झिम्मा - मराठी चित्रपट

काल पाहिला... आवडला.
एक तर इतक्या दिवसानंतर सिनेमाघरात गेलो हेच अप्रूप होते. बॉण्ड की ढोमे ह्यात ढोमे जिंकला. बऱ्यापैकी चित्रपट जमला आहे. झिम्मा गाणे फार ग्रूविंग आहे. निर्मिती सावंत ह्यांचा स्क्रीन प्रेसेन्स हशा पिकवतो. इतर कलाकार पण छान.

सगळे चांगले रिव्ह्यू वाचून मला वाटतयं OTT वर का। नाही आला हा पिक्चर..

OTT वर का। नाही आला हा पिक्चर..>>>> मार्च २०२२ ला येईल असे कुठेतरी वाचले होते.

मस्त आहे सिनेमा.

त्यात त्यांचे प्रॉब्लेम सुटत जातात, जगण्याचा नवा दृष्टीकोन मिळतो.. वगैरे वगैरे.. पण हे सारे फारच सुंदर पद्धतीने घडते. >>> +१२३ उगाच रडारड नाही, मस्त हलकाफुलका आहे.

परत नक्की बघणार आहे.

छान आहे झिम्मा! स्पॉइलर असं नाही पण सिनेमा पाहणार असाल तर मग कदाचित पुढची पोस्ट वाचून रसभंग होऊ शकतो.

मला थोडी खटकलेली गोष्ट म्हणजे मृण्मयी गोडबोलेच्या characterची अशी काही आर्क दिसली नाही. ती ट्रिपला का आली होती आणि तिला ट्रिप मधून काय गवसलं असं मला तरी लक्षात आलं नाही. शिवाय आम्ही बाळ होण्यासाठी प्रयत्न करतो आहोत म्हणणारी मुलगी दारू पिते हे तर अगदीच कॉमन सेन्स च्या पलिकडे वाटलं! उलट तिला ड्रिंक अॉफर केल्यावर मी पिणार नाहीये असे सांगणारा सीन असता तर ते एकदम पटले असते. ही इतकी साधी गोष्ट कशी काय मिस होते?
बाकीचा सिनेमा खूप छान प्रसन्न झालाय. सगळ्यांची काम उत्तम. मला सगळ्यात आवडलेला प्रसंग म्हणजे सगळ्याजणी बागेत निवांत लोळत असतात आणि कोणी त्यांच्याकडे ढुंकूनही पहात नाही. भारतीय लोकांच्या विशेषतः पुरूषांच्या नजरा हा इतका invasive प्रकार आहे. त्यापासून दूर गेल्यावर जाणवणारा मोकळेपणा फार फार हवासा वाटतो. भारतात एका रस्त्याच्या कडेला असलेल्या बागेत काही बायका लोळत पडल्या आहेत आणि त्यांच्याकडे कोणी पहात सुद्धा नाहीये असं चित्र मला कल्पनेत सुद्धा दिसत नाही. It's not a big ask really but still women in India don't have this pleasure त्यामुळे हा प्रसंग खूप आवडला!

हे मा शे पो जास्तच मनावर घेतलं दिसतंय.
हा सिनेमा बघितला नाही. ओटीटीवर आल्यावर बघेन.

जिज्ञासा +१
Spoiler:

मला खटकलेली गोष्ट म्हणजे जेव्हा क्षिती जोग हरवते...त्या वेळी स्वतः पत्ता शोधत जाण्यापेक्षा त्यांचा WhatsApp ग्रुप वर का नाही मेसेज करत..कोणतरी तिला न्यायला आले असते..given that finding adress on maps was difficult for her..(फ्लॅशबॅक)

मुलीसोबत पाहिला मी झिम्मा... आम्हाला पण खुप आवडला... हलकाफुलका मस्त.... एकदम साधा , सरळ....

