गुळ तुप, साधं वरण व बट्टी

पोळ्यांची मळतो तशी सर्व साहित्य एकत्र करुन बट्ट्यांसाठी कणिक भिजवुन थोडा वेळ ठेवुन द्या.
वरणाची तयारी करा. कुकरला वरणाचा डबा ठेवल्यावर त्यावर जाळी ठेवा.
आता त्यावर ठेवायला कणकेचा उंडा तयार करायचा आहे.
आधी २-३ पोळ्यासाठी घेतो तेवढा किंवा जास्त गोळा घेउन तो हाताने दाबुन उभट पसरवत जायचे. त्यावर तेलाचे बोट फिरवुन मग तो फोल्ड करुन घ्यायचा / गुंडाळुन घ्यायचा.

आता हाच गोळा आडवा ठेवुन पुन्हा उभट पसरवत जायचा. थोडक्यात एकदा उभ्या व एकदा आडव्या घड्या पडल्या पाहिजे.

असे ३-४ वेळा झाले की हा उंडा कुकरमधे त्या जाळिवर ठेवुन नेहेमीप्रमाणे कुकर लावायचा. ५-६ शिट्ट्या किंवा २ शिट्ट्यांनंतर १० मिनिटे गॅस मंद करुन पुन्हा ३ शिट्ट्या करुन घ्यायच्या.

जर मोठा गोळा घेउन केले असेल तर अळुवडी प्रमाणे हे कापुन घ्यायचे. (वेळ व पेशन्स असल्यास प्रत्येक बट्टी वेगवेगळी पण करता येते.)
तर कापल्येल्या बट्ट्यांना अशा घड्या दिसतिल.

ह्या बट्ट्या आता तुपात खरपुस तळुन घ्यायच्या. त्या जास्त तुप शोषत नाहित सो कॅलरीची काळजी करु नका.

तर ह्या बट्ट्या तशाच वा कुस्करुन वरण / गुळ तुप याबरोबर खायला घ्या.
ह्या अशा बट्ट्या मुद्दाम उरवुन मग दुसर्‍या दिवशी न्याहारीला चटणी बरोबर पण मस्त लागतात.