रात्रीस खेळ चाले १

माईन्ची अ‍ॅक्टिग छान आहे. चेहर्‍यावर मस्त एक्स्प्रेशन्स आहेत.

सुरुवातीला माई खोलीत छाया बरोबर असताना बडबड करत असतात. छाया सगळ्यांना बोलावून आणते तेव्हा सगळे दारात येऊन थांबतात. आता माई त्यांच्या कडे बघत बडबड करु लागतात. अचानक तांब्या घेऊन दाराकडे धावतात, तेव्हा त्यांची ही रिअक्शन पाहून त्याच दारात थांबलेले सरिता, छाया वगैरे शूरवीर, दत्ता-माधव.... कोण्णी-कोण्णी अज्जिब्बात घाबरत नाहीत. का??? त्यांना आधीच माहित असतं की माई थेट बाहेर म्हणजे घराबाहेर पळत जाणार. आपल्याला नाही मारणार तो तांब्या. बर त्या बाहेर जाऊन इमाने इतबारे पांडू बरोबर आपले डायलॉग म्हणत असताना सुद्धा पण हे लोक बाहेर येत नाहीत. पांडूला जेवायला वाढ असा आदेश दिल्यानंतर मग दिग्दर्शक अ‍ॅक्शन म्हणतो आणि मग सरिता बाहेर येते ! आहे की नाही कमाल !

झीच्या इतर सिरियल्स रविवारी सुध्दा दाखवतात म्हणून मुद्दाम टीव्ही गाईड चेक केलं होतं. मला वाटतं रविवारी आठ्वड्याच्या सहा एपिसोडसचा रिपिट टेलिकास्ट होता. बरंय रविवारी दाखवत नाहीत ते. दुसर्‍या चॅनेलवर तरी काही पाहता येतं.

हो ना! माई अशा तांब्या घेऊन बाहेर धावत सुटतात तर त्या कुठे जातायत ते बघण्यासाठी लगेच कोणीतरी त्यांच्या मागे गेले पाहिजे होते.. आणि इतक्या वेळानंतर पण ते लोक दाराच्या आतच बघत उभे राहतात माईंजवळ कोणी जातच नाही.

kapoche मस्त पोस्ट. लोक्स, प्रतिक्रियांबद्दल आभार

माधवाची डायरी आणि पूर्वाचं घड्याळ बहुतेक मागच्या दरवाज्याला ज्याने कडी लावली त्याने (सुशल्या, पांडू किंवा देविका) चोरलं असणार. जेव्हा निलीमाला शोधायला हे सगळे लोक बाहेर पडले तेव्हा. पण का? त्यांच्यावर करणी केली असं दाखवायला? म्हणजे आता हे दोघं वेड्यासारखे करणार का? कालचा माईंचा हिस्टेरिया अतिताणाने आलेला असणार. हिप्नोटीझम असू शकतो का? डायरी आणि घड्याळ देविकाकडे सापडलं नाही म्हणजे मिळवलं. काल निलीमा ठोंब्यासारखी माईकडे बघत उभी होती. डोक्यात जाते अगदी! एक तांब्याभर गार पाणी ओतायचे ना डोक्यावर म्हणजे शुद्धीत आल्या असत्या. त्यांना कसली गोळी देणार होती काय माहीत. हिचं नाव 'गोळीवाली बाई' ठेवायला पाहिजे. मला तर वाटत होतं की पान्डोबाला माईकडून तांब्याचा प्रसाद मिळणार डोक्यावर.

ह्या घरात सगळीकडे कॅमेरे लावल्याशिवाय हे कोडं सुटेल असं वाटत नाही.

मला तर त्या भूतिणीची काळजी वाटतेय.....साडी तर इथे सोडुन गेली म्हणजे आता त्या दुनियेत साडीशिवायच???

माधवाची डायरी गायबली
अन पूर्वाचो घड्याळ
अभिरामाक श्वेतांबरा दिसली
माईना खूळ लागल्यान

येव्हढं सगळं होऊनसुध्दा
सायंटीस्ट बाई मख्ख
आणि राखेचाचे प्रेक्षक करताहेत
रायटर पांडूच्या नावाने शंख

गोळाक्का पण चालेल.

मित सही पकड्या.:स्मित: मलाही तेच वाटले माई हातात तांब्या घेऊन पळत आल्यावर यांच्यापैकी एकजण तरी दचकेल. पण हे पाचीजण ( ठोकळा-ठोकळी, दत्ता-दत्ती, छाया) एकदम पांचजन्य शंखच आहेत.

स्वप्ना

कोकणातल्या कोणीतरी केस केलीये मालिकेवर... कोकणाची बदनामी करतायेत म्हणून.

कोकणाचीच काय हे लोक भुतन्चि पण बदनामी करतत म्हनुन भुतांका पण केस करुक होया...

<< कोकणाची बदनामी करतायेत म्हणून.>> कोकण कसां काय बुवा बदनाम होता ? सिरीयलवाले बिचारे स्वतःचीच तर बदनामी करून घेतहत !!!

