ती वडिलांना सोडायला तयार नाही आणि बाहेर पडलं तर आईला वार्‍यावर सोडल्याचा ठपका! त्यातून तो स्वार्थी आणि रूथलेस झाला तर त्याला जज करणारे आपण कोण? त्याची गोष्ट बिरबलाच्या माकडिणीच्या गोष्टीसारखी वाटते.
त्याच्यात आणि दीपिकाच्या कॅरेक्टरमध्ये सलामीलाच आकर्षणाचे स्पार्क्स फुलतात - जे बहुधा खरे आहेत. पण त्यापलीकडची कमिटमेन्ट बहुधा दोघांच्याही रक्तात नाही. त्यानंतर एकमेकांचा उपयोग करून घेणं त्यांच्या व्हॅल्यू सिस्टिममध्ये बसतं.
त्याउलट करण आणि अनन्या वरकरणी ओल्ड फॅशन्ड लवर्स वाटले तरी तेही या 'यूज अ‍ॅन्ड थ्रो' खेळातलेच प्लेयर्स आहेत. अलीबागचं घर अनन्याच्या कॉन्शन्सवरचं बर्डन आहे. दीपिकालातर मिळू द्यायचं नाही, पण त्याचा गिल्टही त्रासदायक वाटतो. अनन्या दिसते तितकी भोळी नाही.

वरती स्टार दिला तो रजत कपूर आणि नसीरच्या कॅरेक्टर्ससाठी. ती काहीशी एकसुरी आहेत. ऑलमोस्ट एकमेकांचे अ‍ॅन्टीथीसिस आहेत.
नसीरने 'मला तुझ्या मनातली तुझ्या आईची प्रतिमा डागाळायची नव्हती' असं म्हणण्यापेक्षा 'मला माझी बाजू मांडायची तू संधीच दिली नाहीस' असं म्हटलं असतं तर त्याचं कॅरेक्टर माझ्यासाठी जिवंत झालं असतं. असो.

एकूण घटनाक्रमांपेक्षा व्यक्तिचित्रणांवर भर दिलेला मला आवडतो, यातही आवडला.

अमा, तुमच्या या धाग्यामुळे हा चित्रपट पाहिला, नाहीतर बहुधा आवर्जून बघितला नसता. धन्यवाद.

नसीरने 'मला तुझ्या मनातली तुझ्या आईची प्रतिमा डागाळायची नव्हती' असं म्हणण्यापेक्षा 'मला माझी बाजू मांडायची तू संधीच दिली नाहीस' असं म्हटलं असतं तर त्याचं कॅरेक्टर माझ्यासाठी जिवंत झालं असतं.>>> त्याला ती संधी होती. त्यामुळेच दिपीका त्याला विचारते की 'आधी का नाही सांगितलं?'. न सांगणं हा त्याचा चॉईस होता. कदाचित त्याची बायको त्याला अव्हेरून त्याच्या भावाकडे आकर्षित झाली यात त्याला काहीतरी कमीपणा, अपमान, humiliation वगैरे वाटलं असू शकतं आणि दिपीकाला सांगताना स्वतः मधला तो कमीपणा अधोरेखित होऊ शकतो म्हणून बोलला नसेल असंही असू शकतं.
शेवटी मानवी मन त्या समुद्रासारखंच आहे - थांग न लागणारं.

एकूण घटनाक्रमांपेक्षा व्यक्तिचित्रणांवर भर दिलेला मला आवडतो, यातही आवडला.>>>> +१

>>> दाचित त्याची बायको त्याला अव्हेरून त्याच्या भावाकडे आकर्षित झाली यात त्याला काहीतरी कमीपणा, अपमान, humiliation वगैरे वाटलं असू शकतं आणि दिपीकाला सांगताना स्वतः मधला तो कमीपणा अधोरेखित होऊ शकतो म्हणून बोलला नसेल असंही असू शकतं.

हो, शक्य आहे. किंवा सांगितलं आणि तिला खरं वाटलं नाही तर? - ही भीतीही असू शकते.

