मी वाचलेले पुस्तक - २

नंदन फुकोचे हे पुस्तक पण बघ वचले नसशील तर, काय आहे हे मला लिहिता येत नाही पण प्रचंड interesting वाटले होते.
The Order of Things: An Archaeology of the Human Sciences

नंदन, मस्त पोस्ट

नंदन, जबरी! यातील 'डबल डाउन' अर्धे वाचले आहे. मधे कंटाळा आल्याने ठेवून दिले. आधीचे २००८ च्या निवडणुकीवरचे ("गेम चेंज". तू बहुधा वाचले असशीलच) खूपच इंटरेस्टिंग होते त्यामुळे यावेळच्या घटना पाहता हे हे पुढे असेल असे वाटले होते. तुज्या माहितीवरून तसे दिसत नाही. तरी पूर्ण करायची इच्छा आहे. "बाइंडर्स फुल ऑफ वीमेन" चा संदर्भ आहे का यात?

कार्निव्होअर्स डायलेमा - वाचले आहे. ते जबरी इंटरेस्टिंग आहे. त्यानंतर पोलॉन ची इतरही काही वाचली होती. ही सगळी पुस्तके एकदा वाचून ठेवून देण्यापेक्षा घरी "रेफरन्स" म्हणून अधूनमधून चाळण्यासाठी (व त्यातील माहितीचा वापर करण्यासाठी) जास्त चांगली आहेत असे मला वाटते.

ते पाईप्/चित्रकला वाले वाचायला हवे. अगम्य चित्रे समजण्याकरिता तरी उपयोग होईल

@फारएण्ड - नाही, 'गेम चेंज' हा पिक्चर पाहिल्याने परत पुस्तक वाचलं नाही. चाळलं होतं, पण ते 'डबल डाऊन'पेक्षा अधिक इंटरेस्टिंग असणार यात शंका वाटत नाही. बाइंडर्स फुल ऑफ वीमेन, गाडीच्या छतावर बांधलेला कुत्रा, 'लेट डेट्रॉईट गो बॅन्करप्ट' असे सगळे ठळक किस्से आलेत यात. बाकी पोलॉनच्या पुस्तकांच्या 'रेफरन्स व्हॅल्यू'बद्दल सहमत.

@वरदा, असामी - फुकोचं वाचलेलं हे पहिलंच पुस्तक. थोडं भीतभीतच हाती घेतलं होतं. आता भीड चेपल्यामुळे त्याची बाकीची पुस्तकंही जमतील तशी वाचण्याचा विचार आहे. 'ऑर्डर ऑफ थिंग्ज्'मधले काही संदर्भ '...नॉट अ पाईप'मध्ये असल्याने ते वाचण्याची विशेष उत्सुकता आहे. (हर ख्वाहिश पे दम निकले! :))

नंदन, 'गेम चेंज' चित्रपटात फक्त ओबामा च्या लढ्याचा उत्तरार्ध आहे - तो व मॅकेन-पेलिन यांची लढत, उमेदवार म्हणून पेलिन ची निवड, ती योग्य उमेदवार नसणे, तिला प्रेस ने टारगेट करणे ई आहे. पुस्तकात ओबामाला तिकीट मिळण्यापर्यंत हिलरी, जॉन एडवर्ड्स बरोबरची लढत वगैरे पण आहे. एकूणच पुस्तकात जास्त मटेरियल आहे, - अध्यक्षीय निवडणुकीबद्दलही. (पिक्चर बघून खरे म्हणजे पेलिन बद्दल थोडी सहानुभूती निर्माण होते, मॅकेन बद्दलही आदर वाटतो त्याच्या चुका धरूनही). आणि डबल डाउन जेवढे बघितले त्यावरून गेम चेंज नक्कीच जास्त इंटरेस्टिंग आहे. कदाचित २००८ ची लढत एकूणच जास्त नाट्यमय होती म्हणूनही असेल.

नंदन- मस्त पोस्ट.

असाम्या- तुझी पोस्ट वाचून, मी 'गेम ऑफ थ्रोन्स' बुक केले ग्रंथालयात. आता पुढले भविष्य लख्ख दिसायला लागले. ते आवडले, तर सगळी वाचनयादी बोंबलणार आणि जाग्रणं. आधीच मर्कट तशातची मद्य प्यायले स्थिती.
ते आवडले नाही तर फारच चांगले होईल. कधी नव्हे ते माझे नीट वाचन चालले होते.
वाचल्यावर सांगेनच पुन्हा.

