शाहरुख खान - नाहीच आवडला कधी मग फारसा !!

शाहरूखचा आणखी रोल आवडलेला तो शक्ती मधला.
फौजी, सर्कस मध्ये मस्त वाटायचा तो.

नंदिनी, यू सेड इट!>> येस्स!! +१११११
मलापण शाहरूखची काही अ‍ॅलर्जी वै. नाही. फक्त त्याने आणखी चॅलेंजींग रोल्स केले (आणि त्याच्यात तेवढं पोटेंशिअल आहे हे त्याने पूर्वीच्या सिरीयल्स आणि स्वदेस, चक दे वरून सिद्ध केलंय) तर पाहायला आवडेलच

असं चारचौघात बोलू नये....
तो प्रत्येक चित्रपटात शर्ट बदलून येतो की नाही?

वरदा....अनुमोदन....स्वदेस, चकदे आणि काही सन्माननीय अपवाद वगळता शा. खा. चा अभिनय नेहमीच अचाट-अती-अंगावर येणारा 'आता आवरा' कॅटेगरीतला वाटला.... पण कुणाचं बॅकिंग नसताना त्याने जे मिळवलं ते कौतुकास्पद आहे.... त्याचा अभिनय न आवडूनही मुलाखतीतून ( पूर्वी) तो सरळ, पाय जमिनीवर असलेला माणूस वाटायचा....पण आताशा यश डोक्यात गेल्यासारखा वाटतो. त्यामुळे नाही आवडत त्याच्या मुलाखतीसुद्धा पाहायला आता.

मयी अनुमोदन.

ह्या माणसाला कायम दुसर्‍याच्या हिरॉईन का आवडतात? - अंजाम, डर, दिवाना, बाजीगर, कभी हां कभी ना, दिलवाले दुल्हनिया, दिल तो पागल है, कुछ कुछ होता है, कल हो बाजीगर्,कभी अलविदा ना कहना, रब ने बनादी जोडी इ. ( हलकेच घ्या)

>>पण ह्यांच्याच बरोबरीने त्याच्या वयाला नाही शोभणार अश्या माकड उड्या (जसे चेन्नई एक्स्प्रेस), ओवर एक्टिंग (डुप्लीकेट), उगाच चेहेर्यावरचे ते ओवर एक्स्प्रेशन (बादशाह), दोन्ही गाल आत ओढून, ओढून ताणून खळी दाखवण्याचा प्रयत्न (कुछ कुछ होता है … ई )…आणि मोस्ट ऑफ ऑल अनेक सिनेमात दिसणारा शाहरुख हा शाहरुख खान किंग खान जास्त असतो इन्स्तीड ऑफ कॅरेक्टर. त्याच्या वागण्या बोलण्यात तो attitude स्पष्ट दिसतो ( डॉन २, रा-वन, जब तक है जान) आणि हे बघतांना तो डोक्यात जातो?>>

अगदी अगदी. त्याच्या प्रत्येक भुमिकेत तो शा. खा च वाटतो. तेच मान तिरकी करून आणि डोळ्यात पाणी आणून संवाद म्हणायचे. नाच ठिक ठाक पण अ‍ॅक्शन जमत नाही, हे माझं मत.

त्यातल्या त्यात चक दे इंडिया मधे चांगला वाटला. बाकि रा-वन, चेन्नई आणि माय नेम इज खान तर अजिबात आवडला नाही.

धाग्याचा उद्देश शाहरूख ची निंदा करणेच आहे का?

- असल्यास खुशाल करा....!!

मग सलमान आमिर ह्रितीक ई सुध्दा बर्याच जणांना आवडत नाही..

असो...

अति होऊन नये.. ही "धाग्याला शुभेच्छा..!!

वर जाम, डर, इ. निगेटीव्ह भुमिकांबद्दल जर राग येत असेल तर त्याचा अभिनय चांगला आहे, इ. जे लिहिले आहे, ते तसे म्हणले जाईल हे माहित होते, पण तसे जरी असले तरी इतर चांगल्या चित्रपटांमधे पण कधी हा माणूस अभिनयाच्या बाबतीत उजवा वाटलाच नाही.
अलिकडच्या जमान्यात (सद्ध्या याला अलिकडचा म्हणत नसावेत), आमिरखानच काय तो चांगला अभिनेता वाटलेला.

