बकेट लिस्टः ती काहीच रिस्क घेत नाही!!!

अब बस करो पागलो! रुलाओगे क्या! (माधुरी को)

दक्षिणा सगळ्या पोस्ट ना +1
अजून लोकांचा पाहून व्हायचा असेल म्हणून लिहीत नव्हतो

1) माधुरी जेव्हा सुमित ला मी ही बकेट लिस्ट पूर्ण करणार आहे हे सांगते तेव्हा तो सकाळी ऑफिस ला जायची तयारी करत असतो. हे असे डिस्कशन कोणी ऑफिस ला जायच्या घाईत करते का?

2) लग्न होऊन 20 वर्षे झालेली बाई 1 दिवस दापोली ला जायचे तर आधी नवऱ्याशी बोलून ठरवेल आणि मग सासू सासर्याना मी जातेय हे सांगेल की रात्री जेवायच्यावेळी पंचायत बसवल्यासारखी सगळ्यांसमोर हा विषय मांडले?
तो अक्खा प्रसंग दिसगस्टिंग वाटतो, घरातील बाई 1 दिवसासाठी बाहेर जाईन म्हणतेय त्याला ही तिला परवानगी लागते. (बऱ्याच घरात हे असे असेल याची कल्पना आहे, पण सिनेमात दाखवलेल्या आर्थिक/सामाजिक स्तराला ते सूट होत नाही)

3) माधुरी ऑर्गन डोनेशन कॅम्पेन ची face झाली, तिच्या सगळीकडे मुलाखती येत आहेत, प्रसारमाध्यमात ती फेमस होते आहे याचे घरी काहीच प्रतिसाद उमटलेले दिसत नाहीत,
एकदा हे "बकेट लिस्ट" प्रकरण सोशल मीडिया मध्ये हिट झाले आणि मग माधुरी मागे फिरते त्यामुळे तिच्यावर टीका होते असे काहीच दिसत नाही.
Actually हा मुद्दा वापरून खूप वेगळ्या पद्धतीने सिनेमाचे प्रमोशन करता आले असते. ट्विटर वर आणि FB वर लोकांनी आपली बकेट लिस्ट टाकायची, ऑर्गन डोनेशन चॅलेंज वगैरे प्रकार करून +ve पब्लिसिटी करता आली असती.
पण as ama said, रिस्क नको.

4) आपली आई अटक झाल्याचा व्हिडीओ 15 16 वर्षाची पोरगी मुद्दामहून 4 लोकांत येऊन दाखवेल का? फारतर ती आजी ला बाजूला बोलवेल.

5)अमेरिकेला जाण्याचे नाकारणे हा प्रसंग तर मूर्खपणाची हाईट आहे, सगळ्या घरासाठी झिजणारी बाई अचानक निःशंकपणे मुलांना नवऱ्याबरोबर पाठवून द्यायला तयार होते , आणि गाडीत बसण्या अगोदर मी येत नाही असे सांगते हे अनाकलनीय आहे. (20 दिवसांनी लिस्ट पूर्ण करून बाई जाऊ शकली असती पण तो ऑप्शन कोणी विचारात घेत नाही)

6) चैत्रगौरी चे हळदीकुंकू करणे हा कोणाच्या बकेट लिस्ट मध्ये आयटम असू शकतो हे ऐकून भरून आले (कदाचित तसे ते नसेल, पण एडिटिंगमुळे ती 2 वाक्य एक पाठोपाठ येतात त्यामुळे तसा समज होत असेल)

7) भाऊ सगळे फोटो जाळून टाकतो, त्याचा राग नक्की कोणावर आहे? त्याची शिक्षा आई बाबा ना का? आई बाबा त्याला थांबवत का नाहीत?

8) दापोली प्रसंगात ते क्ले फिगर्स टाकताना हे लोक अगदी पाण्याच्या शेजारी असतात, पुढच्या सीन ला डायरी टाकताना पुढे वाळूचा मोठ्ठा पट्टा दिसतो, हा बाबा, किनाऱ्याच्या एक टोकाला उभा राहून दूर पाण्यात वही भिरकवणार होता??

डायरी टाकताना पुढे वाळूचा मोठ्ठा पट्टा दिसतो, हा बाबा, किनाऱ्याच्या एक टोकाला उभा राहून दूर पाण्यात वही भिरकवणार होता??>> ट्रेलर बघताना हेच वाटले....वही ७-८ फूट लांब फेकून काय उपयोग, पाण्यात ती आपोआप चालत जाणार का?

