किशोर चे जुने अंक आणि त्यातील निवडक लेखांची सूची

वैनील - खूप उपयुक्त धागा..धन्यवाद !!!!!!!
आत्ताच पिवळ्या पट्ट्याचा प्रताप वाचले... टू गुड !

किशोरमध्ये लिहिणारे प्रा. ना. वा. कोगेकर म्हणजे फर्गसन महाविद्यालयाचे प्राचार्य कोगेकर का? त्या काळी तिथे शिकलेल्या अनेक विद्यार्थ्यांच्या लेखनात/आठवणींत त्यांचा गौरवपूर्ण उल्लेख वाचायला मिळतो.

फुलवा,१९८२ च्या दिवाळी अंकात आहे.

>> किशोरमध्ये लिहिणारे प्रा. ना. वा. कोगेकर म्हणजे फर्गसन महाविद्यालयाचे प्राचार्य कोगेकर का?
हे "विज्ञानयुग" मध्ये पण लिहित असत. लेख अतिशय छान असायचे. खूपच माहितीपूर्ण आणि रस निर्माण होईल असे लिखाण.

browser बदलून पहा.>>> येस्स ... झाले काम... थँक्यू सो मच.
खजिना मिळाला....

दुर्गा भागवतांच्या लहानपणच्या आठवणी भन्नाट आहेत. त्यांचा उपद्व्यापीपणा, जखमा, वेदना सहन करायची जिद्द ही त्यांच्या पुढील आयुष्याची चुणूक दाखवते. त्या सर्व गोष्टी ह्या त्यांच्या आत्मचरित्रातून घेतल्या आहेत असे वाटते. आत्तापर्यंत फक्त नोव्हेंबर १९७४ चा अंक मिळाला ज्यात त्यांनी लिहिलेली गोष्ट आहे पण अजूनही वाचल्या आहेत.

शांता शेळके, वसंत बापट, विंदा करंदीकर ह्यांच्यासारखे प्रसिद्ध कवी आणि अनेक मोठे लेखक ह्या अंकाकरता नियमित लेखन करत असत हे मोठे कौतुकाचे आहे.

मस्त इन्डेक्स!!
किशोर छानच होते.

चांदोबा चे अंक मिळू शकतील काय

मस्त. ही अनुक्रमणिका वाढत जावो.
सरोजिनी बाबरांची एक लघुकथा वाचली. अतिवास यांच्या आंजीच्या कथांची आठवण झाली.

एक कथा आठवते, किशोरमधली आहे का ते ठाउक नाही पण एक छोटी मुलगी नाराज असते मम्मीवर. मम्मी जाहिरातीतल्या बाईसारखी आक्खी विक्सची डबी बोटावर घेवुन विक्स लावत नाही, पावसात भिजुन आलं की न ओरडता हसतमुखाने केस पुसुन देत नाही, चॉकलेट बिस्कीट्स देत नाही, छोट्या भावाकडेच जास्त लक्ष देते वगैरे वगैरे. मग तिच्या वाढदिवसाला मम्मी पपा, आजोबा वगैरे काहीतरी सरप्राईझ देतात अशी. कुणाला आठवली तर प्लीज सांगणे.

एका मुलाची गोष्ट होती. तो सकाळी उठायला त्रास देतो मग आई त्याला सरळ नळाखाली बसवते मग तो चहा अन दहा असा हट्ट करतो. म्हणजे चहा अन दहा बिस्किटं. माहितीय का कोणला? ही बातमी कळल्यापासून उगीच ही गोष्ट आठवतीय सारखी.

फाफे कथा वाचली... मस्तच

एक ठमाकाकूंच्या मोहन ची गोष्ट होती ना.
इलेक्ट्रिक शॉक बसतो आणि वायर ला २ जण चिकटतात आणि लहान मुलगी वर्गात शिकलेल्या सायन्स चा उपयोग करुन धुण्याच्या काठीने त्यांना सोडवते अशी काहीतरी.

एक (बहुतेक शोभा बोंद्रे लिखीत) मस्त गोष्ट होती. लहान मुली आपल्या साध्या बाहुल्यांशी खेळत असतात आणि मैत्रिण चकाचक बार्बी घेऊन येते, मग यांच्या बाहुल्या फिक्या वाटू लागतात, मग या खूप मेहनत करुन एक बाहुला लग्नासाठी सजवतात तितक्यात ती मैत्रिण बार्बीचा मित्र केन विकत घेऊन येऊन त्यांचा पोपट करते अशी काहीतरी(मी नीट सांगत नाहीय पण छान होती ती गोष्ट.)

same pinch mi_anu

कालच reply लिहिणार होते तुझ्या post वर. किशोर बद्दल वाचून मला सगळ्यात आधी ह्याच दोन गोष्टि आठवल्या होत्या.
पहिल्या गोष्टितल्या मुलीचे नाव बबली आहे. आणि barbie च्या गोष्टितल्या दोन बहिणी अंजू-मंजू बहुतेक. त्याची मामेबहिण आलेली असते अमेरिकेवरुन barbie gheun. खडूस मामी पण असते. मस्त होती ती गोष्ट.

