घोळ भाजीचा तवा-झुणका

घोळची भाजी स्वच्छ धुवून घ्या व मग पाने निवडून घ्या. दुसरीकदे भज्यासाठी भिजवतो तसे बेसन पीठ भिजवून घ्या.
आता गॅसवर तवा तापत ठेवा. तवा तापला की त्यावर फोडणीसाठी तेल तापायला घालून ठेवा. तेल चांगले तापले की त्यात मोहरी व जिरे घालून छान तडतडले की हळद,हिंग ,लसूण ,चिरलेली कोथिंबीर घालून परतून घ्या. मग त्यात घोळ च्या भाजीची पाने घालून चांगले परता, आता त्यावर भज्याचे भिजवून ठेवलेले पीठ घालून उलथण्याने मिक्स करून घेऊन नंतर झुणक्याची खरपुडी होईपर्यंत परता.