इंदोरीकर महाराज नवा वाद

अहो तुम्ही कोणाविषयी बोलत आहात याची तुम्हाला कल्पना आहे का? गेली हजारो वर्षे धर्माने अधिकृत मंजुरी दिलेल्या पुरुषप्रधान व्यवस्थेचे ते प्रतिनिधी आहेत. त्यांचा कीर्तनाला लाखोंची गर्दी होत असते. विशेषतः ग्रामीण भागातील महिला आणि मुलीसुद्धा गर्दी करून असतात. पुढच्या दोन वर्षांची त्यांची कीर्तन आत्ताच बुक झालेली आहेत.

इतकी अफाट लोकप्रियता मिळवलेली विभूती आहे ही. भविष्यातील मुख्यमंत्री आणि कदाचित पंतप्रधानपद सुद्धा असेल. आजवर कोणीही विचारत नव्हते अशा महान विभूतीना २०१४ नंतर प्रचंड प्रसिद्धी मिळू लागलीये या देशात.

आर्यन विचारांशी सहमत. इंदुरीकर महाराज यांच्याबद्दल ऐकले होते आधी त्यामुळे काही वर्षांपूर्वी युट्यूब वर त्यांचे काही विडिओ पाहिलेले. २-३ विडिओमध्येच लक्षात आले की बोलण्यामध्ये अध्यात्मविषय कमी आणि तुम्ही वर लिहिल्याप्रमाणे पोरींची लफडी किंवा घरातील भांडणे याविषयीच चर्चा जास्त आणि मध्ये मध्ये या विषयावर काहीतरी स्वतःचा सल्ला, कॉमेडी शो प्रमाणे मधेमधे पंचेस टाकून लोकांना हसवण्याचा प्रयत्न हेच जास्त दिसले. कदाचित लोकांना हेच जास्त आवडत असावे त्यामुळेच ते फेमस झाले (हेमावैम)
बाकी कळत्या वयात बाबामहाराज सातारकर यांची कीर्तने किंवा विद्यावाचस्पती शंकर अभ्यंकर यांची प्रवचने (जी अजूनही ऐकतो) ऐकून मोठा झालो. लहानपणी घराजवळ एक विठ्ठलाचे मंदिर होते तेथे एकादशीनिमित्त रात्री जागरण आणि कीर्तन होत असे. तेथे बसून ऐकण्याचा योग कधी आला नाही परंतु अधूनमधून विठ्ठलनामाचा जयघोष आणि आध्यात्माविषयाची ४ वाक्ये कानी पडत
त्या सर्वांची सर या इंदुरीकर महाराजांना नाही असे वाटते. वर काहीबाही बोलून आपली इमेज जपण्यासाठी क्षमा मागण्याऐवजी किंवा निदान असे म्हणायचे नव्हते हे सांगण्याऐवजी, सांगितलेले कसे बरोबर यावर स्पष्टीकरण द्यायला लागले तेंव्हा थोडा रागपण आलेला. भोंदू बाबांमुळे जसे योग, गुरु शिष्य परंपरा याबाबत लोकांमध्ये साशंकता निर्माण झाली आहे तसेच आता कीर्तनामध्येही अश्या वक्तव्यामुळे होऊ लागले आहे.
सध्याच्या काळात चारुदत्त आफळे यांचे कीर्तन ऐकतो मध्ये मध्ये युट्यूब वर. इंदुरीकर महाराजांपेक्षा फारच बरे.

एकदा जुन्नरकडे कुठल्यातरी ट्रेकला जात होतो. यश्टी टोकावडेला अर्धा तास थांबली. (जसा कर्जतचा वडा फेमस तसा टोकावडेचा. वड्याच्या आतही मिरचाच असतात.) चहाच्या टपरीवर चा पीत उभा होतो. चा'वाल्याने कुठलीतरी ओडीओ क्यासेट लावलेली. ती ऐकताना हसायला यायला लागले. त्याला विचारले ही कोणती? "इकडच्या भागात लग्नमंडपात रात्री लोक आराम करतात तेव्हा टाईमपास म्हणून या क्यासेटस लावतात. "
मला पटलं . किती करमणूक होती. मी इतका गुंगलो की एस्टीवाला कंडक्टर ओरडला "येताय का? "

तर हे इंदोरीकरसुद्धा ओडिओ विडिओ करमणूक सम्राट आहेत. अधुनमधून हातवारे, द्या टाळी चाललेले असते. फार सिरियसली घ्यायचं काम नाही. मंडपातली करमणूक, मध्येच डुलकी लागली तरी उत्तम. उगाच आफळे आणि अभ्यंकर बुवांना आठवून उचक्या काढायच्या नाहीत. त्यांचं काम वेगळं यांचं वेगळं.
कस्सं???