सिम्बा +१११११

खरंतर डोनर ची माहिती अत्यंत गोपनीय असते, माधुरीला इतकी हातोहात ती फाईल मिळताना दाखवली आहे. हेतू उत्तम होता तिचा माहिती मिळवण्यासाठी पण उद्या अशी माहिती एकमेकांना गैर पद्धतीने पैसे उकळण्यासाठी वापरली गेली तर? (म्हणजे डोनरच्या घरच्यांनी रेसिपियन्ट घ्या घरच्याना) मिडिया हाच गैरसमज पसरवतो समजात की सर्व काही आरामात मिळते.

माधुरी कर्तव्यदक्ष गृहिणी आहे दाखवणारे दोन्ही प्रसंग,
पहिला ऑपरेशन च्या आधी दुधाचा निरोप आणि दुसरा हार्ट ची गॅरेंती वाढवून मिळेल का विचारणे अतिशय बालिश.

अहो भरती येईल ना काही तासात... कशाला एवढं तंगडतोड करत जायचं?

मला एक प्रश्न पडला आहे. इथे खूपच अवांतर आहे पण विचारतेच...
एखाद्या म्हातार्‍या नाही पण बर्‍यापैकी वय झालेल्या माणसाचे ह्रुदय (किंवा एखादा अवयव म्हणा हवे तर) तरुणाला दिले/ट्रांसप्लांट केले तर ते पुढे तेव्हढेच हेल्दी राहते का? म्हणजे माणुस जर ९० वर्षे जगत असेल तर त्यापेक्षा जास्त काळ त्याचे अवयव दुसर्‍या माणसाच्या शरिरात टिकतात का?

ती करणच्या पुढच्या हिंदी चित्रपटात आहे, he must be testing waters.....

अमा, लेख आवडला. सिनेमा अगदी अपेक्षेप्रमाणेच गुडीगुडी दिसतो आहे.

Sonalisl, ट्रान्सप्लांट करताना अवयव किती सुस्थितीत आहे यावर अवलंबून असणार बहुतेक.

आणि माणूस मरतो तो त्याचे सगळेच अवयव एकदम निकामी झाले म्हणून नाही तर त्यातला एखादा महत्वाचा अवयव निकामी झाला म्हणून. ब्रेन डेड म्हणजेही तेच ना? काही केसेसमध्ये माणूस ब्रेन डेड झाला तरी हृदय काम करत राहते. तेच हृदय बंद पडले तर धडधाकट किडणीही बंद पडते.

हो. सुस्थितीतला अवयव ट्रांन्सप्लांट करतात. तसेच माणुस मेल्यावर काही तासात अवयव काढून ट्रांन्स्प्लांट साठी वापरता येतात. पण ६० वर्षाच्या माणसाचे मुत्रपिंड जर ३० वर्षाच्य माणसाच्या माणसाला लावले आणि पुढे तो माणूस अजून ५० वर्ष जगला तर मुत्रपिंड ६०+५० वर्ष टिकेल?

अमा, परीक्षण आवडले.

सोनाली.... परफेक्ट क्वेस्चन. मी स्व: ता त्या मध्ये खुप वाचतोय (सेल बायालोजी) ... उत्तर जानुन घ्यायला खुप आवडेल

छान परिक्षण. शिल्पा तुळसकरबद्दल अनुमोदन. तिने खरंच छान केली असती भुमिका. सोनाली कुलकर्णीही चालली असती.

परीक्षणाशी सहमत! माधुरीचा 'आजा नचले' ही असाच भयानक गुडी गुडी होता. त्यात गावातल्याच लोकांना घेऊन शो करायचा अशी अट असते मग त्याच्यात मागे नाचणार्‍या मॉडेल्स, अतिभव्य सेटस, कपडे, नेपथ्य, प्रॉप्स हे सगळे कुठून येतात कोणास ठाऊक
चोप्रा -जोहरच्या सिनेमात असे प्रश्न विचारायचे नसतात
माधुरीकडे अभिनय आहे पण तो 'प्रहार', 'मृत्युदंड' अशा काही मोजक्या चित्रपटातच दिसून येतो. बाकी सगळीकडे सुंदर दिसणं, गोडगोड हसणं आणि त्याच त्या नृत्याच्या अदा. ती विद्या बालन, अलिया भटसारखी थोडी रिस्क का घेत नाही? स्टुडंट ऑफ द इयर ची आलिया आणि उडता पंजाब, डियर जिंदगी, राजी ची अलिया यांच्यात जमीनअस्मानाचा फरक होता. मग माधुरीच चोप्रा-जोहरच्या चौकटीत का अडकून बसली आहे?

मी स्व: ता त्या मध्ये खुप वाचतोय (सेल बायालोजी) ... उत्तर जानुन घ्यायला खुप आवडेल>>>तुम्हाला ते उत्तर मिळाले तर मला कळवा
नेटवर काही वाचले तर ते अवयवाप्रमाणे बदलते असे समजते. जसे हृदय कमीत्कमी ५-१० वर्ष, मुत्रपिंड १५-२० वर्ष इ.