स्पॉईलर :
मीता हरवते तेव्हा स्टेशन वर आलेला काळा माणुस बघुन अरे बापरे आता हा वाईट असणार आणि कोणीतरी तिला वाचवायला येणार किंवा ती फाईट करणार त्याच्याशी वगैरे असं सगळं डोक्यात आलेलं...(thanks to typical cimemas... ) पण तो एकदम साधा , सरळ तिच्या मनात काय चाललेलं असु शकेल हे समजुन घेणारा निघाला... मग पुढे जाउन परत तो दुकानदार पण फसवणार, गेला बाजार मोबाइल तरी हरवणार... असं आलं मनात तर ते पण नाही... मीता ला हॉटेल सापडतं तेव्हा तिच्या सोबत आपल्या पण डोळ्यात पाणी येतं... आपला हरवलेला आत्मविश्वास परत मिळाणं हे feeling किती भारी असेल ना ?
आपण तेच तेच ठराविक सिनेमे बघुन किती गोष्टी गॄहीत धरुन चाललेलो असतो.. पण त्या सगळ्याला छेद देतो हा चित्रपट... कोणी हीरो नाही, कोणी व्हिलन नाही... सगळे आपल्या आजुबाजुला असलेले लोक आहेत...म्हणुनच कदाचित आवडला असेल जास्त...

झिम्मा चे सीन डीस्कस करायला धागा काढा यार... अजुन लिहावसं वाटतय...

इतक्या दिवसाने , थेटरात सिनेमा पाहिला हेच कारण मस्त होतं. त्यामुळे ज्यास्तच उत्साहाने गेलो.
मला सिनेमा आवडला. कथेत काही नाविन्य नाही पण मांडणी आवडली.
निर्मिती सावंत आवडलीच.
स्पॉईलर अलर्ट!!
बाकी, प्रत्येक पात्राची ओळख नीट झाली . रमा ह्या पात्राला सटल दाखवलेय. रमा, कामातून सुटून हा बाहेर फिरण्याचा निर्णय ती घेवु शकली हेच तिच्यासाठी महत्वाची पायरी होती. म्हणूनच जेव्हा कृत्तिका कसलाही विचार न करता पळून जाते तेव्हा तिलाच ज्यास्त अमेझिंग वाटते. कित्येक स्त्रीया कौटुंबीक जबाबदारीत दबल्या असतात की, साधी सुट्टी घेवून जाता येत नाही किंबुहुना त्या स्वतच गृहित धरतात की त्या असे करु शकत नाही. आणि ह्याच स्ट्रेस खाली जगतात व त्या स्ट्रेस्सचा परीणाम फर्टिलीटी वर सुद्धा होतो. बाकी, रमाचे दारु पिणे चुकीचे वाटले.
मीता फोनवर बॅटरी कमी असल्याने फोन चार्ज करण्याचा विचारात गोंधळते. त्यात ती थोडीशी वेंधळीच आहे त्यामुळे आपण कस्काय वर बोलुया लक्षात येत नाही बहुधा.

गमवलेला आत्मविश्वास मिळणे हि अतिशय सुंदर भावना असते.
मला विचारा ना.
असो.

गमवलेला आत्मविश्वास मिळणे हि अतिशय सुंदर भावना असते.
मला विचारा ना. Happy>>>> सांगा ना ताई.

तारक मेहता का उलटा चष्माचे काही एपिसोड असे आहेत. एसेल वल्ड, सिंगापूर, पटेल पुतळा टुअरस.
बॉम्बे टु गोवा कसा होता?
----------–

चित्रपटांत मॅजिक बघायचे असते
लॉजिक नाही. ( खुलासा)

स्पॉयलर वाचले नाहीत पण सिनेमा नक्की पहायचा आहेच. ट्रेलर खूपच आवडले होते. सिद्धार्थ चांदोकर फार गोड व गुणी कलाकार आहे.

उडता झिम्मा कसा खेळायचा ? कदाचित इथे उत्तरं मिळू शकतील.
https://www.maayboli.com/node/80655

मला ठीक वाटला मुव्ही. अगदी वॉव नाही जेवढा हाईप केला. मराठी चित्रपटाचं लंडनमधे शुटींग एक जमेची बाजू म्हणता येईल.
निर्मिती सावंत आणि सुहास जोशी बेस्ट आहे मात्र.

