खेळ: शब्दांचा झब्बू : म्हणी

ही पोस्ट कोड्याचा भाग नाही.

काही मॉडर्न + काही इरसाल म्हणी

कॅशियरचा खिसा रिकामा

सासू क्लबमधे सून पबमधे

खाऊन माजावे टाकून माजू नये

वंशाला हवा दिवा, ती म्हणते ईश्श तिकडे जावा.

खिशात नाही डोनेशन, घ्यायला चालला ऍडमिशन.

मुलं करतात चॅनेल सर्फ, आईबाप करतात होमवर्क.

चुकली मुलं सायबरकॅफेत.

चुकल्या मुली ब्युटीपार्लरमध्ये.

ज्या गावचे बार, त्याच गावचे हवालदार.

नाजुक मानेला मोबाईलचा आधार.

मनोरंजन नको रिंगटोन आवर.

स्क्रिनपेक्षा एस एम एस मोठा.

जागा लहान फ़र्निचर महान.

उचलला मोबाईल लावला कानाला.

रिकाम्या पेपरला जाहिरातिंचा आधार.

काटकसर करुन जमवलं, इंकम टॅक्समध्ये गमावलं.

म्हशीने रांधलं आणि हेल्याने खाल्लं.

रंग गोरापान आणि घरात ग घान.

रंग जाणे रंगारी, धुनक जाणे पिंजारी!

येरे माझ्या मागल्या, ताक कण्या चांगल्या.

रंग झाला फिका आणि देईना कुणी मुका.

रंगाने गोरी पण हजार गुण चोरी.
रोज घालतयं शिव्या अन एकादशीला गातयं ओव्या.

रुखवत आले, रुखवत आले दणाणली आळी, पहातात तो अर्धीच की हो पोळी.

लढाईमे बढाई आणि खजिनेमे गवऱ्या.

लबाडाचे आमंत्रण जेवल्याबिगर खोटे.

लाखाशिवाय बात नाही अन वडापाव शिवाय काही खात नाही.

लेकीच लेकरं उडती पाखरं, लेकाची लेकरं चिकट भोकरं.

लोकाचे लेणे ले ग लुचरे, मागायला आली दे ग कुत्रे.

वर झगझग आत भगभग.

वर मुकुट आणि खाली नागडं.

विचारांची तूट तेथे भाषणाला उत.

विहीणाचा पापड वाकडा.

वेळना वखत आन गाढव चाललय भुकत.

शब्दांचा सुकाळ तेथे बुध्दीचा दुष्काळ

असतील मुली तर पेटतील चुली.

अग माझे बायले, सर्व तुला वाटिले.

अघटित वार्ता आणि कोल्हे गेले तीर्था.

अडाण्याचा गेला गाड़ा, वाटेवरची शेते काढा.

अडाण्याची मोळी, भलत्यासच मिळी.

अड्क्याची भवानी सपिकेचा शेंदूर.

अढीच्या दिढी सावकाराची सढी.

अती झाले गावचे अन पोट फुगले देवाचे.

सख्ख्या सासूला दिली लाथ, चुलत सासूचा कापला कान, तिथे मामे-सासू मागते मान.

सतरा कारभारी, एक नाही दरबारी.

अक्कल नाही काडीची नाव सहस्त्रबुद्धे

अर्ध्या गावाची नाही खबर आणि वाटणीला बरोबर.

वाजे पाउल आपले म्हणे मागून कोण आले.