अजून एक गोष्ट कोणाला जाणवली का ? नायकांनी डझनाच्या हिशोबाने पॅराशूट तेलाच्या बाटल्या घेतल्या असणार. घरात जितकी फडताळं, कोनाडे आहेत, सगळी कडे १-१ बाटली तरी दिसतेच दिसते !

अजून एक गोष्ट कोणाला जाणवली का ? नायकांनी डझनाच्या हिशोबाने पॅराशूट तेलाच्या बाटल्या घेतल्या असणार. घरात जितकी फडताळं, कोनाडे आहेत, सगळी कडे १-१ बाटली तरी दिसतेच दिसते !>>>>> मियां तुका सांगतयं ना का प्रत्येकाक एक तरी बाटली नायतर लोणच्याचा सट स्पेशल पाहीजे.:खोखो: आणी प्रत्येक एपिसोड झाल्यावर जर ते इथे येऊन आपले प्रतीसाद वाचत असतील तर गरम झालेले डोके थंड करायला एकतरी तेलाची बॉटल हवीच.:खोखो: आणी तेलाचा परीणाम बघा. माईचे पण केस अजून तरी काळे हत.

मित बर्‍याच बारकाईने शिरेल बघतात वाट्ट.
मी आपली माबोवर टीपी करत करत बघते त्यामुळे फडताळातल्या बाटल्या दिसल्या नाहीत.

आऊ, भाऊकाका..

आनि त्या केसची नका वगीच काळजी करूं ; नेने वकील 'मांडवली' करण्यातलो दादा माणूस आसा. बघा मिटवता कीं नाय तां सगळां आपापसांतच, अगदीं लागलांच तर गुरवाकय मधीं घालून !!!

काल पांच-दहा हजार भुतां ओवाळून टाकूंची अशी
बॅटींग झाली रोहितची !!! >>> भाऊनु कंची भुतं ववाळनार असा तुमी , शिरेलीत इतक्या दिवसात एक भूत नाही . बाकी एक पांढरी साडी वाल दिसलं तेबी कुसळ ( बद्रीके ) निघालं ( लोकांच्या म्हणन्यानुसार ) , मग कंची धाग्यावली तर नाय ना !

ओ नाय ओ, त्या कुशलची कित्यांक बदनामी करतावं? ती देविकाच असां.

निलीमाच्या रूममधल्या फडताळात मला नेलपॉलिशच्या बाटल्या पण दिसल्या.
बाकी पांडूचा अभिनय मस्तच !

स्वप्ना धन्यवाद

कालच्या एपिसोडमधे माई तांब्या कि लोटा काहीतरी घेऊन बाहेर पळत जातात तेव्हां कुणीही मागचा पुढचा विचार न करता त्यांच्या मागे धावत सुटले असते. पण सगळे एकमेकांच्या चेह-याकडे पाहत आता पुढे काय करायचे ? स्क्रीप्ट मिळालीय का भाऊ तुला ? अशा थाटात उभे होते. बहुतेक दिग्दर्शकाची झालेली अवस्था त्याने या प्रसंगातून सांगितलेली असावी. म्हणतात ना, इथे दिग्दर्शक दिसतो !!

डाक्टर म्हणाले,' ते आता ठणठणीत आसत. होयां थंय फिरतीत. फक्त तुम्हीं
त्येंका " नाना " म्हणतास, म्हणानच ते उठांक अजिबात बघणत नाय !!!'

भाऊ

नुसतच नाना नाsssssssssय, बेरी नाना.

भाऊ

भाउकाका ... टू मच !

भाऊकाका

मी बघितला मंगळवारचा भाग. माईचा काहीतरी plan दिसतोय घरावरचे संकट निस्तरण्याचा. सॉलिड acting केली शकुंतला नरे यांनी.

माईचा काहीतरी plan दिसतोय घरावरचे संकट निस्तरण्याचा.>>>> हे सगळे माई मुद्दामहून तर करत नसतिल ना सगळया नाईक family ला एकत्र आणण्यासाठि ?

भाउ

मला तर त्या भूतिणीची काळजी वाटतेय.....साडी तर इथे सोडुन गेली म्हणजे आता त्या दुनियेत साडीशिवायच???
नायकांनी डझनाच्या हिशोबाने पॅराशूट तेलाच्या बाटल्या घेतल्या असणार. घरात जितकी फडताळं, कोनाडे आहेत, सगळी कडे १-१ बाटली तरी दिसतेच दिसते ! >>>> बहुतेक पॅराशूट वाले sponsor असतील सिरियल चे,म्हणून ते पॅराशूट चि ad करत असावेत सिरियल मध्ये.:D

