अनेक वेळेस साधं वरणं, त्याची मसालेदार आमटी, फोडणीचं वरणं अस खाऊन खुप कंटाळा येतो. मग कधीतरी बदल म्हणुन ही आमटी जेवणात बहार आणते. अगदी भाजी आणि आमटी दोन्हीची इतिकर्तव्यता ही बजावते. उन्हाळ्यात / किंवा इतर कधीही त्याच त्याच जेवणाचा कंटाळा आला तर किमान पोटभर भात तरी खावाचं म्हणुन आई खास ही आमटी करायची.
खुप दिवसांपासुन एक हटके आमटीची कृती इथे लिहिण्याची इच्छा होती. बहुदा तुमच्यासाठी वेगळी असेल. ;)नसल्यास ज्यांना माहित नाही त्यांच्या ज्ञानात भर समजा.
साहित्य :
२ उकडलेले बटाटे, मीठ, गुळं, आमसुलं २/३, फोडणी साठी मोहरी, जिरे, हिंग, हळद वै., सुकं खोबरं आणि जिरे वाटुन त्याची भरड, काळा मसाला (बिना कांदा लसणाचा), दोन चमचे डाळीचं पीठ कडिपत्ता, कोथिंबिर, पाणी
कृती : उकडलेले बटाटे हातानेच कुस्करुन घ्या. मग तेलामध्ये जिरे, मोहरी, हिंग, हळद, कडिपत्ता घालुन त्यावर उकडलेले बटाटे घालुन परता. परतत असतानाच त्यावर डाळीचं पीठ घालुन घ्या. डाळीचं पीठ बटाट्याला नीट लागलं की जरूरीनुसार पाणी घाला (खुप जास्त नको). मग त्यात लाल तिखट, काळा मसाला, कुटलेलं जिरं खोबरं, गुळ, आणि आमसुल, मीठ घालुन एक उकळी येऊ द्या मग चिरलेली कोथिंबिर घालुन अजुन एक उकळी येऊ द्या.
झालं की , गरमागरम वाफाळत्या आमटी बरोबर मस्तपैकी भात घ्या. अगदीच वाटलं तर एखादा उडदाचा पापड भाजुन (च) घ्या.... वाट कसली बघताय...ओरपा मस्त आमटी भात!!!
तळटीपा : शक्यतो काहीही टीपा द्यायला लागणार नाहीत अशीच आहे ही आमटी. करुन बघा आणि सांगा
माहितीचा स्त्रोत : माझी आई
(आता केली की नक्की प्रचि टाकणार)
बाकीच्यांनी ही आमट्यांचे विविध प्रकार / आपल्या पद्धती इथे लिहिण्यास हरकत नाही.
हर्षा, मस्तच वाटतेय , करुन
हर्षा, मस्तच वाटतेय , करुन बघितल्यावर नक्की कळवेन..
छान आहे हा प्रकार. इथे वरणाचे
छान आहे हा प्रकार.
इथे वरणाचे प्रकार असा बीबी आहे. तिकडे बरेच प्रकार आहेत ( पण हा नव्हता ! )
धन्स दिपु, दिनेशदा!!! (इतक्या
धन्स दिपु, दिनेशदा!!!
(इतक्या लग्गेच हा वेगळा प्रकार आहे अशा अर्थी दिनेशदांची प्रतिक्रिया येणे म्हणजे माझ्या सारख्या नवख्या सुगरणीला शाब्बासकी / प्रोत्साहन वै. आहे!!! दा तुम्हाला स्पेशल धन्स )
अर्रे व्वा.. मस्तच! उद्याच
अर्रे व्वा.. मस्तच! उद्याच करुन बघेन!
मस्त प्रकार , पण आंबट -गोड
मस्त प्रकार , पण आंबट -गोड पातळ बटाट्याची भाजी होते ना ही आमटी
वेगळाच प्रकार! नक्की करून
वेगळाच प्रकार! नक्की करून पाहीन...
मी थोडं डाळीचं पीठ लावलेली बटाट्याची भाजी खाल्ली आहे, पण आमटी प्रकरण नवीन!
मस्त आहे की हा प्रकार..
मस्त आहे की हा प्रकार..
हायद्राबादेत असा मिळताजुळता
हायद्राबादेत असा मिळताजुळता पदार्थ आणि पुरी असा सकाळी नाष्टा मिळतो.
हर्षा.. असे दुसर्याच्या
हर्षा.. असे दुसर्याच्या हातचे खायची संधी मला सठीसामाशीच मिळते.. पण दुसर्याच्या कृतीने मात्र करायला नेहमीच आवडते. बेसन बटाट्याबरोबरच परतणे हा वेगळेपणा आहे यातला. नक्की करेन मी.
धन्स सगळ्यांना!!! मुकु, ही
धन्स सगळ्यांना!!!
मुकु, ही भाजी नाहीच मुळी! मलातरी भाताबरोबरच जास्त आवडते, पोळीबरोबर या आमटीची मज्जा भातखाऊ लोकांना नक्कीच येणार नाही!
येस्स दिनेशदा, वेगळी म्हणुन नक्की करुन बघाच!
छान वाटतोय की प्रकार हा.
छान वाटतोय की प्रकार हा. मस्तच एकदम
नक्की करेन
नक्की करेन
हा दिनेशदांचा वरणाच्या
हा दिनेशदांचा वरणाच्या प्रकाराचा बाफ. इथे आमट्या पण आहेत.
http://www.maayboli.com/node/14872
इथे पण तुमची रेसिपी (किंवा लिंक) टाका म्हणजे सगळ्यांबरोबर सापडायला सोपी जाईल.
धन्स दक्षिणा आश नक्की ट्राय
धन्स दक्षिणा
आश नक्की ट्राय कर आणि सांग इथेच
मो, नंतर दिनेशदांच्या धाग्यावरही टाकते ही आमटी!
झकास हर्षा! करून बघणार
झकास हर्षा! करून बघणार नक्की!!
मला traditional padhatiche
मला traditional padhatiche gor kairechya lonchyachi receipe havi aahe
smitakane
मला traditional padhatiche
मला traditional padhatiche gor kairechya lonchyachi receipe havi aahe
smitakane
मीना, इथे
मीना, इथे विचारा
http://www.maayboli.com/node/42617?page=29#new
हा आमटीचा बीबी आहे.