एकत्र कुटुंबाचा तिढा कसा सोडवायचा ????

बेसिकली, अनेक ठिकाणी 'लग्न' हाच एक प्रॉब्लेम असू शकतो, अश्या विचित्र निष्कर्षाप्रती येणे होते.>>

बेफी जीं शी पुर्णपणे सहमत

मिताली,
आधिचे सगळे मेसेजेस वाचले नाहित अजुन, पण...

१.दुसर्‍या भावाचा >>>>>>>>त्यांच्या नावाने एक प्लॉट आहे. साधारण किंमत १०-१२ लाख.>>>>>>हा प्लॉट विकुन त्यात अजुन भर घालुन आधी सर्वात मोठा प्लॉट ज्याच्यावर ३५ लाख कर्ज आहे तो सोडवुन घ्यावा. ( या दोघा भावांनी मिळुन. आणि हो दुसरे कर्ज न घेता हे महत्वाचे)

एकदा तो प्लॉट कर्जमुक्त झाला कि मग सासरे म्ह्णतात त्या प्रमाणे मग तो अजुन काही काळ ठेवायला हरकत नसावी.

२.भावाची मुले हॉस्टेल वर ठेवायची आणि पैसे पाठवायची का गरज पडली? गावात शाळा नाहित का? त्या मुलांना याची जाणिव आहे का? कित्येक गरीब मुले मदतीशिवाय पुढे येतातच ना?
अगदीच हुशार असतील तर स्कॉलरशीप ई बघावी. लागलीच तरिहि मदत तरच करावी आणि तेवढ्यापुरतीच.

३.तुम्हाला पैसे पाठवणे बंद करायचे नसतील तर निदान त्यांना डायरेक्ट पैसे न देता त्यांचे सोने गहाण ठेवले आहे ते सोडवुन घ्या हळु हळु.
नंतर ते सोने त्यांच्या हातात न देता त्यांच्या मुलांसाठी सेफ ठेवावे.

४.घरी महिना ३० ते ५० हजारच्या दरम्यान रक्कम पाठवत होतो>>>>>>घर खर्चापुरती रक्कम अथवा डायरेक्ट सामान आणुन द्यावे काही महिने. आणि थोडे दिवसात हे बंद होईल असे ठणकावुन सांगावे.

५. तुम्हाला मुलगा आहे, त्याचे भविष्य पहा. असे सर्वांना करुन तुम्हाला गरज पडली तर तुमच्या बाजुने उभे रहायला हिच माणसे येतील असा विश्वास आहे का तुम्हाला? नसेल तर त्यावर विचार करा.

मिताली, मानले बाई तुला. इतक्या वर्षांनंतर ह्या विषयावर बोलते आहेस. कसं पचवलंस इतकी वर्ष? हा मानवी स्वभाव आहे, जितकं मिळेल तितकं फुकटात घ्यायचं.

जर गावी जवळ जवळ ८० लाखाची जमीन आहे तर तिचं उत्पन्न काय ते उत्पन्न वाढवण्यासाठी काय प्रयत्न चालू आहेत, हे विचारा. माणसाची मानसिकता बदलता येत नाही. त्यांना नोकरी करणं पटत नाही तर नोकरी करून मिळालेला पैसा कसा चालतो? हेही विचारा, प्रथम तुमच्या नवर्‍याला आणि मग दिरांना. तुमच्या सासर्‍यांचा जमिन न विकण्याचा मुद्दा चूक नाही. पण त्यांना ह्या प्रश्नांची उत्तरे शोधायला मदत करा. तुम्ही देशाबाहेर आहात त्यामुळे तुम्ही फारसे काही करु शकत नाही असे वाटून घेऊ नका.

नवर्‍याचे सख्खे रक्ताचे कुटुंब आहे त्यांनी नवर्‍याच्या शिक्षणावेळी खूप मदत केली असण्याची शक्यता आहे, जेंव्हा तुमचा नवरा शिकत होता तेंव्हा कसे चालायचे हे समजून घ्या. गाव इतके लहान आहे का की मुलाला शिकायला होस्टेल ला ठेवावे लागले. शिवाय असे कोणते हॉस्टेल आहे जिथे दहवीतल्या मुलाचा खर्च १०००० येतो? गाव छोटे असेल तर महिन्याला ४०००० खर्च होउ शकत नाहीत. ह्याशिवाय शेतीचे उत्पन्न आहेच. तुम्हाला कळतय क तुम्हाला लुटत आहेत ते? ह्याची सत्यता जेंव्हा तुझ्या नवर्‍याला कळेल तेंव्हा त्याला किती धक्का बसेल ह्याचा विचार कर.