शाहरुख स्वदेसमध्ये जाम आवडला होता
त्याचे ते चेक्सचे शर्ट फार खुलुन दिसत होते त्याला

शारुख खान बाजिगर पासुन चेन्नाई पर्यत खुपच आवडला

मला अजाब्बात आवडत नाही. एकतर ओव्हरअ‍ॅक्टिंग करतो, दुसरं कॅरेक्टर ढीला है. दारू पिउन नाटकं करणारी लोकं आवडत नाहीत.

लक्स चा कचरा केलात इब्लिस :))

दिलवाले..च्या आधी आणि नंतर असे त्याच्या कामाचे सरळ दोन भाग होतात. आधीचा शाहरुख खरेच जास्त सहज जास्त लवेबल होता.<<<<<<+१

माझा शारुख्चा सर्वात आवडता चित्रपट बादशाह !!!! केवळ शाहरुख्साठी त्याचा एखादा चित्रपट पहायचा झाल्यास मी बादशाह पाहीन बाकी त्याच्यात अभिनयकौशल्य आहेच आणि अत्यंत शैलीदारपणाही पण फुकटचा भाव खाणारी माणसे मला अजिबातच आवडत नाहीत ..मग तो स्क्रीनवरही का असेना

त्याच्या अभिनयात मला अगदीच न आवडणारी बाब म्हणजे एखाद दुसरा सीन सोडला तर त्याच्या सर्वच सीन्स मध्ये त्याचा देह खालीपिली बकबक करतो आत्मा कधीच बोलत नाही

मला शाहरुखचा सळसळता वावर आवडतो. सिनेमा, सीन काहिही असो, त्यात शाहरुख आहे हे जाणवलेच पाहिजे एव्ह्ढ्या energy ने तो त्यात असतो. हे सगळ्यांनाच आवडेल असे नाही हे साहजिक आहे. वानगीदाखल त्रिमूर्ती सारखा टुकार सिनेमा पाहा, त्यात शाहरुखचे character येइतो सिनेमा रटाळ पणे डुगडुगत असतो. पण शाहरुख आल्यापासून तो प्रत्येक सीन ढकलत नेतो. निव्वळ त्याच्या जोरावर असा सिनेमा बघायचे धाडस करता येते.

वर बाद्शाह बद्दल कोणी तरी लिहिले आहे, मला आठवतय त्याप्रमाणे तो slapstick comedy होता. अर्थात हिंदी सिनेमाच्या चाकोरीत जेव्हढा बसू शकेल तेव्हढाच ठेवल्यामुळे त्याची न घर का ना घाटका अशी अवस्था झाली असेल.

फारसे चांगले (अर्थात हे relative आहे हे मान्य) नाचता येत नसूनही नुसत्या energy च्या जोरावर तो गाण्यांमधे जे काही करतो ते बघायला खरच मजा येते. पहा दिल से रे, इश्क कमिना, घुमटे मे चंदा है, डुप्लिकेट.

