आज काय खाल्लं?

धागा आवडला. आपसूकच हेल्दी गोष्टी निवडल्या जातील.
सकाळी ७ वाजता - १ कप चहा, १ उकडलेलं अंडं, १ टोस्ट (खरंतर व्हिट टोस्ट हवा होता पण हे पाकीट संपलं की नवीन पाकीट व्हिट टोस्टचंच आणेन.)
९:३० वाजता - १ कप दही+मिक्स बेरीज.

आता लंच १२ ला - तेव्हा मूड असेल आणि कॅफे मधे जो मेनू असेल त्यावर अवलंबून आहे.

बीफ संडविच आणि चीकेन सलाड !!!

जेवणाच्या मध्यम आकाराच्या ताटाचे ४ भाग करुन त्यातील १ भाग प्रोटीन, १ भाग कार्ब आणी २ भाग सालड/ग्रीन्स मुख्यता कच्चे अस एका वेळच जेवण असावं अस सांगीतल. हे कमी जास्त प्रमाणात सगळ्यांना लागु पडायल हरकत नाही.

क्या बात है. एकदम सोप्प...

९.०० वाजता ब्रेफा - शेवया उपमा गाजर+मटार+टोमॅटो घालुन
११.०० चहा + दोन क्रीम क्रॅकर बिस्किट
आज लंच साठी अंडा मसाला + दोन चपाती

सकाळी कॉफी आणि खारी, लंचला दही आणि थालीपीठ आताच भूक लागली आहे.

आजचा लंच मेनु - ज्वारीची चपाती आणि तांदुळ भाजी.

आज दुपारच्या जेवणात नंदिनीने दिलेल्या पद्धतीने कारल्याची भाजी, फुलके,आमटी,टॉमेटोची कोशिंबीर, भात, खोबरे+ शेंदाणे चटणी
http://www.maayboli.com/node/9520

टकाटक, अग अजुन तुझे सुरुच आहे का डाएट ? आणी तान्दुळ भाजी ??? हे काय आहे ?

सुहास्य ते तांदुळजा भाजीचे नाव आहे. त्या भाजीला तांदुळजा किंवा तांदुळका म्हणतात.

बर बर.......मला माहीत नव्हते......शोधिन अता .....

आता मेंटेनंस चालु आहे.

ज्वारीची चपाती कशी करतात?

ज्चारीचं पीठ घ्या त्यात अंदाजे गरम पाणी घाला आणि मळुन घ्या. चपात्या लाटा, तव्यावर भाजा.

म्हणजे पोळीसारख्याच भाजायच्या की भाकरीसारख्या पाणी वगैरे लाऊन गॅसवर भाजतो तश्या भाजायच्या?

पोळीसारख्याच लाटुन भाजायच्या पाणी लावायची गरज नाही. ज्वारीच्या भाक-या थापल्या तरच पाणी लाऊन गॅसवर भाजायच्या.

कस्ला भारी धागा आहे. मस्तच अदिति.
मी आज सकाळी गरम पाणी मग चहा, मग म्युसली.
लंच ला कच्चे सलाड (काकडी, गाजर, टोमॅटो), कोर्न सलाड, सूप, डाळ, एक फुलका.
आत्ता कॉफी आणि बरेच चुरमुरे आणि थोडं फरसाण याचं मिक्स.
रात्री दोन फुलके, भाजी आणि डाळ खाणार.

ओक्के.आज अशा करुन पहाते..!
धन्यवाद टकाटक.

आज सकाळी विनासाखरेचा चहा मग १.५एक तासाने ६-७आप्पे+ विनासाखरेचा चहा
दुपारच्या जेवणासाठी - भाजी आणी २ फुलके
मधल्या वेळेत - आधी icecream,थोड्या वेळाने विनासाखरेचा चहा
रात्रीच्या जेवणासाठी - बहुतेक डाळीची आमटी ,वीतभर भाकरी,उसळ,भात + सोलकढी जेवेन.

चहा , मालपोहे, एक बेसनचा लाडु
दुपारच्या जेवणासाठी = पोळी आणी भरलेलि वांगी.

आज उपवास.. सकाळी हापिसला निघताना १ मोठ्ठा ग्लास ऑरेंज ज्यूस.. हापिसात एक कप कॉफी.. लंच ला साबुदाणा खिचडी खाऊन झाली आताच.. सोबत दही होतं..
दुपारी सफरचंद आणि १ केळं..

वाव! मजा येतीये सगळ्यांचे मेनू वाचायला. सध्या मी काहीही व्यायाम करत नाहीये आणि सकाळचे चालणेही बंद आहे. इथे सगळ्यांचे वाचून निदान योग्य आहार आणि नियंत्रण हे तरी होईल. अदिती, तुझ्यामुळे. थँक्स

नाष्ता - ज्वारीच्या पीठाचे अर्धे थालीपीठ
११.०० - चहा पाऊण कप आणि ४ चमचे फरसाण
दुपारी - दीड पोळी, वांग्याचे भरीत
५.०० - अर्धा कप चहा आणि रोस्टेड ज्वारी २ मुठी
रात्री भातच, बहुतेक आमटी किंवा पिठल्यासोबत.

आजचा लंच मेनु - मुगाची धिरडी.

बॉसचं डोस्क.

बॉसचं डोस्क...मेनु आवडला!

>>>बॉसचं डोस्क.<<

रेड मीट शरीराला हानीकारक.

सकाळी भरपूर खजूर टाकून ओटमील,
मग लंचला बाहेरचे एक हुमस सँडविच.
मग बाकरवडी (वड्या खरतर... चांगल्या लागल्या म्हणून बचकाभर खाल्ल्या).
रात्री डाळ-भात, शिरा(प्रसाद म्हणून केला असणार घरी)..

भरपूर खजूरातून जास्तीची साखर नाही का खाल्ली जाणार झंपी? (डाएट करताय्/नाही कल्पना नाही. हा धागा थोडा त्याकडे झुकणारा वाटला )