इनस्टंट जिलेबी

Submitted by आरती. on 15 June, 2014 - 11:52
प्रत्यक्षात लागणारा वेळ: 
२० मिनिटे
लागणारे जिन्नस: 

P27-01-13_16.35.jpg
मैदा - १ कप
सोडा - १/२ टी स्पून किंवा १/४ टी स्पून
सायट्रिक अ‍ॅसिड - १/२ टी स्पून
साखर - १ कप
हळद - १/२ चिमूटभर
तूप - तळण्यासाठी
तेल - १ टेबलस्पून

क्रमवार पाककृती: 

१. साखरेचा एकतारी पाक तयार करा.
२.मैदयामध्ये सायट्रि़क अ‍ॅसिड, हळद व पाणी घालून भज्याच्या पीठासारख मिश्रण तयार करा पण थोड घट्ट हव. जास्त पातळ करू नका.
३. तेलामध्ये सोडा घालून चमच्याने ढवळून घ्या.
४. कढईत तूप तापत ठेवा.
५. तेल आणि सोडयाचे मिश्रण मैदयामध्ये घाला आणि फेसून घ्या.
६. हे मिश्रण प्लास्टीकच्या सॉसच्या बॉटलमध्ये भरा आणि तूपात जिलेब्या पाडा. मध्यम आचेवर तळून साखरेच्या पाकात घाला. एक तळणीचा घाणा होईपर्यंत जिलेबी पाकात ठेवा. दुसरा जिलेबीचा घाणा तळून झाला की पाकातल्या पहिल्या काढून घ्या आणि खा. Happy

वाढणी/प्रमाण: 
खाल तेवढे.......
अधिक टिपा: 

ही जिलेबी अजिबात बिघडत नाहीत आणि नरम पडत नाहीत.
बनवायला खूपच सोपी आहेत.
सोडा जास्त झाला असावा का? की पाणी जास्त झालं? <<< पाणी कमी घाला. पीठ थोड घट्ट हव कारण सोडा घातल्यावर पातळ होत.
तुटत होती जिलबी तळताना. <<< तूप तापलेल हव. गॅस मिडीयमवर ठेवला तरी चालतो.
नंतर आंबट लागल्या << जास्त आंबट लागल्या असतील तर सायट्रीक अ‍ॅसिड १/४ टीस्पून घाला.

माहितीचा स्रोत: 
आई
पाककृती प्रकार: 
Group content visibility: 
Public - accessible to all site users

आरती जिलेब्या, लाडु, बर्फ्या ( त्यातल्या त्यात पिस्ता वगैरे), कतल्या पाहिले की माझे डाएट धुमशान होते. एकवेळ मी बटाटेवडे, कचोर्‍या, समोसे, चिवडा, भेळ, आणी फरसाण बाजूला सारेन यासाठी.:डोमा::फिदी:

करून पाहिली.
पण तुटत होती जिलबी तळताना.
सोडा जास्त झाला असावा का? की पाणी जास्त झालं?
जिलब्या पाकात जास्त वेळ राहिल्या, तेही पाक बर्‍यापैकी गरम असताना...आणि मऊ पडल्या Sad
त्यामुळे करायला गेलो जिलबी आणि झाला मालपुवा... अशी गत झाली. Proud

शेवटच्या दोन जिलब्या मात्र जिलबीसारख्याच झाल्या. त्या पाकात जास्त वेळ न ठेवल्याने मऊ पडल्या नाहीत.
पण पाक नीट मुरला नाही त्यामुळे सुरुवातीला गोड आणि नंतर आंबट लागल्या.
मी परत एकदा करून बघणार आहे.

