नीरजा - She deserved more (Movie Review - Neerja)

हा सिनेमा पाहिला. सिनेमा मधली खऱ्या नीरजा ची गोष्ट सोडून काहीच आवडलं नाही. सोनम तर अजिबात नाही रुचली. खूप लाडात येउन बोलते असा वाटलं. खरी नीरजा जितकी सुंदर होती तितकीच कणखर पण होती. तिचा व्यक्तिमत्व खूप उठावदार आणि ठसठशीत होतं. सोनम नुसतीच छान दिसली.
पण तरीही या सिनेमा मुळे नीरजा चं शौर्य जगासमोर आलं. मी स्वत: नीरजा च्या कित्येक जाहिराती पहिल्या होत्या पण हीच ती नीरजा हे माझ्या गावी पण नव्हतं(खूप लहान होते मी त्यामुळे असेल) पण आता जेव्हा सगळ्या जाहिराती पहिल्या तेव्हा तिच्या साठी खूप वाईट वाटलं कि इतका बहारदार आयुष्य तिने अक्षरश: झोकून दिलं. पण तेवढाच तिच्यासाठी अभिमान सुद्धा वाटला. नीरजा च्या शेवटच्या announcement चा audio ऐकला तू नळी वर.. खूप लाघवी, स्पष्ट आणि आश्वासक होते तिचे शब्द. आता सुद्धा गूगल मध्ये नीरजा चा search top ला आहे.
तिच्या बद्दल माहिती करून दिल्याबद्दल माझी या सिनेमाबद्दल काहीच तक्रार नाही.

पाहिला सिनेमा . आवडला. वयाच्या २३ व्या वर्षी दाखवलेल्या शौर्याला खरंच हॅट्स ऑफ . सोनम कपूरनेही छान काम केलेय
तिच्याइतर चित्रपटाच्या तुलनेत . शेखर राजियानी छोट्याश्या भूमिकेत छान वाटला .

मो ची पोस्ट आवडली

शेवटी डोळे पाणावले हे निश्चित. पण सोनम मुळे नाही. खर्‍याखुर्‍य नीरजा साठी.>>>>> +१

चित्रपट आवडला. सोनमने खराब काम केले म्हणून चित्रपटच पाहू नये - इतके खराब काम तिने नाही केलेले.
थोडेसे अतिलाडात येउन बोलणे आहे काही ठिकाणी.
अजुन हाताळनी, पटकथेचा विस्तार ई. खुप चांगले होऊ शकले असते यात वादच नाही, पण चित्रपट आत्ता जसा आहे तसा तो नक्कीच चांगला आहे - सगळ्यांच्या अभिनयासकट - नक्की बघावा असा.

बाजीरावांच्या बाबतीत फालतु सिनेमातुन बाजीराव आजच्या अमराठी जनतेपर्यंत पोहोचले.
तसे इथे झालेले नाही. चांगल्या सिनेमातुन आजच्या पिढीपर्यंत नीरजा पोहोचली आहे.

शेवटी डोळे पाणावले हे निश्चित. पण सोनम मुळे नाही. खर्‍याखुर्‍य नीरजा साठी
+१

फिल्मी डायलॉग आहेत पण डोक्यात गेले नाहीत.

शेवटचे शबाना यांचे भाषण व पुरस्कार स्विकारतानाची चित्रफित / छायचित्र काल्पनीक दाखवण्याऐवजी, ख-या आईचे भाषण (कोणतीही स्क्रिप्ट न देता) व खरी चित्रफित दाखवली असती, तर जास्त शोभले असते असे मला वाटले. त्या एवजी तिचे, परिवाराचे फोटो पुरस्कार स्विकारतानाचा खरा फोटो शेवटी श्रेयनामावलीत दाखवला आहे.

(आता चित्रपट संपला असे समजुन ८०% प्रेक्षक उठुन जात होते, तेव्हा शेवटी नदीकिना-याच्या पार्शभुमीवर ख-या निरजाबद्दलची माहिती शब्दांतुन दाखवली आहे. तेव्हा सगळेजण जाण्याऐवजी आहे तिथेच थांबुन ते सगळे वाचत होते. त्यामुळे नाईलाजाने मलाही उभे राहुन स्क्रिन बघावी लागली.)