नसिरूद्दिनचे ही तर आयुष्य उध्वस्त झालेले असते - समाजात चर्चा होईल अशा पद्धतीने बायको गेली, मुलगी स्वतःची नाही तरी वाढवतो आहे, व्यवसाय बदलावा लागला (जीवनशैली बदलली), व्यसन पत्करलं ... कालांतराने जेव्हा आफ्टरमॅथकडे डोळसपणे बघण्याची ताकद येते, उपरती होते तेव्हा हाताशी काय उरले आहे? मुलगी जी स्वतःची नाही तरी त्याला पिता मानते. तिला काय सांगायचं? मुली, तू माझी नाहीस. तिच्या लहान वयात फार क्रूर ठरेल ते. त्यापेक्षा वडिलकीच्या नात्याने तिला जेव्हा कळेल तेव्हा मी अजूनही तुझा पिताच आहे हा दिलासा देणे हे वडिलकीचे वागणे. अर्थात समाजात It's not about pacifying myself, its about her असे "पीर पराई जाने रे" प्रकारचे वैष्णव जन कमीच असतात त्यामुळे 'मला संधीच दिली नाही' असे म्हणणारा पिता असता तरी रिअलिस्टीकच वाटला असता. तसा नाही दाखवला म्हणून एक सीन तरी सिनेमात (माझ्यासाठी) प्रेक्षणीय झाला.

नसिरूद्दिनचे ही तर आयुष्य उध्वस्त झालेले असते - समाजात चर्चा होईल अशा पद्धतीने बायको गेली, मुलगी स्वतःची नाही तरी वाढवतो आहे, व्यवसाय बदलावा लागला (जीवनशैली बदलली), व्यसन पत्करलं ... कालांतराने जेव्हा आफ्टरमॅथकडे डोळसपणे बघण्याची ताकद येते, उपरती होते तेव्हा हाताशी काय उरले आहे? >>>> परत एकदा - आपण 'समाजाच्या' दृष्टीने लांबून किंवा वर्तुळाच्या बाहेरून नसीरच्या व्यक्तीरेखेकडे बघतो आहोत. त्या व्यक्तीरेखेच्या स्वतःच्या या घटनेबद्दल काय भावना असतील?

त्या व्यक्तीरेखेच्या स्वतःच्या या घटनेबद्दल काय भावना असतील? >> अगदी अगदी, पटला आहे तुझा मुद्दा आधीच अंजली माझी पूर्ण पोस्ट बघ. नासिरच्या व्यक्तीरेखेच्या भावभावना आणि दाखवलेले सीन्स मला तर आवडले नि पटले ही.

अमा, तुमच्या या धाग्यामुळे हा चित्रपट पाहिला, नाहीतर बहुधा आवर्जून बघितला नसता. >> हम्म मी पण. बराय तसा, खुप काही वेगळेपण जाणवले नाही मला तरी. अशा प्रकारच्या व्यक्तीरेखा पाहील्यात आगोदर इतर सिरीज मधेपण थोड्याफार फरकाने.

अभिनय सगळ्यांचा छान झालाय. झैन आणि दीपिका बद्दलचे स्वाती यांच्याशी सहमत. ते कमिटमेंट कधी नव्हतेच त्यामुळे ते नातं तसंच वरवरचं वाटतं. अनन्या आवडली surprisingly. फार गोड दिसलीये आणि तिचा रोल चांगला केलाय.

दीपिका पण छान दिसते, सगळे outfits छान कॅरी केलेत, त्यामुळे ते स्पोर्ट्स ब्रा वगैरेचं काहीच जाणवलं नाही odd असं. तिने स्वतःसाठी पहिले ब्रेकप केले तिथपर्यंत ठिक वाटली, नंतर पुन्हा decisions चुकत गेले. झैन वाला actor ठिक ठाक, खुप काही charming वाटला नाही.

नसरुद्दीनचा शेवटचा सीन आवडला. शेवटी अनन्या जे काही म्हणते दीपिकाला, की नवीन सुरुवात करुया, टच मधे राहूया ते मला वाटलं की दीपिकाने म्हणायला हवे होते as a मोठी बहीण तिला. असो.