मस्त परिक्षण अमा.
ऑन लाईनच बघणार आहे.

सोनाली, अवयवांची कम्पॅटीबिलीटी बघितली जाते की...
हे बघ ... https://www.telegraphindia.com/calcutta/match-key-to-transplant-232501

The age of the recipient is also an important criterion. A child recipient, for example, can't receive the heart of an adult.

अदिति, हार्टची साईझ (लहानाला मोठयाचं हृदय बसणार नाही) आणि बॉडी वेट बघणे हे मला वाटतं कंप्याटेबिलिटी दृष्टीने झालं.
सोनाली हृदयाची 'एक्सपायरी डेट' अशा अर्थी विचारत आहे मला वाटतं. अशी काही असते का? ती वाढवता येते का? हृदय फेल होण्याचा कर्व माणसाच्या वयावर असतो का हृदयाच्या ? अशा अर्थी.

लगता है, दक्षी का घाव बहोत गहरा है...

इतकी घमासान चर्चा वाचून, आणि रिस्क घेऊन मी शेवटी बघूनच टाकावा म्हटलं आणि बघितलाच एकदाचा..
.
.
.
.
ट्रेलर!

लगता है, दक्षी का घाव बहोत गहरा है... Wink >> सच्ची बहोत गहरा है

मस्त लिहिलय! प्रतिसाद सुद्धा भारीच.
ट्रेलर! > मी ही पाहिला. त्यात ही खलनायक ची हिरॉईन त्या मुलीला `फक्त हिल्स??' विचारते तेव्हा तिला बिल्कु ल शोभत नाही; आणि ती सिनेमातही माधुरीच वाटत्येय, कथेची व्यक्तीरेखा नाही हे जाणवल!
मराठी बद्दल्च प्रेम ऐन उमेदीच्या काळात कधी दिसलं नाही.

खलनायक ची हिरॉईन>>>>>>>>>>

मराठी बद्दल्च प्रेम ऐन उमेदीच्या काळात कधी दिसलं नाही.>>>> +११११११

तरुणाई बोर झाली. आणि म्हातारी आई माधुरीला बघून खुश झाली. तिच्यात एक आपलेपणा जाणवतो नव्वदीतल्या मराठमोळ्या पिढीला हे मात्र एक खरेय .. जे लोकं सचिनचा खेळ बघत मोठे झाले तेच त्यावेळी आपली माधुरी बॉलीवूडची सुपर्रस्टार हिरोईन म्हणूनही अभिमान बाळगून होती. >>>++++११११
मराठी बद्दल्च प्रेम ऐन उमेदीच्या काळात कधी दिसलं नाही >> +१००

पिच्चर मधे आमची दापोली आहे? अरे वा!
दापोलीला जायला मेक्माय्ट्रीप कशाला लागतंय?

मेकमायट्रिप वापरुन लोक (म्हणजे आम्ही) खडकवासल्याला पण जातो
दापोली तरी बरंच लांबचं आहे

मराठी बद्दल्च प्रेम ऐन उमेदीच्या काळात कधी दिसलं नाही>>>>>>>

हिंदी व मराठी चित्रपटाचा एकत्रित इतिहास पाहिल्यास हिंदीत गाजलेल्या कुठल्या मराठी नटीने दोन्ही भाषांमध्ये समांतर पहिल्यापासून काम केलंय? अगदी जुना जमाना पाहू गेल्यास मला शोभना समर्थचे मराठी चित्रपट माहीत नाही पण नूतन, तनुजा दोघीही पन्नाशीत गेल्यावर एखाद दुसऱ्या मराठी चित्रपटात दिसल्या. उषा किरण जेव्हा तरुण होती व प्रचंड गोड दिसत होती तेव्हाचा तिचा एकही मराठी चित्रपट मला आठवत नाही. मराठीत तिच्या सगळ्या चित्रपटात ती जाडी व थोराडच आठवतेय. पद्मिनी कोल्हापूरे हल्ली चिमणी पाखरे मध्ये दिसलेली.

स्मिता पाटीलचा अपवाद - ती जेव्हा काम करत होती तेव्हा आर्ट सिनेमा व कमर्शियल सिनेमा अशी वॉटरटाईट खाती होती. तिने दोन्ही भाषेत समांतर काम केले, ते बहुतांशी आर्ट सिनेमे होते. स्मिताने हिंदी कमर्शियलसुद्धा यशस्वी केले पण मराठी कमर्शियलमध्ये नाही दिसली.