चांगल्या सिनेमातुन आजच्या पिढीपर्यंत नीरजा पोहोचली आहे.>> हे मात्र खरं आहे . ह्या घटनेच्या वेळी माझा जन्मही झाला नव्हता . चित्रपटाच्या माध्यमातूनच नीरजा माझ्यापर्यत पोचली . विकीवर गुगलून अधिक माहिती मिळवली . अश्या प्रकारच्या चित्रपटाच हे ही एक यश म्हणायला हवेय

<<<<<सोनमने खराब काम केले म्हणून चित्रपटच पाहू नये - इतके खराब काम तिने नाही केलेले.
थोडेसे अतिलाडात येउन बोलणे आहे काही ठिकाणी.
अजुन हाताळनी, पटकथेचा विस्तार ई. खुप चांगले होऊ शकले असते यात वादच नाही, पण चित्रपट आत्ता जसा आहे तसा तो नक्कीच चांगला आहे - सगळ्यांच्या अभिनयासकट - नक्की बघावा असा.>>>>> या परिच्छेदालाही अनुमोदन

रसप, लेखिकेच्या नावासकट स्क्रिनशॉट देत आहे, म्हणजे जास्त ऑथेंटिक वाटेल.

http://www.bollywoodlife.com/news-gossip/neerja-bhanots-colleague-is-not...

http://neerjabhanot.org/father.htm

मी पाहिला हा सिनेमा आणि ह्या घटनेबद्दल नेट वर खूप काही वाचन सुद्धा केल. मला हा सिनेमा प्रचंड आवडला. सोनम कुठेही कमी पडलेली दिसत नाही. पुर्ण सिनेमाभार माझ्या हाताला घाम आणि हृदयाची धडधड होताना मी अनुभवली आहे. तिची छबी तिला उमटवता आली.

विमानात अशा जीवघेण्या परिस्थितीत आपल्या आजूबाजूला काय चालले आहे ह्याचे सेन्स आपल्याकडे असते का? ज्यावेळी ईंधन संपल्यामुळे विमानातील दिवे जातात आणि गोळीबार व्हायला सुरवात होते त्यावेळी कदाचित खर्‍या नीरजा भानोतने कमालिचे काम केले असेल. अशा भयाण परिस्थितीमधे अनेकांना ती दिसली नसेल. प्रत्येक जण आपला जीव मुठीत धरुन पळापळ करत असतील. विमानात गोळ्यांचा आवाज, लोकांच्या ओरडण्याचा आवाज, समोर काळोख आणि शरिरात भितीचे कंप सुरु - अशा परिस्थितीमधे नीरजाने लोकांचे प्राण वाचवले. तिच्या कलीग्सच्यामते तिच्याइतकेच साहस आम्हीपण दाखवले आहे. सिनेमात नीरजाने ज्या गोष्टी केल्यात त्या अशा आहेतः
१) तिने लगेच विमानाच्या पायलट लोकांना विमान हायजॅक झाल्याचे कळवले.
२) तिने इमरान खान जो रेडियो अभियंता असतो त्याला नजरेने खुणावले की तू तुझ्याबद्दल सांगू नकोस.
३) तिने अमेरिकन पासपोर्ट घ्यायचा नाही असे आपल्या क्र्यूला सांगितले.>> आणि विचार करा जर ते लपवलेले पासपोर्ट हायजॅकरना सापडले असते तर नीरजाचे काय झाले असते पण तिने तो विचार केला नव्हता. शेवटी ती गेलीच पण तरीसुद्धा तिने पासपोर्ट लपवून अनेक अमेरिकन लोकांचे प्राण वाचवले.
४) तिने लोकांना चहापान आणि खायला सॅन्डविच देऊन त्यांच्यामधे थोडी शक्ती आणली.
५) तिने तीन लहान मुलांना जवळ धरुन त्यांचे सरंक्षण केले.
६) तिने मॅगझिनवर ईमर्जन्सी डोअर कसा उघडवा ह्याबद्दल सुचना लिहिल्यात.
७) विमानाचे इंधन संपल्यानंतर तिने झटकन दरवाजा उघडून लोकांना बाहेर पडायची वाट दाखवली.
८) ती स्वतः आधी दरवाज्यातून बाहेर निसटली असती पण असे न करता तिने इतरांची मदत केली आणि स्वतःचे प्राण वाचवले.
९) ह्या विनानात प्रवास करणारे जे कुणी अजून हयात आहेत ते हेच सांगत आहेत की चहापान करताना नीरजा हळूच आश्वासक शब्दात सांगायची घाबरु नका. हेही काम सोनमने केल्याचे दाखवले आहे.

माझ्यामते खरी घटना आणि त्याचे तपशील पुर्णतः कुणी कथन करु शकत नाही. कारण तो क्षण हे सर्व बघण्याचा मनात साठवून ठेवण्याचा नव्हताच. नीरजाचे विक्सटलेले लग्न हे कदाचित तिच्या धाडसाचे एक छोटे कारण असू शकते. कारण, आपल्यावरील अन्यान आणि आपली प्रतिकुल परिस्थिती बर्‍याचदा आपल्यातील शक्ती वर आणत असते.