पाकृ रॉकिंग आहे.
नुसतं एखाद्याला सांगितलं ना 'जिलबी घरी केली आहे'....
समोरचा लोटांगणच घालेल... Happy

भारतीताई, जागू, गजानन धन्यवाद.
माझे डाएट धुमशान होते <<< रश्मी, Proud मलासुद्धा गोड खूप आवडत.
चैतन्य, ट्राय करुन इथे प्रतिसाद दिला त्याबद्दल धन्यवाद.
सोडा जास्त झाला असावा का? की पाणी जास्त झालं? <<< पाणी कमी घाला. पीठ थोड घट्ट हव कारण सोडा घातल्यावर पातळ होत.
तुटत होती जिलबी तळताना. <<< तूप तापलेल हव. गॅस मिडीयमवर ठेवला तरी चालतो.
नंतर आंबट लागल्या << जास्त आंबट लागल्या असतील तर सायट्रीक अ‍ॅसिड १/४ टीस्पून घाला.
पुढच्या वेळेस फोटो नक्की द्या.
रियाला खायला बोलवा आणि तिने लोटांगण घातल तर......... Happy

स्वाती२ धन्यवाद.
चैतन्य, पुढच्या वेळेस फोटो नक्की डकवा म्हणजे रीया टेस्ट करेल आणि तुमच्या नावाचा जयघोष करेल Proud

या रेसिपीने मी केलेल्या जिलेबीचा हा फोटो.
करायला अगदी सोपी पा. कृ. आणि चवीला पण छान लागत होती.
फक्त एक शंका, नंतर-नंतर पाक घट्ट होत, कडक होत गेला, तेव्हा काय करायचे ते कळत नव्हते की माझा पाक जरा जास्त झाला म्हणून असे झाले असावे?.... माहित नाही.
jilebi.jpg

नंतर-नंतर पाक घट्ट होत, कडक होत गेला, तेव्हा काय करायचे ते कळत नव्हते की माझा पाक जरा जास्त झाला म्हणून असे झाले असावे?.... <<<< आशिका, पाक घट्ट झाला तर थोड पाणी घालून मंद गॅसवर ठेवायचा. फोटो छान आहे. Happy

पाक घट्ट झाला तर थोड पाणी घालून मंद गॅसवर ठेवायचा.>>>मी तेच केलं, पण असं होतंच का की माझा पाक जास्त झाला होता ते विचारायचं होतं.

जिलेब्या झाल्यावर पाक थोडा उरतोच कारण जिलेबी पाकात बुडवायची असते. कमी पाक केला तर शेवटच्या जिलब्या थोड्या चपट्या किंवा अगोड राहतात कारण पाक संपत येतो आणि पाकात टाकल्यावर मुरत नाहीत.

आरती., जास्त म्हणजे क्वांटिटी नाही. आशिकाला पाक जास्त पक्का झाला होता का? असं विचारायचं आहे बहुतेक.

आशिका जिलब्या मस्त दिसताहेत. तू म्हणे रव्याचे लाडूही खूप छान करतेस? आम्हालाही दे की एकदा. Proud

आशिका, पाक नंतर नंतर पक्का होत जातो कारण जिलब्या तळणीतून काढल्यावर लगेच पाकात घालतो ना.. त्या उष्णतेने पाक पहिल्यापेक्षा पक्का होत जातो.

जास्त म्हणजे क्वांटिटी नाही. <<<< मामी :).
आशिका, मंजुडीने बरोबर उत्तर दिल आहे.
रवा लाडू क्या है????? आशिका, मामी आम्हाला पण हळूच सांगा. Happy

IMG_20180630_115312.jpg
चवीला मस्तच.
पण २तास पण कडक राहीली नाहीत. जेवणापर्यंत ढेपाळली .
अगदी १०-20 sec ठेवली पाकात.काही वेळ कडक होती
काय चुकलं माझं ???

स्वस्ति, पाक खूप पातळ झाला होता का?? त्याने जिलेबी नरम पडू शकते. जिलेबी, फोटो मस्तच, हळद अजून कमी घाला.
पाक घट्ट हवा थोडा.

Pages