सुचेता आणि सुहास जोशीचं बळंच भांडण दाखवलंय. एकत्र येण्याचं कारणही परत फुसकंच. सुहास जोशी आणि बाकीच्या वॅकेशन वर दारू पितात तर हिला काय एवढं भांडायचं कारण तेच कळलं नाही. म्हणे अन्याय झाला की बोंबलून उठायचं. इथे कोणी हिला पिण्यासाठी जबरदस्ती करताना दाखवलं का ? मी मिसलं असेल. काही काही तत्वज्ञानं बळंच घुसडली आहेत. एक सिरीयस सिन, एक उपदेश डोस, एक लाफ्टर सीन असं अगदी ओळीत ठरवून आल्यासारखं वाटतं. रमाची काहीच स्टोरी दाखवली नाही. तिला पण बहुतेक त्या सायली संजीव सारखं फ्री जगायचं असतं. एक दोन वेळा भारी आहे हे म्हणते त्यावरून वाटलं.
सोनालीच्या स्टोरीत पण कबीर दुसर्‍या मुलीबरोबर गेला की हिला लगेच कसं निखिलबद्दल वाटा यला लागतं तेही कळलं नाही. निर्मितीचं एकूण सुरवातीचं आणि ओव्हरॉल वागणं बघता हिने एकटीने कसं परदेशात जायचं बुकिंग केलं असं वाटून गेलं. पण तिचं आपणंच आपल्यावर कधी कधी बंधनं घालून घेतो हे वाक्य जाम पटलंय.

फारच लॉजिक ठेवुन गेले का मुव्ही बघायला

हे मा वै म आहे. सगळे याच्याशी सहमत नसू शकतात याची पूर्ण कल्पना आहे.

अंजली, कुठे पाहिलास तू? इकडे थिएटर्स ला आलाय का एन्जेत?

हो गं.. फँडेगो वर बघ.. पुढच्या शनिवार रविवार १.३० वाज्ता बिग सिनेमा ला आहे.

अंजली यांच्याशी सहमत. मलाही ठिकठाकच वाटला. सुहास जोशी आणि बांदेकर यांचं भांडण कशावरून झालं तेच कळलं नाही आणि मिटलं कसं तेही नाही. कृतिका, रमा, मीरा या नावामध्ये कोण कुठली हे शेवटपर्यंत लक्षात राहिलं नाही. मायलेकीमध्ये नक्की का पटत नाही हेही कळलं नाही. सोनाली कुलकर्णीचा काय प्रॉब्लेम असतो तेच कळलं नाही. एकदा वाटलं तिचं जबरदस्ती लग्न करून देतात, एकदा वाटते तिचा बीफ असेल पण तसं काहीच नसतं.
लंडनला किंवा परदेशात आतापर्यंत अनेक मराठी चित्रपट शूट झालेत. सुहासची मुलं तिथेच राहतात आणि तीही तिथंच राहते तरी ट्रॅव्हल्स बरोबर फिरायचं प्रयोजन कळलं नाही. म्हणजे एकटी फिरू शकणार नाही अशी ती अजिबातच नाही. मुलांशी व्यवस्थित संवाद नाही हे कारण असू शकतं. अजून दोन जणी होत्या बहुतेक पण त्या फक्त संख्या वाढवायला असतील.

भांडण, ट्रिप मधे पिण्यावरून होतं.
कृतिका - सायली संजीव
रमा - मृण्मयी गोडबोले
बाकी नावं खरचं खूप confusing होते.

मीरा मिता - क्षिती जोग
सुचित्रा बांदेकर - vocal होण्याच्या नादात जिथे तिथे नको त्या गोष्टीवरून पंगे घेणारी व्यक्तीरेखा आहे असं वाटलं. उगीच वाद उकरून काढलेला असतो तिने. पटणेबल!
थोडा तुटक तुटक आहे हे नक्की. थोडा मोठा करून या गॅप्स भरल्या असत्या तर अजून wholesome (परिपूर्ण?) वाटला असता हेमावैम.

ढोमेच्या आधीच्या च चित्रपटात होते की सगळं लंडन चेच शूटिंग
बघतोस काय मुजरा कर मध्ये

ढोमेच्या आधीच्या च चित्रपटात होते की सगळं लंडन चेच शूटिंग
बघतोस काय मुजरा कर मध्ये>>>>> हो का नव्हतं माहित.

