काकडी - पोहे

वा मस्त आहे रेसिपी. आधी वाटलं दडप्या पोह्यांसारखं असावं. म्हणजे जिन्नस तेच पण त्यात काकडी अ‍ॅडिशनल असं.

रेसिपी छान आहे पण सद्ध्याच्या काळात कच्ची काकडी कांदा टाॅ, कोथिंबीर, मिरची, मुळा, गाजर काहीच कच्चं नको. जरासं वाफवून घातलं तर बरं.

भारी !

रेसिपी छानच आहे. पण वर मेधावि म्हणलीय तस सध्या कच्चं न खाल्लेलंच बरं.
एरवी ह्यात गोडसर दही घालून ही भारी लागतं. दही काकडी पोहे. गाजर सिमला मिरचो, थोडे क्रश अक्रोड , वर पोह्याचा भाजलेला पापड चुरून अस सगळं घालून एक one pot meal ही होऊ शकत ह्याच.

मस्त. करून पाहणार.

मस्त.
मलाही सायोसारखंच वाटलं - दडप्या पोह्यांत कांद्याऐवजी काकडी.

कच्चं का खायचं नाहीये सध्या?

आमच्याकडे कोरोना थुंकीयुक्त वस्तू मिळतात ना म्हणून असेल.

भाज्या(वरची थुंकी) धुवून घेत असाल ना एरवीही?
तसाही कोरोना श्वसनसंस्थेत शिरणारा विषाणू आहे - पचनसंस्थेत नव्हे असं वाचलं. मायबोलीवरच्या तज्ज्ञांनी प्रकाश टाकला तर बरं होईल.

उगीच कशाला विषाची परीक्षा घ्या असं असेल! ही नेहमीची रेग्युलर थुंकी नाही, कोरोना स्पेशल आहे.
तसेच, नाक आणि तोंड मध्ये फार काही स्क्वे. फुटांचं अंतर नाही.

काकडी पोहे रेसिपी छान आहे. मी एकदा केली होती रुचिरा मध्ये बघूनच, मला जरा लगदा झाला असं वाटलं. दडपे पोहे चा खमंगपणा नव्हता. इथे मिळणाऱ्या प्रचंड पाणीदार काकडीचा दोष असू शकतोच. पुढच्या वेळेस चोचवून बघू असा विचार होता पण पहिल्या प्रयत्नात तितकी मजा न आल्यामुळे राहिलंच.
वरातीमागून घोडे (relevant?) प्रतिसादासाठी सॉरी च

राजसी, पातळ पोहे वापरलेस का? त्याचा गचका होउ शकतो

माझ्यामते काकडी शक्यतो सोलूनच घेतली जाते म्हणून चालावी. --- हो, बरोबर. मी पण काकडी, टोमॅटो, गाजर असं सगळं खाते आहे दुपारी भयंकर उन्हात घरात बसल्या-बसल्या लाहीलाही होते तेव्हा काकडी must.
पातळ पोहे -शक्य आहे, आठवत नाही आता.

आम्हीही काकडी गाजर खातोय. धुवून घेतोच नाही तरी.

साधारण असा प्रकार मी भाताचा करते. घरी उन्हाळ्याच्या दिवसांत इतर जनता दही-भात खायची तेव्हा मी काकडीची कोशिंबीर-भात खायचे. मस्त लागतो.

नाक आणि तोंड मध्ये फार काही स्क्वे. फुटांचं अंतर नाही >>> आपल्या पचनसंस्थेत रिसेप्टर नाहीत या विषाणूला राइड द्यायला असं म्हणतात. त्यामुळे खाद्यपदार्थातून पोटात गेलेच तर दुसर्‍या दिवशी त्यांना बाहेरचा रस्ता. अर्थात स्वयंपाक करताना (किंवा खाताना) नको त्या सवयी असल्या तर मात्र ते अंतर काउंट्स

नवीन संशोधन अजून पुढे गेले आहे

करोना गुप्त मार्गाने पसरत नाही , it is not STD हे शास्त्रज्ञानी सिद्ध केले आहे

मला आमच्या फॅमिली डाॅक्टरांनी सांगीतलं सद्ध्या कच्चं काही खाउ नका म्हणून.

अरे रेसिपीवर बोला! इतकी छान रेसिपी टाकलीये योकुने, छानच लागतात हे पोहे , मिरची जरा बारिक असेल तर मस्त गोड्,तिखट अशी मिक्स चव येते.
मैत्रीणीकडे खाल्ले होते तिने काकडी बारिक चोचवुन घेतली होती आणी १चमचा आबन्ट दही घातल होत.

छान रेसिपी.. मी ही करते. लहानपणी ऊन्हाळ्यात दुपारी खिडकीत बसून खात खात चि. वि. जोशींची पुस्तके वाचायचे. मी फोडणी मध्ये थोडे शेंगदाणे घालते बाकी सेम .

आम्ही यालाच दडपे पोहे म्हणतो व असेच करतो. मस्तच लागतात.

छानच रेसीपी. आज मधल्यावेळेस करते. आता काकडी घेउन येते. मला पन पहिल्यांदा वाटलेनी मग त्यापेक्षा दडपे पोहेच का करु नाहीत?

आज केले. मस्त झाले. जाडे पोहेच वापरले. लिंबू नव्हतं. ओलं खोबरं होतं. कच्चा कांदा घालायचा मोह झाला पण नाही घातला. पुढच्या वेळी घालून पाहीन

जाड पोहे न शिजवलेले कच्चे कच्चे आणि चिवट नाही लागणार का खाताना. काकडी चोचवून म्हणजे कशी.

https://youtu.be/3neY8L2hcbU

हे बघा इथे मधुरा काकडी चोचवते आहे.
ती करते आहे त्यापेक्षा खूप जलद आणि बारीक हवं.

चंपा, नाही चिवट लागत. पोहे धुवून घेतल्यामुळे मऊ होतात.
असे नुसते धुतलेले पोहे, दूध आणि गूळ हा माझा लहानपणी आवडता खाऊ होता. अजूनही आहे.

छान रेसिपी . चविष्ट

मस्त रेसिपी आहे. छान थंडावा येत असेल.

खमंग काकडी उरली तर त्यात पोहे भिजवून कालवले आणि तिखट मीठ adjust केलं तरी बनतील हे पोहे.

मस्त!
आमच्याकडे दडपेपोहे हे ओला नारळ खवून + नारळाचे पाणी घालून करतात त्यात अशी काकडी घालता मात्र काकडी कमी आणि ओले खोबरे जास्त.
इथे खात्रीचा नारळ मिळत नाही त्यामुळे तसे दडपे पोहे करणे जवळजवळ बंदच झाले. हा काकडी पोहे पर्याय छान आहे.

मी केले हे पोहे छान होतात,पातळ पोहे वापरले आणि थोडी कैरी होती हाताशी ती पण घातली, फोडणीला बुटकी मिरची वापरली त्यामूले गोड, आन्बट, तिखट अशा चविचे झाले पोहे
एका काकडीच्या सुटलेल्या पाण्यातच पोहे भिजले, ओला नारळ असता अजुन छान चव आली असति अस वाटल.
फोटो खास नाहि आलाय

प्राजक्ता फोटो मस्त आलाय एकदम.
सासुबाई नॉर्मल कांद्या पोह्यांमध्ये सफरचंद घालतात. चक्क चांगले लागतात. मला तस कांदेपोहे काकडी घालून वाटलेले. .
पण एकुण चर्चेवरून हे बरचस दडपे पोह्यासारख असावस वाटतय.