निसर्गाच्या गप्पा (भाग १०)

दिनेशदा, खारूताईची युक्ती खासच. खरच निसर्गात प्रत्येकाकडे आपापली शस्त्रे असतात.
गौरी, निळवंती सुंदर. त्यावरील पिटुकले केशरी डॉट एकदम आकर्षक.

शशांक, तुम्ही नेहमी कविता लिहित असता. मायबोलीवरच्या कविता विभागात मी क्वचितच पाऊल टाकत असल्याने प्रतिसाद द्यायची वेळ आली नाही कधी, पण तुमच्या कविता दिसत राहतात... कसे जमवता इतके मस्त लिहिणे????

२५ ऑगस्ट २०१२, "सिटी वॉक", संजय गांधी नॅशनल पार्क.

मुरुड शेंग.

फुले फुलताना प्रथम निळा रंग असतो. नंतर केशरी रंग होतो. औषधी वनस्पती मुरुड शेंग.

मधुमकरंद, मस्तच आहे मुरुडशेंगेचा फोटो!
पुरंदरावर पश्चिम घाटातल्या काही दुर्मीळ वनस्पती सापडतात म्हणून ऐकलं होतं. त्यामुळे मी शोधातच होते. तेंव्हा ही निळवंती दिसली.
हिची एक बहीण कासला भेटली होती - जांभळ्या रंगाची नभाळी,

आणि अजून एक धाकटी बहीण गोव्याला दिसली.

मधू, या फुलांचा फोटो जरासा प्रोफाईलमधे घेतला तर मांन उंचावलेले केशरी हंस दिसतात ते.
या मुरुडशेंगेचे रुपही अनोखे असते. पीळ दिलेल्या सुतळीसारखी दिसते ती. बाळाच्या पोटात मुरडा होतो त्यावर
औषध आहे ते. बाळाच्या घुटीत असते.

गौरी, याचे आणखी प्रकार मी गोव्यात बघितले आहे. गोव्यात लोक जातात ते उन्हाळ्यात आणि डिसेंबरमधे. पण पावसाळ्यात गोवा अनोखाच असतो. अगदी रस्त्याच्या कडेला हे वैभव दिसू शकते.

दिनेशदा, हे गोव्यात पावसाळ्यात रस्त्याच्या कडेलाच दिसलं. तिथे अजूनही काही सुंदर रानफुलं दिसली.

गौरी..कसली सुंदर ,नाजुक फुलं आहेत ही!!
छान फोटो..
मुरुड शेंग?? याचा अ‍ॅक्चुअल उपयोग घुटीत करतात?दिनेश दा..फारच छान माहिती!!

दिनेशदा, या सुमाराला कळलावी पण दिसली पाहिजे ना? मी शोधत होते, पण कुठे बघायला नाही मिळाली गोव्यात.

मधू, या फुलांचा फोटो जरासा प्रोफाईलमधे घेतला तर मांन उंचावलेले केशरी हंस दिसतात ते.
या मुरुडशेंगेचे रुपही अनोखे असते. पीळ दिलेल्या सुतळीसारखी दिसते ती. >>> दिनेशदांना जे दिसणार ते माझ्यासारख्या अरसिक माणसाला काय दिसणार ????

पण आंतरजालावरचे काही फोटो पाहिल्यावर लक्षात आले दिनेशदांनी किती पर्फेक्ट वर्णन केलंय ते...

Helicteres isora - मुरुड शेंग

कसलं आर्टिस्टिक झाड आहे हे मुरुडशेंगेचं ... काही जांभळे तर काही केशरी हंस, आणि पिळदार शेंगा!

मी गोव्याला होतो त्यावेळी मनमुराद भटकायचो. बरेचसे मायबोलीकर, आणि खास करुन गिरीराज असायचा माझ्यासोबत. माझे तिथले मित्र पण असायचे.
सहसा पर्यटक जात नाहीत, अशा जागा शोधायचो आम्ही.

