निसर्गाच्या गप्पा (भाग -२४)

वर्षा ,चतुरान्चे फोटॉ पाहुन दिल खुश झाला.लहानपणी यांच्या मागे भिरभिरण्यात माझा बराच वेळ जात असे .
आता माझ्या निसर्गकवितांमध्ये ते भिरभिरत असतात ...

काय निगकर्स कसे आहात?
शांकली सध्या तुझ्याकडे मांजर आहे काय?
भुईकमळ धन्यवाद.
मी जिप्सीने वर नमूद केलेल्या प्रदर्शनाला जाऊन आले. बोन्साय आणि काही सुरेख पुष्परचना दिसल्या. पण बाकीची त्यांची मांडामांड व्हायची होती त्यामुळे किटकभक्षी वनस्पती वगैरे दिसल्या नाहीत. गेल्या दोन प्रदर्शनांच्या वेळेला असाच अनुभव आला. रोझ सोसायटीच्या या प्रदर्शनांच्या वर्तमानपत्रातील बातमीमध्ये वेळ सकाळी ८ किंवा ९ वाजून सर्वांसाठी खुले असं दिलेलं असतं. प्रत्यक्षात सर्व मांडामांड व्हायला अकरा-बारा सहज वाजतात. त्यामुळे नेक्स्ट टाईम व्यवस्थित उशीरा जायचं (दुपारीच) असंच ठरवलंय.

काल बीएनएचएसच्या तुंगारेश्वर ट्रेलला गेले होते. तिथे दिसलेले हे स्ट्राइप्ड टायगर फुलपाखरु.

वर्षा मस्त आहे फुलपाखरु.

छान फोटो

फुलपाखरू इवलेसे
पंखावरती झेलते
सुर्य चंद्राचे कवडसे...
माणिक वांगडे

फुलपाखरू इवलेसे
पंखावरती झेलते
सुर्य चंद्राचे कवडसे...माणिक वांगडे

वर्षा, मस्त फोटो...
सध्या आमच्याकडे एक माऊ आहे. तिचं नाव 'मखमली'. पण तिचा रंग कारळ्याच्या चटणीसारखा मिक्स आहे, म्हणून माझ्या मुली तिला 'कारळी' असं म्हणतात!!......(मी इथेच थांबते; कारण मांजराबद्दल मी एकदा बोलायला सुरुवात केली, की कुठे थांबायचं हेच मला समजत नाही असं 'काही' लोकं म्हणतात....) - (आता ही 'काही लोकं' कोण, हे सूज्ञास सांगायला नको!!! :डोमा:)

माणिक, छाने कविता.

वर्षाचे फुलपाखरु इतरांच्या मनात जास्त भिरभिरतेय असे वाटतेय.

शांकली, आमच्याकडे अशा रंगाची एक कुत्री आहे. आम्ही तिला अग्ली म्हणतो. बिचारी मंदबुद्धी आहे थोडीशी. आधी एक पिल्लु झालेले, तिच्यासारखेच अग्ली. ते दोनेक महिने तिच्या पायात बागडले, नंतर एक दिवस गाडीखाली आले. ह्या पावसाळ्यात एका रिकाम्या बिल्डींगच्या पहिल्या मजल्यावर तिने ५ पिल्ले घातली. कित्येक दिवस अग्ली आमच्या घरापाशी आणि त्या बिल्डींगमधुन पिल्लांचा कलकलाट असे चालले. ऐशु एकदा वर जाऊन बघुन आली त्यामुळे ५ पिल्ले आहेत हे कळले. अग्ली बहुतेक पिल्लांना पाजायलाच जायची वर. काही दिवसांनी तो कलकलाट बंदही झाला. एकही पिल्लू कधी खाली दिसले नाही. अग्ली आधीच्याच निर्विकारपणे आमच्या घराखाली बसुन राहायला लागली.

याउलट घरापासुन थोडे दुर एका कुत्रीने १५ पिल्ले घातली. काही दिवसांनी पाहतो तर दोनेक महिन्याच्या एका पिल्लाचे शव समोर ठेऊन ती आई दु:ख करत रस्त्यावर बसलेली. दोन - तिन दिवस ती तशीच काही न खाता पिता बसलेली. नंतर हळूहळू परत नॉर्मल झाली.

प्राण्यांमध्येही अशा डिसऑर्डर्स असतात काय? ऐशुच्या कॉलेजात एक बोका होता त्याला ऐकु-बोलु येत नव्हते. आमच्याकडे एक कावळा येतो तो स्वतःच्या चोचीने काहीच उचलत नाही. इतर कावळ्यांच्या मागे धावतो, मला खायला घाला म्हणुन. ते अधुन मधुन त्याच्या तोंडात घालत राहतात काहीबाही.