नंदन _/\_ काय सुंदर लिहितोस! तू लिहिलेली पुस्तकं वाचेन, न वाचेन, माहिती नाही..पण तुझ्या पोस्टस वाचायलाही मला तितक्याच आवडतात लगे रहो..!

पण तुझ्या पोस्टस वाचायलाही मला तितक्याच आवडतात >> सहमत.

त्याने लिहीलेल्या पोस्टी आवडतात तर त्याने लिहीलेली पुस्तकं का नाही वाचणार ललिता? असं नाही करायचं. नंदन, तू लिही आम्ही वाचू.
नंदन, सुंदर पोस्ट.

इथे आलं की "सध्या आपले वाचन किती थांबले आहे" याची वाईट जाणीव होते. गेल्या तीन महिन्यांत अवघी चार ते पाच पुस्तके वाचली असतील. तीही लहानच, हलक्या फुलक्या विषयांवरची.

सीरीयस वाचनासाठी वेळ मिळत नाहीच आहे!!

नंदनच्या पोस्ट्स कायमच सुंदर अस्तात. त्याच्यासारखा व्यासंग करायची माझी फार इच्छा आहे.

त्याच्यासारखा व्यासंग करायची माझी फार इच्छा आहे. >>> नंदिनी, मी पण..

आशू, असं शब्दात नाय पकडायचं, हां...भावनाओंको समझो

नंदन,

तुमचा इथला संदेश वाचल्यावर दिसतं की तुम्ही वाचनक्षेत्रात स्वत:ला पार झोकून दिलं आहे. केवळ व्यासंगच नाही तर त्यासोबत पुस्तकाचा परिचय व सारांश देण्याचीही हातोटीही प्रकर्षाने जाणवते. तुमचे संदेश वाचून मनास एक प्रकारचा संतोष होतो. त्याबद्दल आभार!

आ.न.,
-गा.पै.

तुझ्या पोस्टस वाचायलाही मला तितक्याच आवडतात >> +१.

अमलताश नाही आवडले. फुक् ट प्रसंगांची जंत्री आहे. आहे मनोहर तरी ची उंची गाठत नाही. शिवाय नवरा गेल्यावर कसे रिकामे वाट्ते तो असताना काय सोन्याचे लाइफ होते ही एक जॉनर आहे ती फार बोर आहे ह्या पत्नींना त्यांचे व्यक्तिमत्व नसते का? नीतू मांडके. अजून एक डॉक्टर व हे अशी कायकाय पुस्तके वाचली.

लंपनवर चे प्रेम कायम राहील.

दुनियादारी वाचत आहे. मस्त आहे ७० च्या दशकातील मुलांची मानसिकता समजायला मदत झाली.
आय क्यू एटी फोर मला वेग्ळे वाटले. शेव्टी ती एक लव्ह् स्टोरी आहे. हीरो च्या वडिलांचे एकाकी जीवन.
वाचून कसे तरी होते. आओ मामी हे नाव आवडले. बायकामुलींचे सेफ हाउस असते व एक कुत्रा तिथे राखणीला अस तो ते ही फार आव्डले व खरे वाटले. हा कुत्रा मरतो बायद वे. मॅनेज मेंट ची तीन चार पुस्तके अर्धी अर्धी वाचलेली आहेत वेळच होत नाही. त्याबद्दल इथे लिहीले तर चालते का?

नंदन फार सुंदर पोस्ट.

>>>सौंदर्यशास्त्राच्या जार्गन्सखाली वाचकाला गुदमरवून टाकणं नाही की उगाच भारदस्तपणा आणण्यासाठी फाफटपसारा वा पुनरूक्ती नाही.

फूकोच्या लेखनाचं सार मांडलस. समकालिन कलेला समजून घेताना फूकोचा मदतीचा हात महत्वाचा ठरतो.