आता त्या खास जागा, परत मायबोलीकरांसोबत बघायच्या आहेत.

दिनेशदा, शशांक : खुपच छान. तुमचे सगळ्यांचे फोटो पाहिले कि फोटोग्रफी शिकावीशी वाटते.

आता त्या खास जागा, परत मायबोलीकरांसोबत बघायच्या आहेत.

मला पण घ्या तुमचा गृपमध्ये. त्या बदल्यात फिरायला गाडीची आणि संध्याकाळी राहण्याची व्यवस्था मी करेन

आता त्या खास जागा, परत मायबोलीकरांसोबत बघायच्या आहेत.
दिनेशदा,
असा हा योग लवकर जुळुन येऊ दे त्यासोबतच निसर्गाबद्दलचे (अगाध) आणखी ज्ञान,त्याबद्दलचे रोमांचक अनुभव याची आणखी माहिती मिळु दे, अशी गणेशाचरणी प्रार्थना करतो
तर आम्ही देखील एखादी व्यवस्था नक्की करु ..

मला पण घ्या तुमचा गृपमध्ये. >>>>>>>>>>>मलाबी येऊंद्या की रं.

मलाबी येऊंद्या की रं. >> +१

दंतपुराण पुढे चालू....
दातांमधे कॅल्शिअम प्रचंड प्रमाणात असते जसे हाडांमधे असते तसे. सहाजिकच गर्भावस्थेपासूनच हे कॅल्शियम बाळ आईकडून घेत असते. त्याकाळात आईने जर कॅल्शियमयुक्त आहार घेतला नाही तर ते कॅल्शियम आईच्या हाडाकडूनही ओढले जाते. यामुळेच भारतीय स्त्रिया (विशेषतः कुपोषित किंवा अयोग्य आहार घेणार्‍या) या कॅल्शियमअभावी वेगवेगळ्या दु:खांना (अंगदुखी, कंबरदुखी) सामोर्‍या जातात.
जन्मापासून ते साधारणतः १५-१६ वर्षांपर्यंत आपल्या दातांच्या सुयोग्य वाढीसाठी कॅल्शियमचा पुरवठा आपल्या आहारातून होणे अत्यावश्यक असते. हा पुरवठा न झाल्याच दात कमकुवत होतात. (इतरही काही कारणाने कॅल्शियमचा तुटवडा पडतो). दातांचा नैसर्गिक पांढरा रंग व टणकपणा हे दंतवैद्याकडून तपासून घेणे आवश्यक आहे. जर काही कारणाने हे कॅल्शियम दातांमधे पुरेसे नसल्यास सध्याच्या तंत्रज्ञानाने दातांवर (संपूर्ण वाढ झालेल्या) वरुनही हे कॅल्शियम लावून ती कॅल्शियमची कमतरता भरुन काढण्यात येते. (फार खर्चिकही नसते ही ट्रीटमेंट). दातांची नियमित काळजी घेतल्यास अचानक उद्भवणार्‍या दंतदुखीपासून आपण नक्कीच दूर राहू शकतो. इति ||

कधी कधी असे वाटते की मी हे लिहून बोअर तर करत नाही ना ??? इथे नाही तर माझ्या वि पू त लिहून कळवलेत तरी चालेल (कोणी बोअर झाले असल्यास.....).. राग येणार नाही.

मलाबी येऊंद्या की रं. >> +१
मस्त चालली आहे दंतकथा

शशांक, हे सर्व लहान मूलांना समजावलेच पाहिजे. मी लाहनपणी आळस करायचो दात घासायला, त्यामूळे मला रुट कॅनॉल वगैरे करावे लागले. माझी आजी घरीच मंजन करत असे. बाकी माहित नाही पण त्यात बाभळीचा आणि बदामाच्या सालीचा वापर असे. कापूरही असे. घरात सगळे तेच वापरत. आजी आजोबांचे दात, ९४ / ९५ वर्षांचे होईपर्यंत मजबूत होते.