शाहरुख बर्याचदा डोक्यात जातो पण पण मूळात त्याच्याकडे एक्स्ट्रॉ ऑर्डीनरी स्क्रीन प्रेझेन्स, टॅलेंट आहे यात दुमत नाही!
त्यानी त्याची सर्वात मोठी स्ट्रेंथ 'आफलातून कॉमेडी सेन्स' फार कमी वापरली , आजकालच्या तमाम लिड अ‍ॅक्टर्स मधे ही क्वालिटी त्याच्याकडे नक्कीच सर्वात स्ट्रॉग आहे!
केजो-चोप्रांचा ओव्हरअ‍ॅक्टींग करणारा रोमँटीक हिरो म्हणून पहायला मला तरी आवडत नाही, दिलवाले दुल्हनिया.कल हो ना हो, कभी अल्विदा- वीर झारा मधला शहारुख असह्य होतो.. रावन, K3g,माय नेम इज खान आणि जब तक है जान मधला शारुख सहनच होत नाही !
रोमँटीक मधे दिल तो पागल है आणी (त्या वेळी) कुछ कुछ मधे आव्डला होता .
मला उलट त्याचा कधी तरी दिसणारा सट्ल अभिनय, कॉमेडी आणि कधी कधी बॅड बॉय म्हणून पहायला जास्तं आव्डतो.
फौजी मधे आव्डलाच.. राजु बन गया, यस बॉस ,कभी हां कभी ना, बादशाह, स्वदेस, बाजिगर, चक दे, रब ने बनादी मधला सुरी, डॉन २, अगदी देवदास आणि ओम शान्ति ओम मधेही आव्डला :).
चेन्नाई एक्स्प्रेस जरा बरी स्क्रिप्ट, स्टोरी असती तर चांगला होउ शकला असता.
त्याची लँग्वेज वर कमांड , काहीसा अ‍ॅरोगन्ट अ‍ॅटीट्युड ,लाइव्ह इंटरव्ह्युज-टॉक शोज मधे उस्फुर्त बोलायची क्वालिटी पण आवडते पण बहुतेक वेळा डोक्यात जाणारे स्टेज परफॉर्मन्सेस वगैरे करतानाच जास्तं दिसतो दुर्दैवानी शाहरुख.
त्याला अता तरी चांगले कॉमेडी रोल्स करायची सुबुध्दी मिळो :).

मस्त रे असामी!!

डर, कभी हां..., बाजीगर, राजु बन गया..., यस बॉस बघवतात. अगदी ढकलला त दिल तो पागल... नंतर तो फक्त "शाहरुख" म्हणुन काम करायला लागला. तसेच ह्या आधीच्या सिनेमात केलेले experiments ( कधी व्हिलन, कधी कॉमेडी, simple Loverboy) हेही त्याने थांबवले. बादशाह, चक दे आणि स्वदेश हे नंतरचे त्यातल्या त्यात बरे चित्रपट. मी तर बरेच वर्ष त्याचे सिनेमे बसुन असे पाहिले नाहीत. सिनेमा TVवर लागला/ लावला असेल तर येताजाता जे दिसते ते पाहतो.

इथे बर्‍याचजणांनी त्याने कॉमेडी रोल करावेत असे सुचवले आहे. मी चेन्नाई एक्स्प्रेस First day Last Show बघितला. आमच्याकडेही अर्धे अंग फॅनक्लबमध्ये असल्याने आणि रोहित शेट्टीसाठी गेलो. दुसर्‍यादिवशी मायबोलीवरचे रिव्ह्यु वाचले आणि पुढे काही लिहायला धजलो नाही. गचाळ सिनेमा. मीच सर्व काही करणार हाच मोट्टो असल्याने कॉमेडीची वाट लागली आहे. कॉमेडीला प्रतिसादासाठी सोबत लागते, हे आधी शाहरुखला समजावले पाहिजे. अगदी बबन प्रभुलाही आत्मराम भेंडे सोबत होते. एकट्याने ३तास कॉमेडी त्यांनाही शक्य नव्हती. शाहरुखकडे विविध भुमिका करण्याकरीता Talent नक्कीच आहे. त्यामुळे शाहरुखला विनोदी सिनेमे करायचे असतील तर दुसरा ताकदीचा माणुस लागेल. अवॉर्डस् मध्ये असतो तसा (सैफ अली) नव्हे. तशी तयारी असेल तरच त्या वाटेस जावे नाही तर चोप्रा, जोहर आणि कं सोबत अहो रुपम् अहो ध्वनी चालू ठेवावे.

इब्लिस महान!

शाहरूखबद्दल आमची नेहमीच टोकाची प्रतिक्रिया झालेली आहे. सुरूवातीला ते व्हिलन रोल करायचा तेव्हा प्रचंड तिरस्कार. आणि त्याचे कारण म्हणजे त्याने ते रोल चांगले केले म्हणून नाही, तर व्हिलनगिरी करताना तो भंकस वाटला म्हणून. सुरूवातीला तो हीरोच्या रोल्स मधेही भंकसच वाटला.

