अननसाचा मुरांबा

Submitted by मनीमोहोर on 6 March, 2014 - 12:12
प्रत्यक्षात लागणारा वेळ: 
२० मिनिटे
लागणारे जिन्नस: 

अननसाचा मुरांबा हा काही तसा नवीन पदार्थ नाही पण मी जी रेसीपी शेअर करत आहे ती खूप झटपट आहे आणि पाक वैगेरे काही करायचा नसल्याने सक्सेस रेट १००%

From mayboli

अननस बाजारातुन सोलुन आणावा. हेच खरे वेळखाऊ आणि हायजिनिक कसोट्या पणाला लावणारे काम आहे. मी फार कसोशीने फळवाल्याचा हात सोललेल्या भागाला लागणार नाही हे बघते.
सहित्यः
१) अननसाच्या मध्यम आकाराच्या फोडी चार वाट्या( फोडी करताना अननसाचा मधला भाग आणि डोळे असल्यास काढावे)
२) साखर चार वाट्या.
३) लिंबाचा रस २ टे. स्पु.

क्रमवार पाककृती: 

वरील तिन्ही जिन्नस एका पातेल्यात एकत्र करुन मॅरिनेट करत साधारण तासभर ठेवावे. नंतर ते पातेले कुकरमध्ये प्रेशर लावून ठेवावे. नेहमी सारख्या तीन शिट्ट्या झाल्या की गॅस सिमवर दहा ते बारा मिनिट ठेवावा.

गॅस बंद करुन कुकर साधारण दोन तीन तासानी उघडावा. मस्त नैसर्गिक सोनेरी रंगाचा मुरांबा तयार. ( जर कुकर मधुन काढल्यावर साखर पूर्ण विरघळली नसल्यास मंद गॅसवर ठेवून साखर पूर्ण विरघळवावी. जास्त उकळू नये. घट्ट होईल. )

वाढणी/प्रमाण: 
मुरंबा आहे तो, काय सांगू ?
अधिक टिपा: 

टीप: हा मुरंबा इतर काम करत असतानाच करावा कधी झाला ते कळत ही नाही.
फ्रीज मध्ये ठेवावा.

आहार: 
शाकाहारी
पाककृती प्रकार: 
इतर प्रकार
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

मी आजच अगदी आत्ताच केला अननसाचा मुराननस पण नेहेमीच्या पद्धतीने Sad ही रेसिपी जरा उशीरा वाचली.. पुढच्या वेळेस ह्या पद्धतीने करून बघेन.

Submitted by sonchafa on 17 June, 2014 - 08:29

हेमा ताई, हा काल केलेला, घरी खुपच आवडला...
पा.क्रु. वाचल्यावर एका अननसाचा केला होता... तो जमला आणि सगळ्यांना आवडला देखिल
तेव्हा फोटो टाकायचा राहुन गेला... अत्ता चांगला कीलो भराचा केलाय....:)
भाऊ, बहिण सगळ्याना हवाय.... खुप खुप धन्यवाद....

pipneapple.jpg

रंग, चव सगळच छान... लिंबामुळे तो पाक सुधारसा सारखा लगतोय... Happy

Submitted by सायु on 24 July, 2014 - 02:15

सायली, धन्यवाद मुरांबा आवडल्याबद्दल. फोटो मस्त आलाय.

हल्ली जे नीलम ( तोतापुरी) आंबे बाजारात येतायत ना त्या आंब्यांचा मोरांबा ही याच पद्धतीने उत्कृष्ट होतो. रंग, चव अप्रतिम. आंबे व्यवस्थित पिकलेले घ्यावेत. कच्चट नकोत आणि चांगली जाड साल काढून फोडी कराव्यात कारण साल राहीली तर तो भाग नीट मऊ होत नाही. मुंबईच्या पावसाळी दमट हवेत बाहेर टिकत नाही म्हणुन फ्रीज मध्ये ठेवावा.

Submitted by मनीमोहोर on 24 July, 2014 - 12:17

हो तोतापुरी आंबे आणले आहेतच. मी वेगळ्या पद्धतीने करते. पण आता ह्या वेळेला तुमच्या पद्धतीने करुन बघील...:) धन्यवाद.... दर श्रावण सोमवारी गोड करण होतच अस नाही त्यामुळे हा बरा पडतो..

Submitted by सायु on 25 July, 2014 - 01:44

Pages