Submitted by 'स्वच्छंदी on 23 March, 2021 - 12:05
चेहऱ्यावर मुखवटे ठेवा
©® स्वच्छंदी
शक्य तितके हासरे ठेवा
चेहऱ्यावर मुखवटे ठेवा
फार मित्रांची नको गर्दी
चार ठेवा... चांगले ठेवा
पेटवा आम्हां बिचाऱ्यांची
आपली शाबुत घरे ठेवा
आत काटे राहुद्या बेशक
वर सुगंधी मोगरे ठेवा
गंध नाही ज्यांस जगण्याचा
पुस्तकातच ते धडे ठेवा
प्रेम प्रेमासारखे राहिल
स्वप्न स्वप्नासारखे ठेवा
ही गझल होइल मुकर्रर बस्
दुःख शब्दांच्या पुढे ठेवा
Groups audience:
Group content visibility:
Public - accessible to all site users
शेअर करा
छान गझल अनेक शेर आवडले
छान गझल
अनेक शेर आवडले
बहुतेक सगळेच शेर त्यातल्या
बहुतेक सगळेच शेर त्यातल्या खयालांना न्याय देत अप्रतिम ऊतरले आहेत.
मनःपूर्वक धन्यवाद बेफिकीर सर.
मनःपूर्वक धन्यवाद बेफिकीर सर....
आपली दाद मला अधिक चांगले लिहिण्यास प्रोत्साहित करते.
मनपूर्वक धन्यवाद...
मनपूर्वक धन्यवाद....हायझेनबर्ग
सुंदर
सुंदर