कायदा अपडेट करायला हवा! सम विषम तारखेस संबंध ठेऊन भृणाचे लिंग निश्चित करता येते ही अंधश्रद्धा आहे. एखादा ह्यावर विश्वास ठेऊन लिंग निश्चिती कायद्याखाली कारवाई करा म्हणतोय, म्हणजे आरोप करणारा अन करावी करणारा दोघेही अंधश्रद्ध आहेत असा निष्कर्ष निघतोय.

बाकी बुवा महाराज अन हभप लोकांच्या गोष्टींपेक्षा आपल्याला इंदोरीकर महाराज सांगतात त्या गोष्टी पटतात.

उगा बेवडे सासवा सुना वरती वर जी लेक्चरबाजी केलीय, ती उगाच आहे.

बेवड्याला बेवडा म्हणलं तर काय गैर? त्या महाराजांच्या निमित्ताने दारू सोडत तर आहेत लोक्स.

<<मला घडवण्यात या किर्तनांचा मोठा वाटा आहे.>>
तुम्ही काय घडलात तेही लिहा.

मुळात ते कीर्तनकारा सोबतच समाजप्रबोधनकर जास्त आहे हे लक्षात घ्या
समाजाच्या खुळचट विचार आणि वागणुकीवर ते विनोदी अंगाने प्रबोधन करतात ..
ज्यांनी त्यांना पूर्ण ऐकलं आहे त्यांना लगेच कळेल..
कोणत्याही बुवा आणि महाराजांपेक्षा ते कधीही सरस आहेत..
लोकांना त्यांचे विचार पटतात म्हणून ते एवढे लोकप्रिय आहेत
(हा आता लोक तरीही सुधरत नाही हा भाग वेगळा )

फक्त एका मुद्द्यावरून त्यांना जज करणं म्हणजे उंटावरून शेळ्या हाकण्याचा प्रकार आहे .

हो .. दादा कोंडकेंनी पण चांगल प्रबोधन केलं
बरीच लोक सुधारली

ख्रिस्त धर्म गुरु,मुस्लिम मौलवी,आणि बाकी इतर धर्माचे प्रसारक एक दम शास्त्र शुद्ध, ज्ञान त्यांच्या लोकांना देतात .
फक्त हिंदू धर्मातील कीर्तनकार,ग्रंथ,अशास्त्रीय ज्ञान
वाटत असतात असा बऱ्याच अती शहन्या लोकांचा गैर समज आहे.

Indulikar जे बोलले ते इथल्या अती शाहन्या लोकांना चुकीचं वाटत म्हणजे तेवढी बुध्दी ह्यांच्या डोक्यात आहे.
तशी काय योग्य काय अयोग्य हे ठरवण्याची क्षमता बाकी लोकांमध्ये सुद्धा आहे.
फक्त तुम्हीच हुशार आणि ज्ञानी आहात हे डोक्यातून काढून टाका.

अजून भलामण करणारे आणि इतर धर्माविषयी का आक्षेप नाही असे बरेच प्रतिसाद येतील आता

हे कीर्तनकार, संभाजीराव भिडे अशांनी तोंड बंद ठेवलं तर बरं होईल.

जाहिराती ला च विज्ञान समजणारे लोक स्वतःला विज्ञानवादी समजतात .
प्रत्यक्षात विज्ञानाचा आणि ह्यांचा काही संबंध नाही.
टीव्ही वर असंख्य वस्तूंची अशास्त्रीय माहिती चोवीस तास जाहिराती मधून दिली जाते त्या वर हे आक्षेप घेत नाहीत.
पण हिंदू साहित्य मध्ये , कीर्तन मध्ये कस चुकीचं शिकवले जात आहे अशी बोंब मात्र न चुकता दिली जाते .

एक गम्मत म्हणूनच आहे ते. मजा घ्यायची.

तीस- पस्तीस वर्षांपूर्वी 'लूनार चायनीज कॅलेंडरने' धुमाकूळ घातला होता. कुठल्यातरी इंग्रजी मासिकात प्रकाशित झाले होते, लोकं त्याच्या झेरॉक्स काढून मित्रमंडळींना वाटत असत. त्या मासिकावर काही कारवाई झाली की नाही माहीत नाही.

हो गम्मत म्हणून बघा. पण मग गम्मत करणाऱ्याला कीर्तनकार का म्हणावे? कॉमेडीयन म्हणा. आणि मग कॉमेडीच हवी असेल तर असली सुमार दर्जाची तरी का पहायची? चांगले कॉमेडीयन कितीतरी आहेत. हो कॉमेडीयन सुद्धा प्रबोधन करतात. जॉर्ज कार्लीन होऊन गेला. अजून उदाहरणे असतील. मराठीत प्रबोधन म्हटल्यावर बाळासाहेबांचे वडील आठवतात. अख्खा महाराष्ट्र प्रबोधन करत पालथा घातला त्यांनी. उगाच गर्दी जमवायची नी प्रसिद्धी मिळवायची म्हणून चाळे नाही केले. अपार आदर आहे त्यांच्या विषयी. हात आपोआप जोडले जातात. उगाच कुणालाही "लोकांचे प्रबोधन करतात" वगैरे म्हणून खरे प्रबोधन ज्यांनी केले त्यांचा पाणउतारा करू नका. अन्यथा ह्याच न्यायाने दादा कोंडके सुद्धा थोर कीर्तनकार व प्रबोधनकार होऊन गेले म्हणावे लागेल.

