तुम्ही कोणते युट्यूब चॅनल्स सबस्क्राइब केले आहेत?

Red soil stories चॅनलवरची कुक पूजा गवस हिचा नवरा शिरीष गवस ब्रेन हॅमरेजने गेल्याची बातमी वाचली. एक लहान बाळ आहे त्यांचं. It is one of my favourite channels on YouTube.

एफ्रन राईस या बिलयर्ड प्लेयर्सचे अनेक व्हिडीओज सतत फीड मधे येत होते. ते बघता बघता कधी वेड लागलं समजलंच नाही.
त्यांना मॅजिशियन म्हटलं जातं. अविश्वसनीय असा खेळ आहे त्यांचा. तसे बरेच चॅनेल्स आहेत पण हे त्यांच्या नावाने आहे. सबस्क्राईब केलं आहे.
https://www.youtube.com/watch?v=Fo_aFRA43Es

रसिकांनी १०, ५०, १०० मॅजिक शॉट्स प्लेड बाय एफ्रन राईस असा सर्च द्यावा.

रियाज माला

लता मंगेशकर,मोहम्मद रफी यांची रियाजाची पद्धत यावर व्हिडीओज आहेत.
रफी साहेब कि सूर साधना या लेखावर आधारीत हा व्हिडीओ आवडला.
https://www.youtube.com/watch?v=dfwAC2vlAjQ

रफी साहेबांचे काही कोट्स

खर्ज हा आतला दरवाजा आहे. जोपर्यंत तो उघडत नाही तोपर्यंत आतला, अस्सल आवाज बाहेर येत नाही. हा आवाज हृदयातून येतो.
जर खर्जाचा सा गहिरा असेल तर बाकीचे सूर स्वतःहून चमकू लागतात...

Efren Reyes "Bata" is GOAT.

यशवंत देवांनी एका मुलाखतीत खर्जातील आवाजाच्या जादू बद्दल आणि तो कसा गवसला त्याबद्दल सांगितलेलं आठवलं.
त्यांना पूर्वी एक काहीसा दुर्धर आजार झाला होता. अनेक दिवसाचं दुखणं होतं, तर काही विरंगुळा, स्वरसाधनेत किती खंड पाडायचा अशा विचाराने ते स्वर लावण्याच्या रियाझ करत असत. तापात, कणकण असताना असे स्वर लावता लावता खर्जातील स्वर, ते स्वच्छ लावायची एक हातोटी त्यांना तेव्हा सापडली अशा अर्थाचं काही होतं.

अनेक दिवसाचं दुखणं होतं, तर काही विरंगुळा, स्वरसाधनेत किती खंड पाडायचा अशा विचाराने ते स्वर लावण्याच्या रियाझ करत असत. तापात, कणकण असताना असे स्वर लावता लावता खर्जातील स्वर, ते स्वच्छ लावायची एक हातोटी >>>> नतमस्तक

किती खातो हा ? (भाटुपा)
कमेण्ट्स वाचा.
https://www.youtube.com/watch?v=cux26LHQoHQ

यशवंत देव फार जिनियस संगीतकार वाटतात मला. त्यांच्या स्मृतीस वंदन.

एक रोचक घडामोड आहे युट्यूबवरची

स्वातंत्र्य मिळाल्यानंतर वीस वर्षांनी म्हणजे १९६७ साली फिल्म्स डिवीजनने १५ ऑगस्ट १९४७ रोजी जन्मलेल्या आणि आता २० वर्षे वय असलेल्या अनेकांची मुलाखत घेऊन भारताबद्दल काय वाटतं ?स्वतःच्या भविष्याबद्दल, देशाबद्दल काय वाटतं या थीमवर त्यांच्या मुलाखती घेतल्या होत्या.

यानंतर २०२२ साली ही फिल्म एका युट्यूबरने पाहिली. ज्यांची मुलाखत फिल्म्स डिवीजनने ऑफ इंडीयाने घेतली ते भारतीय आज कुठे आहेत असा प्रश्न त्याला पडला. आणि नंतर सुरू झाला एक रोचक शोध. त्या फिल्म मधे श्रेयनामावली मधे कुणाचंच नाव नव्हतं. एका मुलीचं नाव होतं. त्यावरून मग त्याने शोध सुरू केला. बाकीचे लोक कसे शोधून काढले, ते आता काय करतात, फिल्म मधे त्यांनी भविष्याबद्दल जे सांगितले त्यातले कितपत सत्यात उतरले याचा हा शोध म्हणजे स्वतःच एका फिल्मचा विषय आहे.
https://www.youtube.com/watch?v=AICnH7QYmvM