परवा फेसबुक वर वाचले, केळ्याच्या सालीच्या आतील बाजूने दात घासल्यासही चांगली चमक येते. प्रयोग करायचाय अजून.

इथे आफ्रिकेत मात्र सर्वांचेच दात शुभ्र आणि मजबूत असतात. एकतर तंबाखूचे व्यसन नसते आणि गोडधोड खायची
आवडही नसते. इथे कुणालाही बॉटल ओपनर वापरावा लागत नाही.

शशांक ,अरे इतकी छान माहिती तू सांगत असतोस, तशीच नेहमी सांगत जा..
गप्पा मारता मारता ज्ञान प्राप्ती झाली तर कुणाला कंटाळा येईल का??
दिनेश दा..मला अशी शंका येतेय कि एकदिवस तुमच्याकडून आजी च्या मंजनाची रेसिपी येणार नक्की!!
खरंय, निसर्गाने आपल्याला आरोग्याचे रक्षण करण्यास कितीतरी नॅचरल वस्तू दिल्यात..
एम पी मधे मॉर्निंग वॉक करताना लोकं ,कडुलिंबाच्या काड्या ,टूथब्रश म्हणून वापरताना दिसायचे. त्या बाजूला पंजाबी लोकं अक्रोडाच्या झाडाचे साल वापरत. त्यामुळे दात पांढरे स्वच्छ होत पण ओठ, हळदी रंगात रंगून जात. मजा म्हंजे रस्त्यावर किडुकमिडुक थोडीशी भाजी विकणार्‍या टेंपररी भाजीवाल्यांकडे समोर टाकलेल्या पोत्यांवर,भाज्यांबरोबर या वस्तूही विकायला मांडलेल्या असत. याशिवाय किराण्या मालाच्या दुकानात ही सर्रास मिळत.
'इथे कुणालाही बॉटल ओपनर वापरावा लागत नाही'.. वॉव्..अमेझिंग!!! कसले खणखणीत दात असतील त्यांचे..
हे लोकं कच्चा भाजीपाला ही खातात का खूप??

गप्पा मारता मारता ज्ञान प्राप्ती झाली तर कुणाला कंटाळा येईल का??>>>>>>>> +१००००००००००००

देत रहा अशीच रंजक आणि बहुमोल माहिती..

शशांक , दिनेशदा मस्तच, फारच छान माहिती,

लहाण पणी खेळ्ता खेळ्ता पड्ल्यावर आजोबा दगडी पाला अथवा कुरकुडीचा पाला लावायला सागायचे, याची माहिती मिळेल का ?

आता त्या खास जागा, परत मायबोलीकरांसोबत बघायच्या आहेत.<< दिनेशजी मी पण येणार

मला पण घ्या तुमचा गृपमध्ये. त्या बदल्यात फिरायला गाडीची आणि संध्याकाळी राहण्याची व्यवस्था मी करेन>>>>आणि मी छान छान फोटो काढण्याचा प्रयत्न करेन. मला पण तुमच्यात सामील करा.

इथे आफ्रिकेत मात्र सर्वांचेच दात शुभ्र आणि मजबूत असतात. एकतर तंबाखूचे व्यसन नसते आणि गोडधोड खायची
आवडही नसते. इथे कुणालाही बॉटल ओपनर वापरावा लागत नाही. >>>> ही वाक्ये संपूर्ण भारतातील सर्व प्रांतात त्या त्या भाषेत मोठमोठ्या बॅनर्सद्वारा झळकवली पाहिजेत..... १०-२०% फरक पडला तंबाखूचे व्यसन सोडण्यात तरी खूप मिळवले म्हणेन मी......
माझा एक कलिग - साखळी धूम्रपान करणारा (चेन स्मोकर)... त्याला मी म्हणालो (२० एक वर्षापूर्वी) की - एक दिवसभर सिगरेट ओढली नाही असे फक्त मला सांग तू - मी त्या दिवसाचे १० रु लगेच काढून देईन - विचारणारही नाही प्रूफ काय, वगैरे.... आणि असे कितीही दिवस - तू नको म्हणेपर्यंत मी द्यायला तयार आहे. दोन मिनीटे विचार करुन म्हणाला - नको मला तुमचे पैसे, आता सिगरेटनेच मला पकडले आहे.... कफिनवर एक ५५५ चे पाकिट टाका माझ्या न विसरता...
कंपनीतले तर ९०-९५% वर्कर्स तंबाखू खाणारे आहेत..... (सगळे पुण्यासारख्या शहरातले असून ही स्थिती तर खेड्यात तर विचारायलाच नको...)
एकंदरीत धन्य आहे भारतीयांची या तंबाखूबाबत......