खूप ट्रॅक एकत्र झाले आहेत, त्यामुळे सविस्तर खुलवले नाहीत, >>>>>>>>>>>> ++१११

झिम्मा आला प्राईमवर>>> वाह! आज रात्री पुन्हा बघेन.

बघायला हवा.

मस्त सिनेमा आहे. निर्मीती सावंत - एकदम क्युट काम केले आहे. लव्हड हर!!!

कालच रात्री पाहिला, चांगलाय तसा हलकाफुलका. निर्मिती सावंत आवडली, आणि मिताचा रोल आवडला. निर्मिती चे कबीरला आईबद्दल सांगतानाचा आणि मितासोबत चर्चमधला सीन आवडला, नॅचरल एकदम. बाकी पात्रांबद्दल वर जे काही चर्चा झालीये त्याला सहमत.
सोनाली म्हातारी दिसतेय आता, बळेबळेच तरुण दाखवलीय. तिने त्याला भेटायला आल्यावर ज्या प्रकारे झिडकारले ते बघून मला वाटलं हाच लग्न मोडेल आता, पण झालं उलटेच जे अपेक्षित नव्हते.
बाकी निळ्या उर्फ कबीर झकास दिसलाय एकदम आणि त्याने सोनालीला बहीण करून टाकलं ते फारच हसू आलं शेवटी , he was a realistic character and liked him.

अरे काय मस्त पिच्चर आहे झिम्मा.. सुरूवात ते शेवट मस्त पेस मधे चाल्लेला.. background ला ते झिम्माचं टायटल सॅांग अधूनमधून येत राहतं ते पण मस्तच.. निर्मिती सावंतचे सगळेच डायलॅाग्ज आणि काम जबरी. सुहास जोशी मॅाडर्न लूकमध्ये भारीच दिसलीए.. आणि हो, प्रत्येकीचीच स्टोरी खास होती त्यामुळे कोणती जास्त आवडली सांगता येणार नाही..सगळ्याच आवडल्या.. बागेत झोपण्याचा सिन, एकत्र दारू पिण्याचा सीन, शेवटचा सोनाली आणि तीच्या होणाऱ्या नवऱ्यातले संभाषण सगळंच छान होतं.. एकंदरीत, पिच्चर फार आवडला.. थिएटरमध्ये बघायला धम्माल आली असती.
अजून एक, तो हिरो मला आवडत नाही.. गुलाबजाममधेही नव्हता आवडला..म्हणजे त्याची बोलायची स्टाईल नाही आवडत..इरिटेट होतं..पण ह्यात त्याच्याकडे लक्षच गेलं नाही इतका सगळ्याजणींनी छान अभिनय केलाय

झिम्मा आवडला.
निर्मीती सावंत, क्षिती जोग आणि बाकी सर्वांनी छान काम केलंय.
मला त्या गुजराती स्त्री ची बॅक स्टोरी अजून डिटेल मध्ये चालली असती.

गुडेकर च्या लहानपणी चा ट्रॉमा प्रसंग आणि सध्याचं वागणं याची (परखड शब्दात चुकीच्या जाणवलेल्या गोष्टींचा निषेध हा कॉमन मुद्दा सोडून) लिंक मनाला भिडत नाही. बहुतेक 'त्याने मला माण्डीवर बसायला सांगितलं आणि त्याच्या तोंडाला भपकारा येत होता' असं काही ऐकलं असतं तर मनाला क्लोजर मिळालं असतं (चांगल्या जमून आलेल्या कथेत अश्या बाळबोध लिंक लावत बसण्याबद्दल इथे माझाच छोटा निषेध करते.) सुहास जोशी नेहमीप्रमाणेच क्लास. चांदेकर आणि सोकु ने छान दिसत थोडा अभिनय करण्याचं काम चांगलं केलंय.तो होणारा नवरा पण चांगला.

(निर्मीती चं "तुम उससे शादी करेंगा ना" भन्नाट आहे )

एकंदर हलका फुलका पिक्चर, सगळ्या कुटुंबाने, मुलांनी पण एन्जॉय केला.

सगळे कंस बंद केलेत.