पॉलिमर क्ले ची कला आणि इतरही काहीबाही

नाहीतर सगळा पसारा आवरणे हेच मोठे काम असते >>> वस्तु करण्यात मदत नाही पण पसारा बरेचदा मीच आवरते. यावेळी तिलाच आवरायला सांगितला पण आता तिचं क्राफ्टचं कपाट उघडण्याची भिती वाटतेय. बदाबदा गोष्टी कोसळतील त्यातून बहुतेक.

लेकीच्या शाळेत हिंदी विषयांतर्गत एक स्कीट सादर करायचे होते. त्यातल्या प्रॉप्समध्ये काही टी-बॅग्जची गरज होती. साधं सोपं असेल तर ते आयुष्य कसं म्हणता येईल बरं? त्यामुळे हिंदी टीचरनं खर्‍या बॅग्ज न वापरता त्या घरी बनवाव्यात असा सल्ला दिला. कारण खर्‍या बॅग्ज वापरल्या तर वाया जातील. म्हणून मग लेक आणि तिची मदतनीस (म्हणजे मी), थोडे कागद, थोड्या स्टेपरल पीन्स आणि दोघींचे मिळून विमेन-आवर्स = ९० मिनिटे अशी घसघशीत बचत करत आम्ही हा प्रोजेक्ट पार पाडला. अर्थात तक्रार नाहीच. नाहीतर टी-बॅग्ज बनवायचा प्रसंग तर दूर विचारही कधी मनाला शिवला नसता. तर त्याची झलक :

टी-बॅग्ज करता पेपर नॅपकीन्सच्या आतील लायनिंग वापरलं आहे. आणि कव्हर करता तो पेपर नॅपकीन वापरला आहे. एका ब्राऊन कलरच्या जाडसर कागदाचे लहान तुकडे करून ते चहा पावडर म्हणून वापरले. जास्त वेळ लागला असेल तर हे तुकडे करायलाच बाकी काम सोपं होतं.

टी-बॅग्जचे दोरे आणि टॅग्ज बनवले.

ग्लू न वापरता स्टेपलच करायचं असा फतवा लेकीनं काढल्यानं पातळ टिश्यु योग्य आकारात कापून घेतल्यावर त्याला असं स्टेपल केलं.

मग आतला भाग बाहेर काढला (inside out). शेजारी खरी टी-बॅग आकाराकरता ठेवली आहे.

त्यात कागदी चहा भरला.

डिप-डिप चहा तय्यार!

काही अगम्य कारणास्तव कव्हर्सना बाहेरून स्टेपल करण्याचंच लेकीनं ठरवलं होतं. त्यामुळे ते तसं

मिलिंदा, असं जाता येता धागे काढणं बरं न्हवं.

अल्पना, छे गं. अगदीच पुचाट आहे हा प्रोजेक्ट. पण अशा टी-बॅग्ज करण्याचं कधी डोक्यातही येणार नाही म्हणून केल्यावर इथे टाकल्या. तशाही या बघूनही कोण कशाकरता टी-बॅग्ज करतील. फारतर 'एप्रिल-फूल' करायला ही आयडिया वापरता येइल.

सगळं घरी करा म्हणणार्‍यांना उलटं टांगून मिरच्यांची धुरी द्यायला हवी >>> सायो, नशिब की बात ये है की हमरे इस्कूल मे घरवालों को कधीकधीच तकलीप देते है|

धन्यवाद लोक्स.

त्यापेक्षा टीबॅग्ज वापरून उन्हात वाळवून वापरल्या असत्या तुमच्या कलेला तर ? >>> मीही हा शॉर्टकट सुचवला होता पण खर्‍या नाही म्हणजे कोणत्याही स्वरूपात नाही असं लेकीचं म्हणणं पडलं. तसंही एका दिवसात हव्या होत्या.

काल अख्खा दिवस अंतराळवीरा(वीरीणी) चे शीरस्त्राण बनवण्यात काढलाय

>>> मिलिंदा, धागा काढून टाक की त्यात. नाहीतर इथे टाक.

लेकीच्या आजच्या ओरीगामी वर्कशॉपचे फोटो वर टाकले आहेत.

शाळेत लेकीच्या वर्गाला 'सीझन्स ट्री' असा विषय दिला आणि सगळ्यांनी आपापल्या कल्पनेप्रमाणे चित्रं काढली. लेकीनं आधी या विषयावर चित्रं काढलेलं आहे ( हेडरमध्ये आहे) पण त्यापेक्षा अगदी वेगळं चित्रं तिनं शाळेत काढलं. हे तिचं चित्रं शाळेतल्या आर्ट एक्झिबिशनकरता सिलेक्ट झालं.