शेवटी तिला कळणार असतं का दीपिकाचं सिक्रेट? Through that म्हातारी??

स्वाती आंबोळे यांचा प्रतिसाद आवडला. अनुमोदन.

स्वाती आंबोळे +१ नासिर बद्दल चे मत सोडून..

स्वातीची पोस्ट पण आवडली, फक्तं झेनची लहानपणची स्टोरी खरी होती कि दीपिकाची सिंपथी घेण्यासाठी मेडअप होती समजलं नाही मला !

काल.पाहिला . One time watch वाटला. सगळे आपापल्या जागी ठीक वाटतात पण एकत्रित प्रभाव पडत नाही. झैन -टीया , करण-अलिशा, झैन-अलिशा , करण-टिया (childhood frnds ) कुठल्याच जोडीत spark किंवा chemistry दिसत नाही.
झैन young bznessman म्हणून ठिक वाटतो पण charming lover अजिबात नाही.
त्या call चा एवढा गाजावाजा करतात मला वाटल world bank कडे पैसे मागतायेत का , फुसका 5 min चा call .
सुरुवातीला पिचलेली अलिशा , झैनबरोबर affair चालू झाल्यावर visually pleasent , glowing दिसते .

गहराइयां हा 90च्या दशकातला मराठी सिनेमा असता,

तर दीपिकाच्या जागी अश्विनी भावे
अनन्या पांडेच्या जागी वर्षा उसगावकर

दीपिकाचा बॉयफ्रेंड रमेश भाटकर अथवा दिलिप कुलकर्णी,
अनन्याचा बॉयफ्रेंड अजिंक्य देव.
दीपिकाचा योगा ऍप नसून गरीब मुलांची नृत्यशाळा असती. (टाका एक नाच!). तिचा बॉफ्रे कादंबरीकार असता.
अनन्याच्या नवऱ्याचा साखर कारखाना असता.
यॉटऐवजी कॉन्टेसा,
अलिबागच्या ऐवजी पन्हाळ्याचा बंगला.

अनन्या अमेरिकेऐवजी दिल्लीला गेली असती.

समुद्रात वाचवलेल्या म्हातारीऐवजी शेजारच्या बंगल्यात बिबट्या घुसलेला असतांना ललिता पवारना वाचवलं असतं.

दीपिका एका गाण्यात प्रेग्नंट होते,
90च्या दशकात दोघं खेबुडकरांचं,अनिलअरुणांचं, वाडकरांचं, पौडवालांचं ड्युएट गात प्रेग्नंट झाली असती.

कारखान्याचा काळापैसा नृत्यशाळेच्या हार्मोनियममध्ये सापडून ती सील झाली असती.

अनन्याला बॉयफ्रेंडच्या लफड्याची कुणकुण प्रिया बेर्डे नावाच्या घरकामगाराकडून लागली असती.

मग बॉयफ्रेन्ड कड्यावरून पडून मेला असता.
नसीरच्या जागी श्रीराम लागू असते.
रविन्द्र महाजनीने पन्हाळ्याचा बंगला हडपला असता.

पिक्चरचं नाव असतं, 'झालंगेलं कड्यावरून पडलं'.
---
ता.क.- हा 2010च्या दशकातला सिनेमा असता तर अलिबागेऐवजी बोर्डीतारापूरला मासेमारीच्या बोटीवर व वसईच्या बंगल्यावर सोनालीसईअंकुशसिद्धार्थ(चांदेकर)बरोबर झाला असता. शेजारचा बंगला नीना कुलकर्णींचा, एंड क्रेडिटला गाणं असतं, '"लाटांखाली गुपीत गेलं फक!'.