==

मला काय नाही आवडले:
१) सिनेमाची आधीची १५ मिनिटे खूप अस्पष्ट होती. त्याचे चित्रिकरण नीट नाही केले असे वाटते.
२) जर नीरजा भानोत सारखी दिसणारी सोनम निवडली तर तिची आई इतकी वेगळी का निवडली. हेच काम कदाचित नीना कुलकर्णी छान वठवू शकली असती. तिचे दिसणे रमा भानोत सारखेच आहे. थोडेतरी. रमा भानोत ह्या डिसेंबर मधे मरण पावल्यात. पण त्यांच्या क्लिप्स बघून शबाना आझमी त्यांच्यासारखी नाही वाटली.

हा एक लेख फारच परिपुर्ण वाटला:
http://atimes.com/2016/02/remembering-neerja-bhanot-pan-am-flight-73-to-ny/

http://www.indiatimes.com/entertainment/celebs/neerja-bhanot-s-brother-r...

वरच्या लिंकमधे नीरजाचे शेवटचे चित्र आहे भावासोबत.

चित्रपट पाहिला नाही, पण नीरजा चं काम आणी कथा वाचून डोळे पाणावले.
खूप कठीण असतं अशा परिस्थितीत पण डोकं भानावर ठेवून लोकांचे प्राण वाचवणं.
तिच्या कलिग्स ने पण हे केलं असेल पण तिने प्राण गमावले त्यामुळे जास्त लोकांपर्यंत पोहचली असावी कथा. ज्या सर्वांनी चांगलं केलं त्याचं अप्रिसिएशन व्हावं.

चित्रपट आवडला आणि सोनम-शबानाचे कामही. चित्रपट वेगवान आहे आणि खिळवून ठेवतो.
नीरजाने जे काही केलं तेच इतकं अचाट होतं की चित्रपटाचे लूपहोल्स लक्षातही आले नाहीत. 'आता यातलं वाईट शोधूच' असं ठरवून बसलं तर काही ना काहीतरी सापडेलच.

'आता यातलं वाईट शोधूच' असं ठरवून बसलं तर काही ना काहीतरी सापडेलच.>> अगदी १०० टक्के बरोबर. ते इथेही झालेल आहे

http://www.bollywoodlife.com/news-gossip/pan-am-survivor-reveals-the-tru...

“Neerja was communicating with the terrorists in broken Arabic. She was also translating their demands into English for the control tower. She was very brave and a true global citizen. The hijackers were looking for American passengers, so she hid their passports. Despite this, one Indian American, I don’t recall his name, got up and said he was American. He thought the terrorists were gunning for Indians because a majority of the passengers were Indians. He didn’t realise they were looking for Americans. The terrorists shot him right there and threw his body out of the plane.”

सिनेमात हे घ्यायच असत.

सर्वात पुढे बसलेल्या म्हाता-या आईचा मुलगा असे करताना दाखवला आहे की?
तो स्वतःहुन त्यांना सांगायला जातो ना की तो अमेरीकन आहे?

हो पण त्याला लगेच नाही ठार मारले.

मला एक गोष्ट कळली नाही. कॉकपिट उघडून ....वरतून जर एखादे विमान सोडले असते तर दोरखंडाच्या सहाय्याने काही करता आले असता कआ?

वरतून जर एखादे विमान सोडले असते तर दोरखंडाच्या सहाय्याने काही करता आले असता कआ?

एवढे सगळे होईपर्यंत दहशतवाद्यांना काही कळले नसते का? त्यांनी आणखी प्रवाशांची हत्या करुन प्रतिकार नसता का केला?

विमानतळावर विमानांचा आवाज होणे साहजिक आहे. तेंव्हा एखाद्या विमानातून विमानावर काही लोकांना सोडता आले असते. खास करुन आर्मीच्या सैन्यांना असे करता आले असते. रिस्क तर आहेच ह्यात. पण १८ तासामधे ह्या लोकांना बाहेरुन काहीच करता आले नाही त्याचे नवल वाटते.

