लाल भोपळ्या च भरीत

मस्त आहे कृती.

मी पण असेच करते फक्त हळद नाही घालत.

उपासाचंपण छान होतं भरीत. तूप जिऱ्याची फोडणी. मी भोपळा शिजवतानाच दोन मिरच्या शिजवते बरोबर.

साखर नाही घालत. इथे मिळणारा भोपळा गोड असतो चवीला.

माझीही सेम रेसिपी आहे. फक्त कढिलिंब आणि हळद नाही घालत. दही घालतेच. उपवासासाठी असेल तेव्हा तूप जिर्‍याची फोडणी करते आणि कोथिंबीर घालत नाही.

मी कुकरमध्ये लाल भोपळा वाफवून घेते.
वरणभातच्या डब्यावर एका तातलीत ला भोपल्याच्या फोड़ी पाणी न घालता ठेवते.

माझाही आवडता प्रकार. कधी कधी शिजवल्यावर भोपळ्याला फार पाणी सुटते, म्हणून मी तो भोपळा कुस्करून थोडावेळ फडक्यात टांगून ठेवतो.

वरणभातच्या डब्यावर एका तातलीत ला भोपल्याच्या फोड़ी पाणी न घालता ठेवते.>>> +१

पाणी काढून टाकावे>> सत्व निघुन जाईल ना सगळं?
मी वत्सला सारखचं करते.

पाणी काढून टाकावे>> सत्व निघुन जाईल ना सगळं?>> हो ना... भोपळ्याच्या फोडींवर मीठ साखार घालून चमचाभर पाणी घालून भांड्यावर झाकण ठेवलं तर भोपळ्याला चांगलं पाणी सुटत, आणि तेवढ्या वाफेवर-पाण्यावर जेमतेम ५-७ मिनिटात भोपळा चांगला बोटचेपा शिजतो.
दही-ताक घातलेल्या पदार्थाला तुपाची फोडणी जास्त छान खमंग लागते. मी ताकातल्या भाजीलाही तुपाचीच फोडणी देते.

अश्विनि-काजरेकर>>>भन्नाट, मी पण असेच करते आणि कुणी खात नसेल तर एकटीच संपवायलाही तयार असते.

मी भोपळा शिजवल्यावर उरलेलं पाणी सूपसाठी वापरते.
फोडणी तुपाची जास्त खमंग लागते. फोडणीत एक मेथीदाणा घालते, दाणेकूट न घालता करते. हिरवी मिरची नाही घालत. त्याऐवजी फोडणीत एखादी सुकी लाल मिरची किंवा किंचित तिखटही घालते.

माझी अकुसारखीच, तुपाची फोडणी त्यात मेथीदाणे. दाणेकूट, हळद, कढीपत्ता नाही. फोडणीत हिरव्या मिरच्या घालते.
अशीच कच्च्या पपईची कोशींबीर पण खूप छान लागते. फक्त त्यात मेथीदाणे घालत नाही.

छान .. करुन बघण्यात येईल

अकू.. दे टाळी. मी फक्तं सूप करत नाही वेगळं. नुस्ते धुवून ठेवलेले सालं ल्काढलेले भोपळ्याचे तुकडे कुकरमधे छान शिजतात. सुटलेलं पाणी त्यादिवशी करत असलेल्या कोणत्याही आमटीत. आमटी आणि खाणारे कुणालाही फिकीर नसते.
फोडणीत मेथीदाणे, लाल मिरची, हिंग, मोहरी.
जेवायला बसायच्या अगदी जराच आधी काय ते मीठ, साखर, कोथिंबीर, घट्टं दही घालून हातानं कालवायचं. मग पाणी-बिणी सुटायचं ते तोंडालाच.
त्याच हातानं पानांत वाढायचं.... आपली बोटं आपणच चाटून साफ करायची
वदनी कवळ घेता...

भाज्यांना सुटलेले पाणी म्हणजे तोच खरा अर्क असतो. त्यातच खरे जीवनसत्व असते. हे पाणी मुळीच काढून टाकू नये. चमच्यानी पिऊन टाकायचे.

दाद, अगदी अश्याच कोशिंबीरी माझी आजी करते. भांड्यात कोशिंबीरीची चिराचीरी करून वर नुसती फोडणी घालून बाजूला/फ्रिजात ठेवायची ती भांडं. इकडे पानं घेतली की, त्या कोशिंबीरीत, मीठ, साखर, दाकू/ दही, कोथिंबीर असलं सगळं घालून मस्तपैकी हातानी कालवायची अन त्याच हातानी वाढायची. त्या कोशिंबीरीला मग ना पाणी सुटत, ना ओघळ, ना काही विचित्र वास. अप्रतिम लागतात असल्या ऐनवेळेवरच्या कोशिंबीरी...

दाद सेम पिंच ग.
नाहीतरी खाणार फक्त आपणच असतो . मी तर डब्यात पण अशीच आणते . ऑफिसमध्ये जेवताना दही मीठ साखर घालायचे .
नवीन पिढीसाठी काहीतरी fancy नाव शोधायला पाहिजे ह्याच्यासाठी . लाल भोपळ्याचे भरीत म्हणले की नाक मुरडतात & इतक्या सुंदर चवीला मुकतात

छान आणि सोप्पी पाककृती. नक्कीच करून खाणार.

मस्त कृती.. मी एकच बदल करते तो म्हण्जे ला.भो. सालासकट स्वच्छ धुवून तुकडे भातवरणाच्या वर ताटली ठेवून उकडते. सुटलेले पाणी वरणात घाल्ते. यात सालही खाण्यात येते अन उकडल्यामुळे ते कुस्करले ही जाते.

सालासकट करण्याची कल्पना छान आहे. साल चिरायची की mash करायची?

सालासकट भोपळ्याच्या फोडी करून उकडायचे, नंतर फोडी (ज्या सालासह उकडल्या आहेत) कुस्कराव्यात.

साल वगळून फोडी पटकन मायक्रोवेव्ह मध्येही होतात चांगल्या मऊ. मला फार आवडते हे भरीत.
दुधीचंही सेम असंच करते पण तो मात्र कुकरलाच लावाव् लागतो,

सालासकट? इथे (सिडनीत) मिळणारा भोपळा .. तंबोर्‍याच्या भोपळ्याची भावंड असल्यासारखी साल असतेय... त्यामुळे हिंमतच केली नाही सालासकट शिजवायची. आता करून बघेन हं. अर्थात अधिक पौष्टिक होणारय.

ओहो... भारतीय ला.भो. ची एवढी जाड नसते ना म्हणून वापरता येतीये. अर्थात जाड सालीसकट छोटे तुकडे करून (वा फवून) पहा कसे लागतेय ते