मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by महेश मोरे स्वच्छंदी on 29 December, 2020 - 03:34
बोचते सल उरास काट्याची
भेट देऊ नको गुलाबाची
आठवण हुंदक्यांसवे येते
खासियत रोजच्या सरावाची
आज गेलो ठरून मी वेडा
आणि चर्चा तुझ्याच नावाची
छिद्र होते जुनेच नावेला
चूक नव्हती तुझ्या किनाऱ्याची
तू हवी तेवढी सुखे घे पण
वेदना आमच्याच वाट्याची
"आतल्यां"च्या जिवावरी जगतो
केवढी ही मिजास देहाची
©® - महेश मोरे (स्वच्छंदी)
9579081342
Groups audience:
Group content visibility:
Public - accessible to all site users
शेअर करा