चांगल्या सिनेमातुन आजच्या पिढीपर्यंत नीरजा पोहोचली आहे.>> हे मात्र खरं आहे . ह्या घटनेच्या वेळी माझा जन्मही झाला नव्हता . चित्रपटाच्या माध्यमातूनच नीरजा माझ्यापर्यत पोचली . विकीवर गुगलून अधिक माहिती मिळवली . अश्या प्रकारच्या चित्रपटाच हे ही एक यश म्हणायला हवेय
>>>
++ कितीही

फार फार वाईट वाटतंय हे म्हणताना की मला या सिनेमाच्या आधी नीरजा माहीतच नव्हती. अर्थात हे घडलं तेंव्हा मी जन्मले नव्हते पण तरीही या आधी आयुष्यात कधी न कधी ही गोष्ट ऐकायला मिळायला हवी होती असं मनापासून वाटून गेलं. सिनेमा अजुन पाहिला नाहीये. पाहिला वेळच नाही मिळाला. पण जेंव्हा पासून नीरज अबद्दल कळालंय तेंव्हापासून दररोज न चुकता इंटरनेट वर आणखी काही मिळतंय का ते शोधलं गेलं. जे मिळालं ते अधाश्यासारखं वाचलं गेलं. मुद्दाल तिची माहीती काढली गेली- इतरांना सांगितली गेली. न कळत तिच्या साठी/ तिच्या फॅमेलीसाठी खुप दुवा मागितल्या गेल्या. तिच्यासाठी मनापासून रडू आलं, तिचा मनापासून अभिमान वाटला. आपणही असलं काहीतरी केलं पाहिजे समजासाठी असं वाटून गेलं. माझ्या पिढीत हे सगळं वाटणारी मी एकटी नक्कीच नसणारेय. त्यामुळे सिनेमातल्या सगळ्या लूप होल्स ना मी माफ करून टाकतेय.

पण १८ तासामधे ह्या लोकांना बाहेरुन काहीच करता आले नाही त्याचे नवल वाटते.
>>
हे सगळे कुठे घडत होते त्या देशाचे नाव वाचा, मग नाही वाटनार. मला तर त्यांचे स्वतःचेच गणवेशातील पोलीस / थोडेफार तंत्रज्ञान असलेला स्वत:चा विमानतळ हे बघुनच फार कौतुक वाटले की चला एवढेतरी स्वतःचे आहे बाबा त्यांच्याकडे..... सगळेच काही सॅम काका देत नाही!

उपरोध बाजुला ठेवुनही,
जेव्हा तो विमानतळाची जबाददारी असलेला अधिकारी खेरच काही करु पाहतो तेव्हा मला सारखे वाटत होते की आत्ता हा म्हणेल की जाने दो अपनेही कौम के आदमी है क्यो उन्के खिलाफ कुछ करे. करने दो उन्हे जो करना है.
पण त्याला खरेच प्रवाशांसाठी काही करावे असे वाटते होते, असे 'दाखवलेले' (तरी) आहे. त्याचे मला तेव्हा खरेच कौतुक वाटले होते.

पाकिस्तानमधे हा सिनेमा दाखवायला बंदी केली म्हणे. पाकिस्तानविरुद्ध वाईट असे काहीच दाखवले नाही सिनेमात. उलट सेन्सिबल कमेन्ट ऐकले आहे तिथल्या अधिकार्‍यांचे.

बघा. मी म्हटले नव्हते. काही अपेक्षा करायच्या ... नाहीत हे लोकं आणि सरकार.

एवढ्या सगळ्यांनी पुरस्कार दिले तेव्हा ह्यांणी कशाला दिला काय माहीत. उगाच तेव्हाच्या पिअर प्रेशर मुळे नाखुशीने दिला असेल.
अरबस्तानातुन त्यांना नक्की कानउघडणी झाली असेल त्या पुरस्काराबद्दल.

तू वेगळा अर्थ घेतलास. माझा कल तुझ्या परिक्षणाकडे नव्हता. एकूणच जे प्रतिसाद आलेत त्यांना मिळवून दिलेला माझा प्रतिसाद होता.

ही १९८६ ची बातमी देतानाची क्लिप आहे.

https://www.youtube.com/watch?v=ZW9UdpPzJjE

https://archive.org/stream/gov.uscourts.dcd.120097/gov.uscourts.dcd.1200...

इथे प्रत्येक प्रवाशाबद्दल लिहिल आहे. ग्रेट

नीरजा या चित्रपटामुळेच लोकांपर्यंत पोहोचली असे कुणी म्हणत असेल तर चुकीचे आहे. नीरजा भानोत हे नाव आणि तिचे साहस मी तरी लहानपणापासून ऐकलेय. तिच्या नावाने दरवर्षि एक पुरस्कारही दिला जातो. तेसुद्धा पेपरमध्ये आलेलं वाचलय.

अमी मला तरी नीरजा भानोत बद्दल या चित्रपटामुळे कळलं . अशी काही घटना घडली आहे हे ही मला माहीत नव्हतं.(कारण आधीच नमूद केलेय ) चित्रपट पूर्ण घटना दाखवू शकत नाही हे मान्य आहे पण निदान नीरजाबद्दल सर्च केलं गेलं अधिक माहिती मिळवली गेली हे ही काय कमी आहे का ? प्रत्येकालाच सगळं कस काय ठाऊक असेल