मात्र नंतर दिलवाले, कुछ कुछ होता है पासून थोडा आवडायला लागला. बादशाह, यस बॉस इ मधेही. त्याने बहुधा (त्या "साईन व्हेव्ह") भुवया व चेहर्‍याचा इतर मेक-अपही १९९५ पासून थोडा बदलला असावा. कारण तेव्हापासून तो वेगळा दिसायला लागला.

स्वदेस, चक दे, मै हूँ ना व ओम शांती ओम मधे तर तो प्रचंड आवडला. डॉन-१ मधे भंकस वाटला (कारण तेथे तुलना बच्चन च्या एका जबरी रोल शी होती) पण डॉन-२ मधे आवडला. मला चेन्नई एक्सप्रेसही धमाल वाटतो. त्यातील शाहरूख 'चालतो', पण त्याने त्यात काही विशेष केलेले नाही. संवाद व प्रसंगच धमाल आहेत आणि दीपिका नक्कीच त्यात सरस आहे. पण हे नक्की की शाहरूख त्यात चालून गेला.

अजूनही तो बर्‍याच चित्रपटात तुफान हॅमिंग करतो (मोहब्बते हे एक उदाहरण) पण आता तो पूर्वीसारखा डोक्यात जात नाही.

चित्रपटाबाहेर त्याला काहीही व्यक्तिमत्त्व नाही (म्हणजे इतर लोकांत तो उठूनही दिसणार नाही). त्यामानाने पदद्यावरचा वावर जबरदस्त आहे. रोमॅण्टिक रोल्स मधे जितका सूट होतो तितका अ‍ॅक्शन मधे होत नाही. मात्र विनोदी रोल तो खूप छान करतो (वरती 'बादशाह' चे उदाहरण अगदी बरोबर आहे).

वैयक्तिक जीवनात त्याची अनेक मुक्ताफळे व कधी कधी वागणेही डोक्यात गेलेले आहेत. पण येथे त्याच्या रोल्स बद्दल चर्चा करताना त्यात जायची गरज नाही.

मला असे वाटते की त्याच्या फॅन बेस मधे स्त्रिया जास्त आहेत. पुरूषही आहेत पण बहुसंख्य पुरूषांना तो आवडत नसावा.

चालू दे
पण शाहरूख च वागण हे जर वाईट मानल तर बाकी जवळ जवळ सर्वच हिरोना काय म्हणायच हा प्रश्नच आहे .

केदार, तो मुळात स्वतंत्र विषय आहे. येथे शाहरूख बद्दल चालू आहे म्हणून ते लिहीले. सध्या त्या संदर्भाकडे दुर्लक्ष कर.

मला तर राम जाने, चमत्कार पण आवड्ला होता...! त्यात सही काम केलं होतं.
अती झालं आणि हसु आलं अस काहीसं वागणं असत हल्ली त्याच...!

अति झालं अन् हसू आलं असं या बाफाचं पण होतंय माझ्याबाबतीत आत्ता

अती झालं आणि हसु आलं >> हे काही अंशी मान्य . स्पेशली राहूल आणि राज बाबत .
पण मे बी त्या लेवल ला गेल्यावर स्वतःचा इगो इतका मोठा होत असेल की कुठे थांबायच हे कळत नसेल .
देव आनंद अन अमिताभ सारखे दिग्गजही जिथे स्वतःला रोखू शकले नाहीत तिथे शाहरूख खान काय आहे ?

इतर तर त्या लेवल ला न जाउन सुध्दा..... बरेच अतरंगीप्रकार करत आहेत

जोहर आणि कं सोबत अहो रुपम् अहो ध्वनी > अगदी. +१

जुही चावला बरोबर केमिस्ट्री चांगली जमायची त्याची. दोघांनी मिळून एक ड्रीम्झ का काहीतरी कंपनीही चालू केली होती चित्रपट निर्मितीची ("वन टू का फोर" त्यातलाच असावा). पण पुढे काय झाले कळाले नाही.