भरवा करेला ( मसल्याची कारली)

सगळ्यात आधी कारली स्वच्छ घुवुन पुसुन घ्यावी. सोलणीनी पाठ सोलुन घ्या. बिया सोलणीनी काढुन घ्या (बीया पण वाफवायच्या , त्या मसाल्यात वापरायच्या आहेत) मसाल्याची वांगी चीरतो तशीच चिरुन घ्या किंवा सरळ दोन काप करा आणी एका भांडयात घालुन कुकर मधे दोन शीटया होऊ द्या.

आता कढईत धणेपुड, जिरे, तीळ, शोप, सुकी मिरची आणि लसणाच्या पाकळ्या एक चमचा तेलात खमंग भाजुन घा, आणि थंड झाल की मिक्सर मधुन बारिक गीरवुन घ्या. हा मसाला एका बाउल मधे काढुन घ्या त्यात साखर( नेहमी पेक्षा जास्त घालावी) साधारण दोन चमचे, मिठ अंदाजे, आणि चिंचेच कोळ घालुन भिजवावा. (किंवा आमचुर पावडर घालुन,मसाल्यात थोड पाणी घालुन भिजवावा) त्यात मगाशी शिजवलेल्या कारल्याच्या बिया पण घालायच्या आहेत. हा मसाला शिजवलेल्या/ वाफवलेल्या कारल्यात भरावा.

कढईत एक पळी तेल घालुन जिरं तडतडल की, हळद तिखट घालुन, त्यात भरली कारली सोडावी, वरुन परत मिठ आणि साखर घालावे. ५ ते ७ मी.वाफ काढुन बारिक चिरलेली कोथिंबीर घालुन सर्व्ह करावे...

गरम गरम फुलके, साधं वरण आणि भरवा करेला,,,,मस्त कोंबीनेशन आहे.:)