प्राण्यांमध्येही अशा डिसऑर्डर्स असतात काय? ऐशुच्या कॉलेजात एक बोका होता त्याला ऐकु-बोलु येत नव्हते. आमच्याकडे एक कावळा येतो तो स्वतःच्या चोचीने काहीच उचलत नाही. इतर कावळ्यांच्या मागे धावतो, मला खायला घाला म्हणुन. ते अधुन मधुन त्याच्या तोंडात घालत राहतात काहीबाही.>>>> आईग्गं!

अय्यो साधना
मी कधी असं नोटीस नाही केलं प्राण्यांना!

रच्याकने इथे भाज्यांमधले तज्ञ आहेत का कोणी?
काल मला कोबीवरच्या किड्याबद्दल एक धक्कादायक माहीती कळाली पण माझा विश्वास नसल्याने मला कन्फर्म करून घ्यायचंय.
नसेल कोणी तज्ञ तर ती माहीती शेअर करत नाही उगाच गैरसमज पसरायला नकोत.

शनीवारी फ्लेमिंगो पाहण्यासाठी उरणच्या पाणजे गावात गेले. पण ते प्लेमिंगो अजून तिथे पोहोचले नाहीत पण चित्रबलक मात्र छान पहायला मिळाले.>> सुरेख फोटो.

प्राण्यांमधेही अशा डिसऑर्डर्स असाव्यात. कारण मागच्या वर्षी आमच्याकडे एक केशरी-पांढर्‍या रंगाचं अगदी छोट्टुस्सं पिल्लू आलं होतं. तिचं नाव सोनाली ठेवलं होतं. ती काही दिवसांची असतानाच तिची आणि तिच्या आईची ताटातूट झाली होती. अगदी आर्त आवाजात मियू मियू अशी बारीक आवाजात ती बोलायची; आणि खूप भित्री पण होती. ती काही दिवसांनी मलाच तिची आई समजू लागली. तिला हातावर घेतलं की तिच्या आईला ती कसं चोखेल तशी ती माझ्या हाताला चोखायची. पण त्यानंतर दुसर्‍या मिनिटाला ती माझ्याकडे आयुष्यात पहिल्यांदाच बघतिये अशी बघायची. तिला डॉ. कडे नेलं, तेव्हा ते म्हणाले होते की तिची 'गजनी' झालीये. अगदी पिल्लू असताना तिने जो जगण्याचा संघर्ष केला, त्यात तिला अनसिक्युरिटी प्रचंड वाटली होती, त्यामुळे तिच्यामधे टेंपररी मेमरी लॉस ही डिसऑर्डर निर्माण झाली होती. तिचे काही फोटो ह्यांनी मा बो वर टाकले आहेत. फार क्यूट होती ती दिसायला. बघितली की पटकन उचलूनच घ्याविशी वाटायची. पण आमच्याकडे ऑलरेडी ही कारळी असल्यामुळे मग ह्या सोनालीला एकांकडे सोडलं. तिथे ती मजेत आणि आनंदात असणार. कारण ते मासेखाऊ आहेत.

http://www.maayboli.com/node/46099........ ही त्या सोनालीची लिंक.

वर्षा, फोटो मस्त ...

थँक्स सर्वांना.
शांकली, नवीन माहिती कळली. तुझ्या 'कारळी'चा जमल्यास फोटू टाक ना.

जरूर देईन इथे फोटो. (भामटी, उलुकी, माणिक-मोती, बेरकी-ठिपकी, सुंदरी, मनी आणि ह्या दोघी - कारळी आणि सोनाली ह्या मेंबर्सचे फोटो आहेत ते सगळे देईन.)

कोबीवरचे किडे ... त्यांच्यामुळेच भाजी रुचकर होते ना ?

... शाकाहारी कौ

कौ नाही

शांकली, तु लिहिलेले वाचताना मला तुम्ही टाकलेल्या तिच्या फोटोंचीच आठवण आली गं

रिया, मलाही आधी किडे म्हणजे इइइइइइइइइइ वाटायचे. पण आता जमाना बदललाय. भाजीत किडे आहेत म्हणजे त्या भाजीवर किटकनाशके फवारुनही ते जिवंत आहेत हे नक्की. म्हणजे एकतर हे किडे लैच भारी आहेत, किटकनाशके पचवुनही ते जिवंत आहेत किंवा त्यावर फवारलेली किटकनाशके तितकी भारी नाहीत. जर किडे ती पचवुन जिवंत राहताहेत तर मग मीही ती किटकनाशके पचवु शकेन या भाज्या माझ्यासाठी सेफ आहेत. मग अशा भाज्या मी शांतपणे किड्यांना बाजुला करुन खाते.

दु:खात नेहमी सुख शोधावे. सदासुखी असण्याची गुरुकिल्ली

हा पक्षी कोणता ?