वरती कुणीतरी बाबा महाराजांचा "महान कीर्तनकार" म्हणून उल्लेख केलाय ते वाचून अंमळ मौज वाटली. हे असे असते बघा. खरे तर बाबा महाराजांपासून कीर्तनाला उतरती कळा सुरु झाली. कारण कीर्तनाचे व्यवसायीकरण करण्याचे "पुण्यकर्म" बाबा महाराजांनी केले. अत्यंत बाजारू कीर्तनकार. ज्ञानेश्वरीवर कीर्तन करायला लाखात मानधन घ्यायचे म्हणे. सीडी कि कॅसेट काढल्या होत्या. त्यात त्या काळात पन्नास लाख वगैरे रुपये कमवून गब्बर झाले अशा बातम्या होत्या. याबाबत त्यांच्यावर त्याकाळात खूप टीकासुद्धा झाली होती. मग आता एकदा व्यवसाय झालाच आहे तर आत्ताचे हे बाबा वेगळे काय करत आहेत? काहीतरी करून गर्दी जमवून व्यवसाय जोमात करत आहेत. त्याच दिशेने अजून चार पावले पुढे गेलेत. त्यांची तरी काय चूक? आज बाबा महाराज थोर झाले. उद्या निवृत्तीराव पण थोर होतील.

जुळी मुले कशी होतात? याचा दिवस, तारीख सम की विषम ही सांगावी. जुळ्या मुलांत काही वेळा मुलगा-मुलगी होऊ शकते हे का होते? याचेही स्पष्टीकरण त्यांनी द्यावे, असे आवाहन समितीने केले आहे.
Submitted by आर्यन वाळुंज on 17 February, 2020 - 20:36

सम विषम तारखेच्या बॉर्डरवर ठीक रात्री बारा वाजता..

वर्षात एकूण तीनशे पासष्ट / सहासष्ट दिवस

त्यापैकी
३१ दिवस असलेले ७ महिने
३० दिवस असलेले ४ महिने
२९ / २८ दिवस असलेला एक महिना

एकूणातच विषम तारखा ७ किंवा ८ ने जास्त.. त्यामुळे मुलींची संख्या जास्त व्हायला हवी. अर्थात हे झाले इंग्रजी कॅलेंडरप्रमाणे. भारतीय तिथीनुसार महिना २९ किंवा ३० दिवसांचा त्यातही तारीख कृ.१४ किवा शु.१४ अशी लिहिलेली आढळते. मग महिन्यातल्या दुसर्‍या पंधरवड्यातील तारखा १६ पासून पुढे मोजायच्या की पुन्हा १ पासून सुरुवात करायची? इथे सम विषमचा अगदी बेसिकमध्येच लोचा...

पुन्हा प्रत्येक महिलेचा मासिक धर्म संपल्यापासून कितवा दिवस आहे त्याप्रमाणे मोजायचे किंवा कसे याबद्दलही काही विवेचन नाही.

महाराजांनी कुठलंही शास्त्र वगैरे निकष लावलेले नाहीत हे उघड आहे. ऐनवेळी काहीतरी ठोकून दिलं आहे. कीर्तनाचे यूट्यूब हिट्स वाढवायची खेळी आहे.

हातात माईक आला, बोललं काहीही की गर्दी जमतेय म्हटल्यावर त्याचं व्यसनच लागत असावे. गर्दी वाढतेय ना -
वाढव टारगटपणा. हे फक्त कीर्तनकारांनाच लागू नसते.
------
ते दुसरे बाबामहाराज म्हणजे लोहगडावरून एक खाली दुधिवरे गावात देऊळ दिसते ते बांधणारे का?

या वादात आता एक आयुर्वेदाचार्य वैद्य श्री शिवरत्न शेटे यांनी उडी घेतली आहे आणि त्यांनी काही आयुर्वेदिक ग्रंथात( यात सुश्रुत संहिता पण येते) असे सम दिवशी संबंध केले तर मुलगा होतो आणि विषम दिवशी संबंध केला तर मुलगी होते असे लिहिलेले आहे असे सांगितले आहे. https://www.facebook.com/179725075270/posts/10163310336675271/
पाहू या गम्मत

एवढा आकडतांडव करण्यासारखे इंदोरीकर काही बोलले नाहीत.
इंदोरिकर तुम्ही तुमचे कार्य पुढे चालू ठेवा.
जनता तुमच्या पाठीमागे आहे.