सही, म्हणजे गोष्टी नक्की किशोर मधल्याच आहेत
शोधायला हव्यात

आईचा वाढदिवस नावाची गोष्ट कोणाला मिळाली तर कळवा.

तसंच एक मुलगी तिचा वाढदिवस अगदी वेगळ्या प्रकारे घरात कामं करणार्या लोकांना भेटी देऊन करते अशी एक कथा होती. तिचाही ठावठिकाणा कळवा.

आज एक गंमत नोटीस केली.

वर लिहिलेल्या तिन्ही चित्रकथा आणि त्याचे सगळे भाग (जवळजवळ 15) हे किशोरमध्ये पान 44 वरच छापले आहेत. शेवटी शेवटी तर मी अनुक्रमणिका बघणं सोडून डायरेक्ट पान 44 वर उडी मारली

तिन्ही चित्रकथा आणि त्याचे सगळे भाग (जवळजवळ 15) हे किशोरमध्ये पान 44 वरच छापले आहेत >> तो तत्कालीन (डीटीपीपूर्व) टाईपसेटिंगचा परिणाम असावा.

पियू? कोणत्या ३ गोष्टी?बाहुलीचं लग्न वगैरे का?
कोणत्या सालच्या पान ४४ वर?

एक 'दूधपाक' नावाची कथा होती. त्यात प्रवासाला जायला निघालेल्या आपल्या भाच्यांसाठी मामी सकाळी दूधपाक बनवतात आणि वरचा काढून त्यांना डब्यात देतात. नंतर उरलेला दूधपाक काढून ठेवत असताना त्यांच्या लक्षात येतं की त्या भांड्यात पाल पडली होती आणि त्यामुळे तो दूधपाक विषारी बनला होता. मग भाच्यांपर्यंत पोचण्यासाठी, त्यांना दूधपाक खाण्याच्या आधी थांबवण्यासाठी मामा/मामी/त्यांची मुलं जिवाचा आटापिटा करून त्यांचा पाठलाग करतात अशी काहीशी कथा होती. कोणाला माहिती आहे का की ती कुठल्या अंकात आहे?

मागे बालभरतीने जुने अंकाचे एक निवडक किशोर म्हणून संच प्रकाशित केले होते त्याचे ४ संच (छान हार्ड बाऊंड ) संग्रही मी बालभारती मधून घेऊन आलो!

इलेक्ट्रिक शॉक बसतो आणि वायर ला २ जण चिकटतात आणि लहान मुलगी वर्गात शिकलेल्या सायन्स चा उपयोग करुन धुण्याच्या काठीने त्यांना सोडवते अशी काहीतरी. > हो, शौर्याचे राष्ट्रपती पदक मिळालेल्या मुलीची कथा होती ती. मी वाचली गेल्या आठवड्यात पण कोणत्या अंकात ते आता लक्षात नाही.

एक पिंकीचा उरक दांडगा अश्या नावाची लहान मुलीची कथा होती ती पण क्युट होती.

एक 'बिली आणि ठेंगूजी' कथा माझ्या आवडीची होती. १९७६ च्या दिवाळी अंकात आहे, पान नं १०९ वर. त्यातील बुधले च्या बुधले भरलेली सरबतं बघायला (चित्र) मला फार आवडायचं

पियू? कोणत्या ३ गोष्टी?बाहुलीचं लग्न वगैरे का?
कोणत्या सालच्या पान ४४ वर?

>> अगं चित्रकथा.. बोलके खांब, दर्यादेशाची राजकन्या आणि सुवर्णघंटा. कोणत्या अंकात ते मूळ लेखातच दिलंय बघ वैनील यांनी

वोके.एकंदर पूर्ण किशोरच परत सगळे डोळ्याखालून घालायला हवे.
एक हातूपातू ची गोष्ट होती.लहान मुलाकडून हातूपातू नावाच्या लहान भावाचा मृत्यू होतो अशी कहीतरी.किशोर मध्येच होती का आठवत नाही.