ग्रँड कॅन्यॉन - ब्राईस कॅन्यॉन - झायॉन नॅशनल पार्क्स

नमस्कार!

खूप दिवसांनी (खरंतर महिन्यांनी) मायबोली वर लिहीत आहे, त्यामुळे बिचकायला होतंय, सांभाळून घ्या प्लीज!

काही दिवसांपूर्वी थँक्सगिव्हींग च्या सुट्ट्या होत्या, तेव्हा अमेरिकेतल्या साऊथवेस्ट भागातली तीन नॅशनल पार्क्स बघण्याचं ठरवलं आणि प्रवास लास वेगास पासून चालू केला. पहिला टप्पा म्हणजे ग्रँड कॅन्यॉन ! ह्याबद्दल खूप गोष्टी ऐकल्या होत्या आणि अपेक्षेप्रमाणेच कॅन्यॉन अतिप्रचंड होती.

प्र.चि. १ - ग्रँड कॅन्यॉन - साऊथ रिम

सूर्योदय पहायला गेलो तर पहाटे असले ३ एल्क लॉजच्या मागे निवांत चरत उभे होते!

प्र.चि. २ - ग्रँड कॅन्यॉन - एल्क

ग्रँड कॅन्यॉन हे खूप प्रसिद्ध ठिकाण आहे त्यामुळे ह्याचे फोटो मायबोली वर आधीच येऊन गेले असतीलही. तरीही हा अजून एका ठिकाणचा, जिथे ग्रँड कॅन्यॉन संपून अ‍ॅरिझोनाचं वाळवंट चालू होतं. ह्याला 'डेझर्ट व्यू' असं नाव आहे.

प्र.चि. ३ - ग्रँड कॅन्यॉन - डेझर्ट व्यू

'डेझर्ट व्यू'ला एक मनोरा बांधला आहे आणि आतमध्ये भिंतीवर पूर्वीच्या आदिवासी स्टाईलमध्ये भित्तीचित्रं वगैरे चितारली आहेत. शिवाय काही जुन्या (जुनाट आणि भंगार दिसणार्‍या) खूर्च्या अगदी जपून ठेवल्या आहेत.

प्र.चि. ४ - ग्रँड कॅन्यॉन - डेझर्ट व्यू टॉवर

ह्यानंतर वाटेत जाताना भुकेपोटी चुकून ट्युबा सिटी ला गेलो. हे गाव 'नावाहो नेशन' (Navajo Nation) मध्ये येतं. अजूनही ह्या नावाहो नेशन मध्ये प्रामुख्यानं 'नेटीव्ह अमेरिकन' जमातींमधले लोक राहतात. त्यामुळे तिथे अमेरिकेत इतरत्र असणारी सुबत्ता अचानक कुठे गायब झाली असं वाटून गेलं.

पुन्हा प्रवास चालू.

प्र.चि. ५ - अ‍ॅरिझोना मधून युटा मध्ये जाताना

पुढे 'ब्राईस कॅन्यॉन नॅशनल पार्क' ला पोहोचलो, तर हे 'हूडू' ('Hoo-doo's) आमची कधीपासून वाट बघत उभे होते (कित्येक मिलियन वर्षं!). ब्राईस नावाच्या माणसानं हे पाहिलं आणि तो म्हटला , 'One hell of a place to lose a cow!'

प्र.चि. ६ - ब्राईस कॅन्यॉन - 'हूडू'ज - (amphitheater rocks)

हूडूजच्या मधे जाण्यासाठी डोंगरातून एक मजेदार पायवाट केली होती!

प्र.चि. ७ - ब्राईस कॅन्यॉन - 'हूडू'ज - (amphitheater rocks)

मागे दिसत होता दक्षिण- युटा (Southern Utah) चा विस्तीर्ण डोंगराळ प्रदेश!

प्र.चि. ८ - दक्षिण- युटा (Southern Utah)

त्या रात्री तिथेच राहिलो आणि सकाळी पुन्हा बाहेर पडलो.

प्र.चि. ९ - ब्राईस कॅन्यॉन - नॅचरल ब्रिज

जाताना पुन्हा एकदा पाहिल्याशिवाय राहवेना!

प्र.चि. १० - ब्राईस कॅन्यॉन - 'हूडू'ज - (amphitheater rocks)

त्याच दुपारी झायॉन नॅशनल पार्क ला गेलो आणि काही समजायच्या आत डोळे विस्फारून पाहू लागलो!

प्र.चि. ११ - झायॉन नॅ.पा.

प्र.चि. १२ - झायॉन नॅ.पा.

प्र.चि. १३ - झायॉन नॅ.पा.

प्र.चि. १३ - झायॉन नॅ.पा.

नंतर परतीच्या वाटेवर....

प्र.चि. १४ - परतीच्या वाटेवर - नेवाडा

एक गमतीशीर पाटी!! - तुका खान किंवा तू-का खान?

प्र.चि. १५ - लास वेगास च्या रस्त्यावर गमतीशीर पाटी!

तुम्हाला सगळी प्रकाशचित्रं कशी वाटली ते सांगायला विसरू नका!!!
धन्यवाद!