बहुतेक उडतानाचा फोटो आहे. ओळखणे कठिण. डोक्याला असलेल्या मोरपंखी रंगावरुन शिंजीर - पर्पल रम्प्ड सनबर्ड - वाटतो पण त्याचा आकार इतका मोठा नसतो. कदाचित फोटोत मोठा दिसत असावा.

purple rumped sunbird असे गुगलुन बघ. कदाचित तु ओळखशिल.

नाहीतर हा पक्षी कोणता म्हणुन एक बाफ आहे तिथे टाक.

साधना , दु:खात नेहमी सुख शोधावे. सदासुखी असण्याची गुरुकिल्ली>

सध्या हिवाळा आणि उन्हाळा यांचा संधिकाल सुरू झालाय....
हिवाळा आता काही दिवसांचा पाहुणा आहे.
दुपारी गार वार्‍याबरोबर झाडावरची उरली सुरली पिकली वाळकी पानं गळून पडताहेत.
लवकरच सृजनाचा सोहळा सुरू होईल.
पळस, पांगारा, गिरिपुष्प, बहावा यांची रंगांची उधळण बघण्यासाठी डोळे आसुसलेत..............

शब्द संपले की मी सरळ दुर्गाबाईंचं ॠतुचक्र उघडते आणि त्यात हरवून जाते !

हो.. त किड्याबदल मी कोबीबाबत नै फ्लॉवरबद्दल ऐकले होते.

फ्लॉवरच्या भाजीवर त्या फुलांमध्ये किडे / अळ्या असतात म्हणे.

बरं मग आता ऐकाच -
महत्वाची आणि प्रायोरिटीवाली टिप :- ही ऐकीव माहीती आहे. त्यातील सत्यतेबद्दल मी अजिबातच खात्री देत नाहीये.

काल माझ्या काही उत्तरभारतीय + दिल्लीवाल्या मित्रांशी गप्पा चालू होत्या. त्यातील एकाने सांगितलं की कोबीवर म्हणे असा एक किडा असतो जो साध्या डोळ्यांना दिसत नाही. तो किडा मिठाचे/ हळदीचे पाणी, गरम पाणी या पैकी कशातही मरत नाही. शिवाय त्याची ग्रोथ गरम वातावरनात होते त्यामुळे शिजवलेल्या भाजीतही तो जिवंतच रहातो. हा किडा पोटात जाऊन रक्तावाटे डायरेक्ट आपल्या मेंदूवर अ‍ॅटॅक करतो आणि माणूस काही काळाने दगावतो कारण त्या रोगावर काहीही औषध निघाले नाहीये अजुन तरी
माझ्या टिम लिडरच्या मुंबईतल्या एका मित्राला हा आजार झालेला
मला ही गोष्ट सांगणार्‍या सगळ्यांच्या घरात या किड्याच्या भितीने ९ वर्ष कोबी येणं बंद झालंय आणि हे ऐकून मी आणि आईने पण कोबी न खाण्याचं ठरवलंय.
याबाबत कोणाला काही माहीत आहे का? ही बातमी खरी आहे का?
कॅबेज वर्म असं गूगलल्यावर पण काही ठिकाणी अशी माहीती दिसली

नोट - मी ज्या बद्दत बोलतेय ते म्हणजे कॅबेज म्हणजे कोबीच. फ्लॉवरची भाजी नाही

व्वा मस्त गppa. फोटो...

साधना ,कवितेला छान म्हणालात .,खूप आनंद
झाला . लहानपणी पाचगणीत एका भडकू टिचरला सापडलेले फुलपंख दिल्यावर आनंदाने चमकलेले ते डोळेआठवले.....
तुमच्या शांकलीबरोबरच्या माऊगप्पा आवडल्या सोबत च्या निसर्गप्रेमींच्या गप्पा
वाचायलाही खूप मजा आली.
सोनालीचे फोटो कित्ती गोंडस आलेत .
सर्वाना शुभरात्री......,

सोनालीचे फोटो झकास.

माणसाच्या शरीरार अनेक प्रकारचे जंत राहु शकतात. आपल्याला पोटात रहाणारे जंत माहीत असतात.

पाण काहे जंत लिव्हर , मेंदु इथेही राहु शकतात.

तांची अंडी कोबी , कांद्याची पात , गाजर याद्वारे जाऊ शकतात.

पण म्हणुन कोबी खाउच नये , असे मी कुठे वाचले नाही.

रिया, एखादी किड असेलच तरीही ती भाजी शिजवल्यावर जिवंत राहिल असे मला तरी वाटत नाही. भाजी शिजताना तापमान कमीत कमी १०० डिग्री पर्यंत तरी पोहोचतेच ना.

आणि ह्या तापमानालाही जिवंत राहुन माणसावर हल्ले करण्याचे मनसुबे आखणारा विषाणू भाजीत असला असता तर तो फक्त व्हॉट्सअ‍ॅप वर फिरत राहिला नसता. डॉक्टर्सनी लोकांना सावध केले असते. जसे आता इबोलाबद्दल केलेय तसे.