योगेश दामले यांची फेसबुक पोस्ट

आज पाहिला.
सुरुवातीला फटकन बंद करायचा मोह आवरायला प्रयत्न करावे लागले.पण पाऊण तासाने एकदम पकड घेतो पिक्चर.
दीपिका चांगली दिसते, पण जरा थकलेली वाटते(मुद्दाम तशी घेतलीय का, कुटुंबातल्या ट्रॅजेडीमुळे?सिद्धांत म्हणजे झेन आवडला.अजून 1 दीड वर्षात जन्मणाऱ्या बऱ्याच बाळांची नावं झेन असतील असं वाटतं.
झेन कितीही गडद व्यक्तिरेखा असला तरी दीपिका ने त्याला असं कठीण प्रसंगी सारखं धारेवर धरलेलं,कोंडीत पकडलेलं विशेष आवडलं नाही.थोडा पेशन्स दाखवून बरेच प्रश्न सुटत होते.
अनन्या पांडे गोड दिसते आणि अभिनय पण जितका वाव मिळाला तितका आवडला.तो मुलगा उगीच आहे कथेत असं वाटलं.रजत कपूर आणि नसिरुद्दीन यांची पात्रं टिपिकल ते रोल्स करतात तशीच आहेत.
या सगळ्यात पोलिसांना नक्की कसं दाबलं हे जरा गूढ आहे.किंवा कुटुंबाने पुढचा तपास न करायचा ठरवल्या वर फाईल आपोआप बंद झाली असेल.
दीपिकाचे कपडे एकसुरी वाटले पण विशेष खटकले वगैरे नाहीत.आमच्या इथे गोल्डस जिम ला,dancing curve ला असणाऱ्या शिक्षिका मुली अश्याच कपड्यात वावरताना पाहिल्या आहेत.महाग, एकदम ट्रेंडी फॅशन चे रंगीत किंवा काळे रिपड स्पोर्ट लेगिंग आणि वर चांगल्या ब्रँड ची स्पोर्ट्स ब्रा.त्यांच्यावर चांगल्या फिगरमुळे विशेष खटकत पण नाहीत ते कपडे.
एकंदर पिक्चर मध्ये सगळ्यांच्या आयुष्यात सगळं चुकीच्या वेळी घडलंय.,

तर दीपिकाच्या जागी अश्विनी भावे
अनन्या पांडेच्या जागी वर्षा उसगावकर >>>>>> पण दिपिकाच्या रोलसाठी वर्षा उसगावकर फिट्ट वाटते. दोघीही बोल्ड आहेत. अश्विनी भावेची अनन्या पांडे रडूबाई झाली असती.

90च्या दशकात दोघं खेबुडकरांचं,अनिलअरुणांचं, वाडकरांचं, पौडवालांचं ड्युएट गात प्रेग्नंट झाली असती. >>>>>> ह्यावरुन अश्विनी भावे आणि अक्षय कुमारचा हिन्दी चित्रपट आठवला. त्यात अश्विनी अक्षयकुमार पासून प्रेग्नंट राहते. अक्षयकुमारच ऑलरेडी मुनमून सेनबरोबर लग्न झालेल असत. पुढे अक्षयची हिरोईह भलतीच दाखवलीये. अश्विनीच पुढे काय होत ते कळल नाही.

तो मुलगा म्हणजे कोण, अनु? दीपिका चा बॉय फ्रेंड का?

झेन कितीही गडद व्यक्तिरेखा असला तरी दीपिका ने त्याला असं कठीण प्रसंगी सारखं धारेवर धरलेलं,कोंडीत पकडलेलं विशेष आवडलं नाही... हे पटलं... त्याने काही हिच्यावर जबरदस्ती नव्हती केलेली!!

पण तो प्रोब्लेम clearly कम्युनिके ट करताना दाखवला नाहीये.
तो सगळं नीट आहे असच सांगत रहातो

हां . पैशाचा प्रॉब्लेम आहे तर तिला सांगायच ना . सारखं आपलं तू जा , मी बघतो वगैरे काय . पण कदाचित टिया चे परत देण्यात अडचणी येणार म्हणून तो टळतो . त्यात दोन्ही बातम्या अचनक कळल्यामुळे तो भांबावून जातो पार्टीच्या वेळी .
त्यामानाने टीया त्याची नीट चौकशी तरी करते , गोळ्या बघून काळजी करते . ही आणखी टेन्शन देते त्याच्या डोक्याला .

