उकडगरे (कच्च्या फणसाची भाजी)

मी इथे फणसाची पोळी खाल्ली आहे पण मला ती फार आवडली नाही जितके मी त्याबद्दल ऐकले होते.

इथे फणस बारोमास उपलब्ध असते. शिवाय बाजारात रसाळ गरे कधीही असतातच. इतके विपुल प्रमाणात असतात की तो वास नसानसात भिनतो, अंगाला, कपड्याला आणि आठवणीला चिकटतो.

झैरात, रिक्षा वगैरे -http://www.maayboli.com/node/25243

प्रज्ञा मस्त लिखाण आणि रेस्पी तर भारीच!! तू म्हणतेस तशी ही भाजी माझे वडील नुसती प्लेटमधे घेऊन खायचे.
या भाजीची एक सोप्पी कृती ...माझ्या कोकणातल्या वहिनीच्या रेस्पीने::
फणस नीट कापून त्यातलं भाजीचं मटेरियल डायरेक्ट कुकरात अगदी कमी शिजवून घ्यायचं.
मग तेलात सांडगी मिरच्या(भरलेल्या) नीट तळून घ्यायच्या. त्या बाजूला ठेवायच्या आणि थंड झाल्या की हातानी छान कुस्करायच्या.
मग त्याच तेलात मोहोरी, जिरं, हळद, भरपूर हिंग, बारीक चिरलेल्या हिरव्या मिरच्या, कढिलिंब घालून मस्त फोडणी करायची. त्यात अर्धवट शिजलेली फणसाची भाजी घालायची. त्यावर तळून कुस्करलेल्या सांडगी मिरच्या घालायच्या. मिरच्यात मीठ असतेच त्या अंदाजाने मीठ घालायचं. भरपूर ओलं खोबरं घालून एक दणदणीत वाफ काढायची. वरून भरपूर कोथिंबीर. भाजी तय्यार!

आमच्याघरी फणसाला शाकाहारी मटण समजतात. त्यामुळे, मी बालपणी फणसाच्या भाजीचा धसका घेतला होता. मग एकदा खाल्ले आणि नंतर हव्यास वाढला.

वाह....नुसत वाचुन ...तोंडाला पाणी सुटल...आणि लहानपणीची आठवण झाली...मालवणची...तेव्हा लहानपणी हे फणस काढुन त्याची भाजी करुन खाण ही आमच्याकडे खरच पर्वणी असायची....

महान लिहिलंयस आणि भाजी मस्त दिसतेय.

हे फणसाचं बाळंतपण पूर्वी माहेरी अनेकदा केलेलं पाहिलंय. ट्रेनी सर्जन म्हणून भागही घेतलाय. आता डायरेक्ट कापलेला फणस पाव किलोच घेऊन येते. तोही आठळ्या तयार नसलेला. मला त्या आठळ्या फारशा आवडत नाहीत. बाकी फणसाची भाजी लै आवडते.

मी पण फणसाच्या भाजीची फॅन. आठळ्याही चुलीत भाजून खायला खूप आवडतात. मिठाच्या पाण्यात उकडलेल्या आठळ्यांपेक्षाही भाजलेल्या सोलून खात बसणे मस्त टाईमपास आहे. कोकणात कुणी जाऊन येणारं असलं की "मला आठळ्या आणा" असं टुमणं लावतेच.

प्रज्ञा९, शेवटचे दोन फोटो मस्तच आहेत. तों.पा.सु.
आमच्याकडेपण प्लेटभरून नुसती भाजी खातात.

आमच्याकडे बेडगी मिरची भिजवून ओल खोबर आणि बे. मिरची वाटून भाजी करतात ती मला खूप आवडते. वरची पिवळी भाजीसुद्धा बनवतात पण त्यात तिखट आणि गूळ नाही घालत हि.मि. + भरपूर ओल खोबर घालतात.

चुलीत भाजलेल्या आठळ्या, काजू पावसाळ्यात खायला खूप मजा येते. अश्विनी, मी आठळ्या आणि काजूच्या बिया साठवून ठेवल्या आहेत चुलीत भाजण्यासाठी. कधी भेटते आहे ? मागच्या आठवड्यात मी झाडावर चढून ४ फणस पाडले.

मागच्या आठवड्यात मी झाडावर चढून ४ फणस पाडले >>> वा!

माझी आठवण काढून तूच खा आठळ्या सद्ध्या

प्रज्ञा९,
फणस साफ करणं हा सोहळाच असतो प्रत्येक कोकण्याच्या घरात.
हि माझी आवडती भाजी.
तसेही फणसाचे सगळे प्रकार मला प्रियच आहेत. आम्ही लाल सांडगी मिरची आणि भरपूर खोवलेलं खोबरं टाकून एकदम कोरडी परततो.

दुसरा प्रकार बटाट्याच्या भाजी प्रमाणे. ओले खोबरं, हिरवी मिरची आणि जीरं वाटून घालायचं. कांदा नाही. आठळाची भाजी मसालेदार प्रकार सुद्धा असतो.
--------

बी, तुम्हाला हवी असल्यास सांदणं रेसीपी लिहिते. सोपी आहे. कालच केलेली.
फणसाचे रसाचे उंबर छान बनतात. मी गेल्याच आठवड्यात लिहिली.

मानुषीताई, गावच्या आमच्या शेजारच्या चुलतसासुबाईपण सांडगी मिरच्यांची फोडणी करतात वरून. कसली मस्त लागते पण रेसिपी कशी ते मी विचारलेच नाही. आता विचारेन.

पण फणसाची भाजी पण अनेक प्रकारे करतात आणि प्रत्येक घराची स्वताची अशी एक रेसिपी असते. मस्त ना .

वा वर्णन आणि रेसिपी दोन्ही मस्त.

प्र९, का जळवतेयस?? सही तोंपासु दिसतंय हे प्रकरण
मला कुयरीची भाजी आवडत नाही, मराठी पद्धतीने एकदाच खाल्लीये. बंगाली पद्धतीची तर अगदीच आवडत नाही. पण ही वरची भाजी आवडेल असं वाटतंय

एकदा शाकाहारी खाद्यपर्यटन करायला कोकणात जायची खरंच इच्छा आहे. जाण्याचा बेत ठरलाच तर तुझ्याशी संपर्क साधेनच.

आजोळच्या आठवणी जाग्या झाल्या. गरे तळण्याचा सांग्रसंगीत कार्यक्रम असायचा मे महिन्यात.
फणसाचे सांदण ना (सांजण लिहिलं आहे) भारतातून योजक वाल्यांचं इन्स्टंट सांदण पाकीट आलं आजच. सांदण आणि तळलेल्या गर्‍यांवर ताव मारतोय.

फणसाचे गरे खरच भारी लागतात पण एकदा कूणितरी फणसाचे चिप्स म्हनून काहितरी प्र्चन्ड कडक गळ्यात मारले होते घरी.. इतक चिवट आणी कडक प्रकरण की ज्याच नाव ते!