अमा- अमलताश आणि आहे मनोहर तरी दोन्हींची तुलना होऊच शकत नाही. मुळात दोन्ही पुस्तकांच्या लेखिकांची प्रवृत्ती आणि उद्देशही पूर्ण भिन्न. मात्र अमलताश सामान्य उतरले हे मान्यच.
मला पुस्तकातले सुप्रिया दीक्षित आणि प्रकाश संतांच्या सहजीवनाचे चित्रण आवडले. ते छान उभे रहाते. सुप्रिया दीक्षितांची शिकण्याची, करिअर करण्याची धडपड मनाला भिडते. बाकी पुस्तक सामान्य आहे. केवळ संतांची पत्नी या कुतूहलातून वाचून पूर्ण केले जाते. अनेक ठिकाणी रटाळ वाटते. मात्र भाषेच्या फ़ुलो-याचा, भावनीक उमाळ्यांचा कोणताही आव आणलेला नाही हे आवडले.

यातलं इंदिरा संत यांचं व्यक्तिचित्रण अनेकांना खटकलं, धक्का बसला. पण मला तरी त्यात काही खटकण्यासारखं वाटलं नाही. एकतर त्या कोणत्याही प्रकारे व्हिलन वगैरे म्हणून उभ्या रहात नाहीत. कवयित्री इंदिरा संत या घरगुती रुपात अशा कशा असू शकतात असा धक्का बसण्याइतकं एकांगी चित्रण नाहीये.पण आपल्याकडे कोणतीही व्यक्ती ग्रे शेड मधे पहाण्याची लोकांना सवय नाही, खपत नाही त्यामुळे्च खरं तर अनेकांना ते खटकतं.
इंदिराबाई त्यांच्या कवितांमधून कधीच स्वतंत्र व्यक्तीवादी, फ़ेमिनिस्ट भूमिका मांडत नाहीत त्यामुळे त्यांच्या कवितेतल्या भूमिकेपेक्षा त्या विरुद्ध वागतात असंही नाही. त्यांची पारंपरिक सासूची भूमिका, मुलाकडे नीट लक्ष दिलं जावं, त्याची हेळसांड होऊ नये, घराकडे दुर्लक्ष करुन, दूर राहून करिअर करण्याचा हट्ट का असा त्यांचा प्रश्न त्या काळातल्या कोणत्याही सासूप्रमाणे किंवा नव-याच्या आईचाच केवळ वाटतो. शिवाय ही शेवटी एक बाजू आहे, दुसरीही असू शकते याचं भान वाचताना आपल्यालाही रहातंच की.
काही घरगुती प्रसंग मात्र उगीच आपली बाजू मांडण्याच्या अट्ठासातून आणले गेले आहेत.
प्रकाश संतांच्या लेखनातला जिव्हाळा, प्रसन्नता, रसिकता या पुस्तकात नाही आणि ती असायचीही अपेक्षा ठेवता कामा नये. ओव्हरऑल पुस्तक सामान्य आत्मकथन किंवा आठवणी पातळीवरच रहाते.

शर्मिला अमलताशबद्दल +1

इंदिरा संत किंवा प्रकाश संत यांच्या पर्सनल लाइफ मध्ये काहीच इंटरेस्ट नाही आणि ह्या बाई क्रिएटिव प्रोसेस बद्दल काहीच लिहीत नाहीत. त्या काय लिही णार त्यामुळे पुस्तक पीळ मारते. इतकी किंवा कितीतरी जास्त काँप्र माइजेस पर्सनल लाइफ मध्ये कितीतरी स्त्रिया करतात. पण पती , सासू लेखक नाहीत म्हणून ते छापून येत नाही.

शर्मिला, पोस्ट आवडली.

Mother Nature Is Trying to Kill You: A Lively Tour Through the Dark Side of the Natural World
by Dan Riskin

काही दिवसांपूर्वी Dallas ला जाताना inclement weather मूळे सॉलीड अडकलो नि कंटाळून तिथे बुक स्टोरमधून केवळ नाव वेगळे वाटतेय म्हणून Mother Nature Is Trying to Kill You उचलले. toungue in cheek शैली मधले Light Scientific Reading.

तुम्हाला बिरबलाची माकडीणीवाली गोष्ट आठवते का ज्यात बिरबल बादशाहाला दाखवण्यासाठी एका माकडीणीला तिच्या पिलाबरोबर वाढत्या पाण्याच्या हौदात ठेवतो ? माकडीण आधी पिलाला बुडण्यापासून वाचवण्यासाठी डोक्यावर धरतो पण जेंव्हा तिच्या नाका तोंडात पाणी जायची वेळ येते तेंव्हा पायाखाली घालते. तात्पर्य स्वतःचा जीव मह्त्वाचा. well, Dan Riskin will respectfully disagree here.

