शब्दखेळ (3)

तू केव्हा आलीस मुंबईला?

लांबी वाढवताना मध्ये आणि, व, पण, परंतु घालून चालणार का?
मोजायचे नाहीत हे शब्द. मुख्यच मोजायचे. पण वाक्य अर्थपूर्ण करण्यासाठी लागलेच, तर वापरू का?

तेच वाक्य पुढे न्यायचेय का ? की वेगळे चालेल?
उदा -- मी तुला पाहिले
पुढचे वाक्य --- मी तुला पाहिले हसताना --- असे हवे की पूर्ण नवीन ४ अक्षरी चालेल?

४ शब्दी --- ही फुले रात्रीच फुलतात.
वाक्ये सुचतील तशी लिहीत जायची ना? का तुम्ही सूचना देणार ५, ६, ७ शब्दीसाठी? थोडे थांबून लिहायचे?

रोचक आहे हा खेळ.
पद्य ओळ चालेल की गद्य पाहिजे?
म्हणजे 5 शब्दी "तो गेला छेडून अलवार जीवनगाणे"
हे चालेल का?

मी आज सकाळी आरशात पाहिल्यावर गडबडलोच.

७ - मी मागच्या वर्षी कोकणात पर्यटनाचा आनंद लुटला.

तो रोज वाचतो कचेरीस निघण्यापूर्वी वर्तमानपत्र आदल्यादिवशीचे.

८.
हो मला खरंच आवडते वेगवेगळ्या विषयांवरती बडबडावयाला मनमोकळेपणाने.

५ शब्दी ---- का अशी सारखी धावपळ करतेयस?
६ शब्दी ---- मी स्वतः सवय नसल्याने उंबरठ्याला अडखळतेय.
७ शब्दी ---- ती रोज अशीच घरभर हुंदडायची, भिरभिरणार्‍या फुलपाखरागत.
८ शब्दी ---- तो दैवी स्वरात रागमाला आलापताना तालासुरांवर हरीणशावकेही लहरतविहरत.
९ शब्दी ----
ये जळ भरल्या नयनांत अवचितशी चैतन्यझळाळी
कृष्णनभासभोती कातरसंध्यासमयी सुधांशुकिरणनव्हाळी

अरे हो चुकलेच , मला फक्त ७ शब्दांचे वाटले .

ती मला दिसली, पावसाळी कातरवेळी, रिमझिमणार्‍या पाऊसधारांतुन, तडिताघाताप्रमाणे, निमिषा-दो-निमिषासाठी!

सत्यजित , मस्त.

अरे किती मस्त !!
९साठी पद्यच हवे. सत्यजित १०, ११ पण लिहा. तुम्हाला जमेल.
मी ९ जुळवले ट ला ट करून पण टाकायला लाज वाटत होती. आता टाकते.

अरेरे, मी पण १० साठी सुघटनशल्यविशारदच पकडला होता मनात. तो गेला....

सत्यजित यांच्या वाक्यावरून :
ती मला दिसली, पावसात वावरताना, रिमझिमणार्‍या पाऊसधारांतुन, अरुणोदयासमयी कृष्णमुखकमलापरी निमिषा-दो-निमिषांंकरीता.

>>>ये जळ भरल्या नयनांत अवचितशी चैतन्यझळाळी
कृष्णनभासभोती कातरसंध्यासमयी सुधांशुकिरणनव्हाळी>>> कूर्निसात!

कारवी,मी लिहिलंय त्यापेक्षा खूपच सरस, अर्थपूर्ण तसंच काहिसं अर्थ-गूढ लेखन वाटलं मला! अभिनंदन! लिहीत रहा.

११ कोण ? --- मानव आणि सत्यजित विभागून
मानव यांच्या वाक्यापुढे जोडायचे ---- विरह-आर्त-मनसंजीवनी,

१२ साठी त्याहीपुढे जोडता येईल ---- तृषितचातकमेघमालेपरि.

अभिनंदन! लिहीत रहा.
Submitted by सत्यजित... >>>>
नाही हो, कविता माझा प्रांत नाही. बो़जडच होतं काहीतरी. तुम्ही सभ्यपणे अर्थ-गूढ म्हणताय त्यालाच.
सोपं सुटसुटीत तरीही नेमके भाव घेऊन येणारे शब्द नाही जमत. हे आधी सुचलेले, कोड्याच्या अटीत बसवायला बदलले --
ये जळ भरल्या नयनांत, अवचितशी तेजझळाळी
जणू श्यामल-नभा-सभोती, सुधांशुकिरणनव्हाळी

ओके. आजचा खेळ आवडला.
इंग्लिशमध्येही असेच वाढवतात? की शब्द लहानमोठे मिक्स वापरतात?
यावरून एक अजून करता येईल. एकाच वाक्यात चढता+उतरता क्रम.
१ २ ३ ४ ३ २ १ असे शब्द. कठीण होईल कदाचित. एकक्षरी क्रियापद.