यापुढे पैसे पाठवणार असाल तर दर महिन्याला किती पैसे पाठवणार ते स्पष्टपणे सांगा ते फक्त सासू सासर्‍यान्च्या खर्चासाठीच पाठवा, किंवा तुम्ही ते बँकेत ठेवा खूप गरज असेल तेंव्हाच पाठवा. . त्यातूनच बचत करायला सांगा. ही जबाबदारी सासू सासर्‍यांवर टाका. मला असे वाटते की तुमचे दीर आणि जावा यांनी गृहित धरले आहे की तुमचा नवरा सगळी जबाबदारी घेणार आहे. उद्या मुलाला महागड्या शिक्षणाला पाठवून खर्च तुमच्याकडून मागतील. दहावीनंतर मुलगा काय करणार त्याचा किती खर्च तुम्ही उचलणार ते तुम्ही कर्ज म्हणून पुतण्याला देणार का नाही, तो नापास झाला तर? हे सगळे नवर्‍यासोबत बसून लिहून काढा. गावाला कळवा. खर्चाचा ग्रीन बेल्ट कोणता, ऑरेंज कोणता, रेड कोणता हे आत्ताच ठरवा वेळोवेळी वॉर्निंग द्या.

तुम्ही कोणताही कठिण निर्णय घेतलात तरी तुमची कयमची बदनामी होणार आहे, नवर्‍याची त्याला तयरी आहे क नाही ते पाहून घ्या. मुळात असा दानशूरपणा तो का करत आहे हे तुम्हाला माहीत आहे का.

कोणालाही फुकट अन्न खायला देण्याऐवजी त्याला अन्न मिळवायला शिकवणे जास्त महत्वाचे असते. उद्या तुमच्या मुलाला कधी कोणत्याही मदतीची गरज वाटली तर हे लोक त्याच्या पाठीशी उभे राह्णार का ह्याचा अंदाज घ्या.

पूर्वी जे झाले ते झाले, ह्यापुढे तुमचा आर्थिक निर्णय काय ते ठरवून ठेवा. आप्ण स्वतः जन्माला घातलेल्या मुलान्ची जबाब्दारी आप्ल्यावर असते हे दिरांना स्पष्टपणे सांगा. नाहीतर मुलांना जन्म देउ नये. मुलगा झाला तर काय दिवे लावणार आहे ह प्रश्न ह्या शब्दात नव्हे तरी स्पष्ट विचारा. तुमचा नवरा परदेशात नसता इतकी कमाई नसती तर काय केले असते? जर आर्थिक मदत नव्हे जबाबदारी घेतली आहे तर निर्णय सुद्धा तुम्हीच घेतले पाहीजेत.

दीराच्या ऑपरेशन्साठी पैसे पाठवणं योग्य, पण लगेच पंचतारांकीत हॉस्पिटलसाठी नाही, ते जर स्वतःचं स्वतः सांभलू शकत नाहीत, व्यसने करतात तर त्यांना नगरपालिकेचे हॉस्पिटल आणि जनरल वॉर्ड बरा, त्यात किति खर्च येतो त्याचा थोदा अन्दाज ठेवणे चांगले.

तुम्ही करायचे शिवाय "तुम्ही टेन्शन घेऊ नका. तुम्ही तुमच्यापुरतं बघा" असे ऐकायचे कशासाठी? शिवाय तुम्हाला हे कळत नाही का की तुम्ही त्यांना अपंग बनवताय.

गावात जर इतर कोणी मित्र अगदी फक्त तुमच्या विश्वासाचे राहात असतील तर त्यांच्याकडून रिपोर्ट घेत रहा.

तुम्ही अमूकतमूक केले नाहीत तर मदत मिळणार नाही हे स्पष्ट करा. शिवाय पूर्वी इतरांनी सांगितले त्याप्रमाणे तुम्ही किति पैसे पाठवले ते सांगा आणि कुठे कसे खर्च झाले ह्याचा हिशोब मागा. ह्याशिवाय शेतजमिनीवरचे कर्ज फितवण्याची जबाबदारी तुमच्यावर येउ नये ह्याकरिता चान्गल्या वकिलाचा सल्ला घ्या.