त्याच्या मते प्रत्येक सजीवाचा जगण्याचा एकमेव हेतू म्हणजे स्वतःचा DNA पुढे संक्रमित करणे. मग ते करण्यासाठी जे करण्याची गरज पडेल ते करायला तो मागे पुढे पाहात नाही. अगदी मनुष्य प्राणी ही ह्याला अपवाद नाही. मनुष्याला आपण इतर सजीवांपेक्षा वेगळे आहोत, बुद्धीप्रधान आहोत असे वाटत असते पण तोही ह्या फक्त ह्या basic instinct नेच झपाटलेला असतो नि त्याला आपण विचार करून अमूक गोष्ट करतोय असे वाटत असले तरी त्याची आदीम प्रेरणा एकच असते. मनुष्य हा दुसरे तिसरे काही नसून फक्त meat robot आहे. तर पुस्तकाची ही मूळ संकल्पना.

एकंदर आपला एक गोड गैरसमज असतो कि Mother Nature (मला योग्य शब्द सुचत नाहिये) तिच्या लेकरांची काळजी घेत असते नि निसर्गतः घडणार्‍या घटना ह्या त्या अनुषंगाने होत असतात, येत असतात. रिस्किन नेमका हा समज कसा चूकीचा आहे नि DNA propagation हा एकमेव हेतूच ह्या सगळ्यांमधे कसा समान आहे ते उलगडत जातो. पुस्तकाची रचना Christanity मधल्या 7 cardinal sins वर आधारित आहे - Lust, Gluttony, Greed, Sloth, Wrath, Envy, Pride. ह्या प्रत्येक प्रकारावर एक chapter आहे. प्राणी जगतातील ह्या प्रकारची उदाहरणे घेत तो त्यामागचा कार्यकारण भाव उलगडत पुस्तकाचा मूळ मुद्दा अधोरेखित करत जातो.

गंमतीची गोष्ट म्हणजे ह्या सगळ्या प्रकारात तो त्याच्या मुलाचे उदाहरण देऊन वरकरणी असंबंद्ध वाटणारे सगळे तिकडे सांधत जातो. आपल्या मुलाबद्दल वाटणारे वात्सल्य हा निव्वळ आपल्या DNA replication चा एक भाग आहे. आपली संतती आपल्याला भुरळ घालते कारण ती आपली copy आहे. आणी ह्या भावनेमूळे हि संतती आपल्याला त्यांचे रक्षण करण्यासाठी प्रव्रुत्त करत असते. तेंव्हा आपल्याला आपल्या संततीप्रती वाटणार्‍या वात्सल्याचा उगम DNA propagation एव्हढाच साधा आहे का कि त्यात अजूनही काही वेगळे आहे ह्या moral dilema चा निष्कर्ष काय निघतो हे मूळ पुस्तकातच वाचायला हवे.

ही संकल्पना रिचर्ड डॉकीन्स यांच्या selfish gene आणि इतर पुस्तकांत सुरेख रितीने मांडली आहे.

बरोबर आहे जिज्ञासा, फक्त मला selfish gene थोडेसे अधिक technical वाटले होते (कदाचित माझे ह्या विषयावरचे पहिले पुस्तक असल्यामूळेही असेल). Riskin सुद्धा त्याचा उल्लेख करतोय मधे. Riskin ची seven cardinal sins ची संकल्पना पुस्तक एकदम सरळ सुटसुटीत नि सोपे बनवते. शेवटच्या पॅरामधला भाग जो आहे तो फारच मस्त वाटला, पुस्तक technical writing न राहता एकदम philosophical झाल्यासारखे वाटते

इतर पुस्तके कुठली आठवत असतील तर इथे नावे देशील का ?

मी रिचर्ड डॉकिन्स ची तीन पुस्तकं वाचली आहेत, selfish gene, river out of Eden आणि the blind watchmaker. Selfish gene वाचल्यावर मी Richard Dawkins, पुस्तक आणि संकल्पना तिन्हीच्या प्रेमात पडले! पुढचे काही दिवस साक्षात्कार झाल्यासारखी वागत होते! अर्थात त्याच वेळी मी molecular biology नुकतंच शिकू लागले होते त्यामुळे अजून exciting वाटलं होतं.

