मराठी भाषा दिवस २०२० - शब्दखेळ- चित्रनाट्यधारा

Submitted by मभा दिन संयोजक on 26 February, 2020 - 23:45

मराठी भाषा गौरव दिनाच्या सर्व मायबोलीकरांना हार्दिक शुभेच्छा!

मायबोलीवर आपण आजपासून तीन दिवस, म्हणजेच २९ फेब्रुवारीपर्यंत मराठी भाषा दिवस २०२० साजरा करणार आहोत. या तीन दिवसांत आपल्याला खेळायला मिळणार आहेत निरनिराळे खेळ आणि वाचायला मिळणार आहेत विशेष लेख.

या खेळांमधला पहिला खेळ सुरू करूया.
मराठी नाटकं आणि चित्रपट हे मराठी सांस्कृतिक जीवनाचं एक महत्त्वाचं अंग. करमणूकप्रधान, हलक्याफुलक्या चित्रपट आणि नाटकांबरोबरच आशयप्रधान, वास्तवदर्शी नाटकं आणि चित्रपट मराठीत निर्माण होत असतात. हा खेळ खेळण्यासाठी तुम्हाला अशा विविध मराठी चित्रपट आणि नाटकांची नावं आठवून त्यावरून कोडी घालायची आहेत. जो भिडू कोड्याचं उत्तर देईल त्याने/तिने पुढचं कोडं घालायचं आहे.

पहिलं सोप्पं कोडं आमच्याकडून!

मराठी भाषा गौरव दिन ज्यांच्या जयंतीला साजरा केला जातो, त्यांचं हे सर्वाधिक यशस्वी नाटक.

XXसXX

विषय: 
उपक्रम
शब्दखुणा: 
शब्दखेळ
Groups audience: 
मराठी भाषा दिवस २०२०
Group content visibility: 
Public - accessible to all site users
शेअर करा

ह्या वर्षीच्या मभादि उपक्रमात ज्यांच्या आवडलेल्या पुस्तकावर लिहायचे आहे ते लेखक मायबोली माध्यम प्रायोजक असलेल्या ह्या चित्रपटाच्या प्रिमियरला उपस्थित होते. त्यावेळची त्यांची प्रकाशचित्रे मायबोलीवर नक्की सापडतील.

चिनुक्सा तुला हे उत्तर नक्की माहित असणार पण बाकीच्यांना नाहीच जमले तर (च) दे

Submitted by हर्पेन on 28 February, 2020 - 06:02

हरपेन,
ते तीन चित्रपटांना उपस्थित होते.

Submitted by चिनूक्स on 28 February, 2020 - 06:23

प्रिमियरच्या वेळी काढलेल्या फोटोंच्या दोन धाग्यात त्यांचा फोटो आहे.
पण अजून एक क्लू म्हणजे चित्रपटाचे नाव तीन अक्षरी असून त्यातल्या अनेक प्रमुख पात्रांनी वेगवेगळ्या कालखंडातील प्रत्येकी दोन भुमिका केल्या आहेत.

Submitted by हर्पेन on 28 February, 2020 - 07:17

दोन कोडी एकत्र.

दोन गाजलेले मराठी चित्रपट.
पहिला चित्रपट दोन कादंबऱयांवर आधारलेला आहे.
दुसरा चित्रपट तीन कादंबऱयांवर आधारलेला आहे.

दोन्ही चित्रपटांची नावं सांगा.

Submitted by चिनूक्स on 28 February, 2020 - 08:24

पहिला सिंहासन - अरुण साधूंच्या सिंहासन आणि मुंबई दिनांक या कादंबऱ्यांवर आधारित

Submitted by श्रद्धा on 28 February, 2020 - 08:36

बरोबर.
आता दुसरा चित्रपट.

हो, मराठी कादंबऱ्या आहेत.

Submitted by चिनूक्स on 28 February, 2020 - 08:37

एका लेखिकेच्या दोन कथांवर आधारलेला एक चित्रपट नुकताच आला होता. या चित्रपटातली अभिनेत्री कोड्यातल्या चित्रपटाची नायिका होती.

Submitted by चिनूक्स on 28 February, 2020 - 09:01

चित्रपट
फक्त नावातच काटे आहेत.
स्वरसाज आणि गीते अजूनही बिनतोड.

Submitted by अवनी on 28 February, 2020 - 20:40

Pages