सरिता तिच्या कपाटात कपडे शोधत असते. तेवढ्यात दत्ता येतात. ती सांगते की मी सगळे कपडेे इथेेच ठेवले होते पण सापडत नाहीत. आणि माईंचंं काय करायचे? त्या काहीबाही बरळत असतात. जास्त व्हायच्या आधीच उपाय करायला पाहिजे. दत्ता तिला अंगार्याची पुडी काढून सगळ्यांना लावायला सांगताात. ती म्हणते की उद्या मााधव भाऊजी मुंबईला निघून जातील. लोकं आपल्यालाच म्हणतील की तुम्ही नीट काळजी घेतली नाही. इकडे माधव अस्वस्थ असतात. ते म्हणतात की आजूबाजुला कोणीतरी आहे असा भास होतो. माईपण कोणाशीतरी बोलत असते. जणू कोणीतरी समोरच आहे. निलीमा त्यांना प्यायला पाणी देते. ती पुुढे म्हणते हे सगळं तुझ्या गोष्टींपर्यंत ठीक आहे पण त्यापलीकडे जाऊन विचार केला तर ते बरोबर नाही. माईंना एकापाठोपाठ होणार्या घटनांचा त्रास होतोय. अण्णा गेेले, त्यानंतर घडत असलेेल्या प्रश्नांची उत्तरं सापडत नाहीत पण त्याचे वेगवेगळे अर्थ मात्र लावले जात आहेत. माधव म्हणतात की आईला त्रास झालेला मला चालणार नाही. तिला आपण मुंबईला नेऊया. निलीमा सांगते की मलाही त्यांना काही झालेलं चालणार नाही. त्यांच्यावर योग्य उपचारांची गरज आहे पण त्यााआधी बाकी जे उपाय चाललेत ते थांबायला पाहिजे. सरिता अजूनही कपडे शोधत असतेे. दत्ता तिला चहा करायला सांगतात.
सरिता सांगते की जे चाललयं ते थांबायला हवं. दत्ता म्हणतात की मी करतोच आहे पण ती म्हणते की करायचे तर सुुषमाचे लग्न करा. इकडे अभिराम माईंना चहा आणून देतो. त्या त्याच्या अभ्यासाची चौकशी करतात व सांगतात की ह्यांची इच्छा होती की तूू खूूप मोठा साहेब व्हावसंं, ते नाहीत पण तू त्यांची इच्छा पुरी कर. तो म्हणतो की मी करतोय अभ्यास. त्या देवीकाविषयी विचारतात तर तो मला थोडा वेेळ हवा सांगतो. तेवढ्यात सुषमा खाली येते माई परत मानसिक संतूलन गमावतात व बडबडतात की तू तूझे केस मागे घे व जा इथून नाहीतर मााझ्याशी गाठ आहे. तेवढयात माधव पण येतात व माईंना काळजीने आराम करायला लावतात. त्या म्हणतात की मला काय झालयं?... जाते मी माझ्या खोलीत. अभिराम पण काळजीत पडतो पण माधव म्हणतात की आम्ही पण आहोत ना, तू नीट अभ्यास कर. इकडे दत्ता व सरिता येतात. दत्ता माधवंना सांगतात की सुषमाविषयी बोलायचे आहे.
बाहेर वकीलकाका येत असतात. सुषमा त्यांना वाटेतच अडवते व माझ्या आईचे दागिने अजून मिळााले नाही सांगते. त्यांचे बोलणे चालू असतांना निलीमा गॅलरीतून हे बघत असते. खाली सरिता सांगते की हे सगळंं सुषमामुळे होतय. तिची आईपण इथेच आहे. तिचे काहीतरी करायला पाहिजे. तेवढ्यात निलीमा येते व सांगते की तुम्ही इथे बोलत बसलाय पण बाहेर सुषमा वकिलकाकांशी बोलतेय. हे ऐकून दत्ता म्हणतात की तिनेे
फोन लावला असेल वगैरे. त्यांचे आधीच बोलणे झाले असेल. निलीमा सांगते की आपण त्यांच्याशी बोलूया, सुषमाला पण बोलवा. माधव त्यांना बोलवूून आणतात व सरिताला चहा करायला लावतात पण ती नकार देते मग निलीमा म्हणते की मी करते चहा व ती आत जाते. सरिता पण तिच्यामागे आत जाते. ती चहाचं आधण ठेवते पण गॅस संपतो. तेवढ्यात गॅस बंद असला तरी पाणी उकळू लागतेे. निलीमा पण आश्चर्यचकित होते. माई तिकडे बघून दरडावतात की तू इथे का बसली आहेस? तूूला जाळून खाक करेन वगैरे.

भगवती....

~ मी पाहिला आहे हा भाग....आणि आता तुझ्या अहवालावरून पुन्हा सारे प्रसंग जसेच्या तसे डोळ्यासमोर उभे राहिले. "निलीमा पण आश्चर्यचकित होते..." असे तू लिहिले आहेस. त्यावेळी आता निलीमाचा वैज्ञानिक दृष्टिकोण आणि त्या प्रसंगाला अनुसरून ती काय प्रतिक्रिया व्यक्त करेल याबाबत मला उत्सुकता होती. पण ते कदाचित आज दाखविले जाईल. तरीही गॅस बंद असतानाही त्यावर ठेवलेले चहाचे पाणी झरझर उकळू कसे लागले ? हा प्रसंग निलीमाच्या उपस्थितीतच (खरे तर निलीमाच चहा करायला आलेली असते) घडल्यामुळे या मागील तर्कसंगती ती कशी लावेल याबद्दल प्रेक्षकवर्ग वाट पाहात राहील.