तुमचं बरोबर आहे डॉकिन्स खूप किचकट (complicated) लिहितात. Riskin च्या पुस्तकाच्या वर्णनावरून ते ख्रिश्चन धर्मातल्या संकल्पनांचा आधार घेतं (का त्यांच्या पुरस्कार करतं?) असं वाटतं. पण डॉकिन्स मात्र Neo-Darwinism चे पुरस्कर्ते आहेत. आपल्या पुस्तकांतून त्यांनी Natural selection कसे होते हे खूप सुरेख समजावून सांगितले आहे.

मी सध्या रिवर ऑफ एडन वाचतोय. ते सेल्फिश जीन पेक्षा कमी टेक्निकल आहे पण परत परत वाक्ये वाचावी लागता डोक्यात मुरण्यासाठी. डिल्युजन ऑफ गॉड सोप्या (अ-तांत्रिक) भाषेत लिहिलेले होते पण त्या पुस्तकाची भुमिकादेखील वेगळी आहे.
स्टीफन गुल्डने काही सामान्यांसाठी लिहिलेले आहे का?

Riskin च्या पुस्तकाच्या वर्णनावरून ते ख्रिश्चन धर्मातल्या संकल्पनांचा आधार घेतं (का त्यांच्या पुरस्कार करतं?) असं वाटतं. >> नाही अजिबात पुरस्कार वगैरे नाही. फक्त cardinal sins बहुधा सगळ्यांना ऐकून तरी माहित असलेली संकल्पना आहे म्हणून ती वापरली आहे एव्हढेच. To make it more interesting.

river out of Eden आणि the blind watchmaker माझ्या यादीत टाकली.

टण्या तूला God Delusion म्हणायचेय ना ? मला त्यापेक्षा Karen Armstrong चे The great transformation : the beginning of our religious traditions वाचायला जास्त मजा आली होती. म्हणजे दोन्ही पुस्तकांमधे काही फारसे साम्य नाही फक्त एकापाठोपाठ वाचली होती म्हणून लक्षात राहिली होती एव्हढेच.

साध्या सोप्या शब्दांमधे techical विषय वाचायचे असतील तर Charles Seife नि Mary Roach ह्यांना पर्याय नाही. विशेषतः रोच चे कौतुक अशासाठी कि तिच्याकडे science degree नाही पण ती विषय निवडते ते सुद्धा अतिशय आगळे वेगळे असतात, नुसत्या पुस्तकांच्या नावांवर नजर टाका म्हणजे लक्षात येईल
Stiff: The Curious Lives of Human Cadavers
Spook: Science Tackles the Afterlife
Bonk: The Curious Coupling of Science and Sex
Packing for Mars: The Curious Science of Life in the Void
Gulp: Adventures on the Alimentary Canal
My Planet: Finding Humor in the Oddest Places

मला एक मदत हवी आहे. हसरी किडनी नामक मराठीत पुस्तक आहे. तसेच एखादे पुस्तक इंग्रजीत असेल तर त्याचे नाव कुणी मला सांगू शकेल का?

मी वाचलेली पुस्तके ....
The old man and the sea... Ernest Hemingway
Harry potter.. Sorcerers Stone
Harry Potter .. Chamber of Secrets
Harry Potter .. Prisoner of Azkaban
Harry potter..Goblet Of Fire
Harry potter..Order Of Phoenix
Harry potter..Half Blood Prince
Harry potter..Deathly Hallows
Da Vinchi Code
Lord Of The Ring...The Hobbit
Famous Five Series (2Books)
Metamorphosis
Peter Pan
Alice In Wonderland
Who Moved My Cheese
The Kite Runner
Rich Daddy Poor Daddy
Theory Of Relativity
नटसम्राट
Men Are From Mars, Women Are From Venus
समुद्री सैतान
असामी असामी
व्यक्ती आणि वल्ली
The Brief History Of Time
Don Gabor - Talking with Confidence for the Painfully Shy
शाळा
मृत्युंजय
Of mice and men
The Great Gatsby
The Hitchhikers Guide to the Galaxy
Are you there God? Its me Margret
Charlie and the Chocolate Factory
The fault in our stars
Animal Farm
1984
Lord of the Flies
+2 Marathi Books, Don't remember names, +1 Harry Potter 7 book with leaked script

मला केकेयी वरिल एखाद पुस्तक हव आहे , कुणी सुचवु शकेल का?

वि. वा. शिरवाडकरांचे कैकयी नावाचेच एक लहानगे पुस्तक आहे ६० पानांचे. कुठे मिळते का पहा.