शशांक माहिती द्यायची तर द्या नेहेमी नेहेमी काय हे कोणी कंटाळत नाही ना असे विचारणे
परत असे विचारले तर तुम्हाला नि ग वरुन वाळीत टाकायचा विचार होईल.
.
.
.
.
.
.
.
.

अर्थात असे काही होणार नाही हे तुम्हालाही माहित आहेच म्हणा

पण खरच असे ज्ञान वाढत असताना तुमचा तो प्रश्ण दाताखाली खडा आल्यासारखा लागतो
मग डेंटीस्ट नक्की काय करतील आता दाताला हे वाचायला परत तुमची पोस्ट वाचावी लागते

दंतपुराण अत्यावश्यक आहे

दात खराब असल्यास त्याचा परिणाम आपल्या आरोग्यावर होतो. दात दुखायला लागले की काय होते ते सगळ्यांना माहितच आहे. म्हणजे दात खराब असतील तर त्याचा आपल्याला डबल ट्रबल होतो.

माझे दात जाहिरातीत दाखवतात तसे शुभ्र आणि मस्त अरेंज केलेले आहेत. मला खुप लोकांनी 'तु खोटे दात बसवुन घेतलेयस का?' म्हणुन विचारले आहे. अर्थात दाढा खराब आहेत ही गोष्ट वेगळी. माझ्या दातांची तारिफ करणा-या एका मित्राला जेव्हा मी ही वस्तुस्थिती लक्षात आणुन दिली तेव्हा तो म्हणाला की 'म्हणजे तुझी शोरुम छान आहे पण गोडाऊन घाण आहे

माझ्या लेकीचे दात मात्र पिवळे आहेत आणि खालच्या जबड्यातल्या दातांवर खुप प्लाक जमा होतो. एकदा दात साफ करुन घेतले पण परत तेच. तिच्या मते ती दात व्यवस्थित घासते पण प्लाक जमा व्हायचे काही थांबत नाही. आता सुट्टीत परत एकदा दात साफ करुन घेणार आहे. पण यावर कायमस्वरुपी काय उपाय आहे का?

पण खरच असे ज्ञान वाढत असताना तुमचा तो प्रश्ण दाताखाली खडा आल्यासारखा लागतो >>> व्हेरी व्हेरी सॉरी....

... कधीकाळी प्राध्यापकी केली होती मी ....त्याची आठवण येऊन तसेच इथेही लोकांना बोअर तर करत नाही ना असे वाटत रहाते झालं...

पण यावर कायमस्वरुपी काय उपाय आहे का? >>> डेंटिस्ट काय म्हणतो ?

माझ्या लेकीच्या दातात कॅल्शिअम कमी असल्याने सध्या तिच्या दातांवर "वरुन कॅल्शिअम लावणे" प्रकार चालू करणार आहेत - डेंटिस्टच्या म्हणण्यानुसार दातातील कॅल्शिअमचे प्रमाण असे वाढवता येते.

असाच काही उपाय (कायमस्वरुपी) आहे का हे त्या डेंटिस्टला किंवा अजून एखाद्या दुसर्‍या डेंटिस्टला विचारणे......

सुप्रभात लोक हो!
बरंच काही घडून गेलेलं दिसतंय! वाचतीये! . मस्त चाललंय सर्वांचं,माहिती फोटो, कविता!