अमा, तुमच्या या धाग्यामुळे हा चित्रपट पाहिला. आवडला. वन टाइम वॉच आहे.
अभिनय सगळ्यांचा छान झालाय. दिपिका छान दिसते. outfits अजिबात खटकले नाहीत. छान कॅरी केले आहेत.
सिद्धार्थ चतुर्वेदी गलिबॉय मध्ये आवडलेला. यात ठीक वाटला .
एका सिन मध्ये झेन ला अनन्याला बोटीवरून ढाकलावेसे वाटते पण तो तसे करत नाही. पण नंतर तेच तो दीपिका सोबत करतो. तो कुणाशीच कमिटेड नाहीय .

टीयाला काहीतरी फिलिंग्स असतात, आलियाचं फक्त फिजिकल असतं almost. आंधळं का असेना, टीयाचं प्रेम असतं त्याच्यावर.

हो मला पण
मी एकदम सिरियल मध्ये दाखवतात तसे तोंडावर हात ठेवून हा वगैरे केलेले आठवतेय
झेन ने मुळात अती आत्मविश्वासात ते कर्ज घ्यायला नको होतं. त्यानंतर आलेले सर्व प्रश्न त्यानेच उभे केलेत. अगदी दिपीकाचा पण.
मुळात दोघे एकमेकांशी फ्लर्ट करतायत, एकमेकांशी संमतीने पण चुकीचे (एकाची फियान्स असतानाचे) संबंध ठेवतायत. असं असताना प्रेग्नन्सी कळल्यावर फक्त त्याला ब्लेम केल्यासारखं का वागावं? शिवाय तो 'आपण दोघे एकत्र बघू' म्हणतोय स्पष्ट, पण सध्या अडचण आहे, अर्जंट आहे सांगतोय तर थोडा वेळ द्यायला हरकत नाही. 'आताच्या आता सांग नाहीतर मी सांगते' वगैरे का?

(@ आंबटगोडः हो तो मुलगा म्हणजे दिपीकाचा आधीचा पार्टनर.)

.. ख नावाचा अनुभव येइल तिला हर्ट करायचे आहे. असे असावे.>>>+१

या धाग्यामुळे काल हा चित्रपट पाहिला. वन टाइम वॉच आहे. थोडा wannabe वाटला. म्हणजे सगळे issues दाखवायचे तर आहेत पण depth च नाही. मला खूप relate नाही झाला. पण अनेकांना होऊ शकतो. तरी पण एकूण सादरीकरण चकाचक असल्यामुळे बसल्या बैठकीत पाहून झाला. नाहीतर हल्ली मी सिनेमे पण २/३ सिटींग मध्ये बघते.
दीपिकाची टोन्ड बॉडी बघून एकदम envious ! पण आता वय जाणवते तिचे.. especially अनन्याच्या पुढे. तिचे कपडे तर फारच मस्त. इव्हन लव्ह सीन्सही काही फार ओव्हर नाही वाटले. एवढे तर हल्ली कॉमन हेत.
सर्वात सुंदर समुद्र व ते पनवेलचे घर !

सगळीच कॅरॅक्टर्स स्वार्थी आहेत.
टाळूवरील लोणीही न सोडणारी

शिवाय तो 'आपण दोघे एकत्र बघू' म्हणतोय स्पष्ट, पण सध्या अडचण आहे, अर्जंट आहे सांगतोय तर थोडा वेळ द्यायला हरकत नाही. 'आताच्या आता सांग नाहीतर मी सांगते' वगैरे का?>>> अनेक जुळून येणार्‍या घटना बघितल्या तर दिपिकाला तो डबल गेम खेळतोय हे सारख वाटत राहतय.
अर्थात झेनने सगळ एकट्याने सॉर्ट करत राहण्यापेक्षा हे अस अस झालय हे सान्गितलेले जास्त बर झाल असत पण मग मुव्हीत इतक लॉजिकल घडल तर पुढचा ड्रामा कसा घडेल?