दारू, गुटखा यातून एक मोठा आजार येउन गेलच आहे आता अजून येत राह्तील कुठे कुठे पुराल तुम्ही? स्वतःकडे लक्ष द्या. स्वतः जिमला नियमित जा. सर्वात आधी मेडिटेशन सुरु करा, तुम्ही का नैराश्याचा सामना करायचा? तुम्हाला का बी.पी. चा त्रास व्हावा? आणि तुम्हाला काही झालं तर तुमच्या मुलाने कोणाचं तोंड पाहायचं? इंटरनेटवर स्वामी सुखबोधानंद, ब्रह्मकुमारी'ज सिस्टर शिवानी यांचे चांगले व्हिडियो आहेत ते पाहा. त्यामधून पॉझिटिव विचार कसे करायचे आपल्या मनातल्या भीतीला कसे घालवायचे ह्यासाठी खूप मदत मिळेल. मला स्वतःला त्यांनी खूप मदत झाली, शिवाय अनेक निर्णय घ्यायला मदत सुद्धा झाली.

सर्वात आधी मेडिटेशन सुरु करा,तुम्ही का नैराश्याचा सामना करायचा? तुम्हाला का बी.पी. चा त्रास व्हावा? आणि तुम्हाला काही झालं तर तुमच्या मुलाने कोणाचं तोंड पाहायचं?

इंटरनेटवर स्वामी सुखबोधानंद, ब्रह्मकुमारी'ज सिस्टर शिवानी यांचे चांगले व्हिडियो आहेत ते पाहा. मला स्वतःला त्यांनी खूप मदत झाली, शिवाय निर्णय घ्यायला मदत सुद्धा झाली.

मिताली
नंदिनी आणि इतर बर्‍याचजणांनी तुम्हाला उपयुक्त सल्ले याआधीच दिले आहेत.एखाद्याला मदत करणे आणि पूर्णपणे पोसणे यात फरक आहे.वल्लरीच यांचा पहिला प्रतिसाद खरच छान आहे. बर्‍याचजणांची अशी
समजूत असते की त्यांच्याकडे भरपूर आहे तर आम्हांला दिले तर काय झाले.मदतीचे ओझे न वाटता ह़क्क वाटू लागतो.झाले ते झाले. आता तरी स्पष्ट नाही म्हणायला शिका.औषध कडू असते.पण त्यामुळे रोग बरा होतो हे लक्षात ठेवा. नाहीतर त्रासदायक गळू हे शस्त्रक्रिया करून काढायला लागते.

तुमच्या एका पोस्टमधे तुमच्या मिस्टरांच्या L.I.C वरही सासरच्यांनी कर्ज काढ्लय असे तुम्ही म्हटलय.(नवर्‍याच्या पॉलिसीजवरही त्यांनी कर्ज काढून घेतलं आहे.) त्याला तुमच्या मिस्टरांची संमती होती?जर फक्त मिस्टरांच्याच नावाची पॉलिसी असेल तर ते कर्ज मिटवून स्वतःची L.I.C clear करा.त्याला नॉमिनेशन इ.फक्त तुमचेचराहू द्या.सासू-सासरे यांची जबाबदारी घेणे वेगळे आणि पन्नाशीच्या दीरांची आणि कुटुंबाची जबाबदारी घेणे वेगळे!

२० एकराची शेती असताना तुम्ही दोघे महिना ३५००० कशासाठी पाठवता? म्हणजे त्या ९ जणांना तुम्हीच पोसताय असं दिसतं. एकूण परिस्थिती पाहता दीराच्या मुलांना या सगळ्याची जाणीव असणं कठीण. आज शिक्षणासाठी पैसे देताय. उद्या दीर जावांची आजारपणं निघणार आहेत. मुलींची लग्ने निघतील. तेव्हा काय कराल? एकत्र कुटुंबात शेती आपल्या नावे करा म्हणणं बरं दिसणार नाही. त्याचे इतर अर्थ काढले जातील आणि इतकी वर्षं केलेलं सगळं मातीमोल ठरवलं जाईल. आतापर्यंत जे पैसे गेले ते गंगार्पण म्हणायचे आणि हळूहळू संबंध कमी करायचे हा एक उपाय दिसतो आहे. दर महिन्याचा तनखा आधी बंद करा. काही कारणाने मदत केली तर ठीक आहे.