निसर्गाच्या गप्पा (भाग १०)

शुभांगी, अगदी हेल्दी वेल आणि कलिंगडही !

साधना, वाढदिवसाच्या उशिराने शुभेच्छा!

शुभांगी - किती मोठे आहे हे कलिंगड ? मागे एकदा आमच्याकडील कुंडीतही असेच आले होते पण फार मोठे झाले नाही, साधारणतः टेनिस बॉलएवढेच झाले व पुढे वाढले नाही......

शेळी - तुम्ही कुठल्या भोपळ्याचा वेल लावणार आहात ? - दुधी का लाल. लाल भोपळ्याला फळ धरायला खास जमीन व हवामान लागते असं माझा शेतकरी मित्र म्हणत होता. दुधीचे फार नखरे नसतात, कुठेही फलधारणा सहज होते.

शशांक, कलिंगड टेनिसबॉलपेक्षा मोठे आहे साधारणतः २५० ग्रॅम. पण ते खुपच कडक आहे
अजुनतरी काही खराब होण्यासारखी चिन्हे दिसत नाहियेत. काही करावे का त्यासाठी?
अजुन एक गेल्या दोन एक दिवसात बरीचशी फुले गळुन पडलियेत. काही काही ठिकाणी तर बोटाच्या पेराएवढी फळे येवुन ती ही गळुन पडताहेत
असो.
वर्षुदी, पावसाळा आहे ग नावाला इथे पन दिवसभर दमट हवा असते ना उन ना पाऊस. कधीतरी एखादी सर येवुन जाते जमीन ओली करायला.

अजुन एक गेल्या दोन एक दिवसात बरीचशी फुले गळुन पडलियेत. काही काही ठिकाणी तर बोटाच्या पेराएवढी फळे येवुन ती ही गळुन पडताहेत >>> हे पण सेम, ब-याच फळांमधून एकच फळ टिकले व ते फार मोठे झाले नाही.....
खूपच कडक आहे >>>>- म्हणजे अजून कच्चेच असणार, जरा (किती दिवस हे सांगणे अवघड आहे) वाट पहाणे, फार पाणी न देणे (असा पाण्याचा ताण दिला की फळ छान गोड होते), फळाखाली छोटासा प्लॅस्टिकचा तुकडा ठेवा - ते फळ खराब होऊ नये म्हणून. पण बरेच दिवस घेते ते पिकायला व खराबही होत नाही लगेच. जवळपासच्या फळवाल्याकडे चौकशी करा - ते पिकले हे कसे ओळखायचे ते.

शशांक,
दुधी हि मानवाने खायला / वाढवायला सुरवात केलेली पहिली भाजी आहे. म्हणून इतकी गुणी, बरं.
लाल भोपळ्याला, फळ नाही धरले, तरी भाजीसाठी पाला भरपूर मिळतो.

शुभांगी, वेल छोटा असल्याने एक फळ वाढतेय. जास्त फळे वेलाला झेपणार नाहीत. तशीही शेतीतजोएका वेलावर मर्यादीतच फळे ठेवतात. आता पावसात फळाखाली चिखल होणार नाही हे बघायला पाहिजे.

वॉव्...शुभे! लकीयेस गं! मस्त आलय कलिंगड!

नमस्कार निगकर्स!

माझ्याकडे मागच्या आठवड्यात या झाडाने (हो झाडानेच) हजेरी लावली. थोड्या अडगळीच्या ठिकाणी ठेवलेल्या कोरफडीच्या कुंडीत हे नविनच झाड दिसलं. कृपया याचं नाव, गाव सांगायला मला मदत करा.

आणि ही त्याची पानं.

नागफणी म्हणतात याला.
अळूच्या कुळातली वनस्पती आहे. रंग अजून पांढरा होईल.

आर्या - हे प्र चि फ्लिकर्.कॉम आहे का ? इथे मला दिसत नाहीये - ऑफिसमधे यावर बंदी आहे.....

बाप्रे..खरंच एखाद्या हिरव्या रंगाच्या नागाने फणा काढलायसा दिसतंय हे फूल..

शुकु..,' बाळा'ला जप नीट..

हो शशांकजी! साईझ मोठी असल्याने मी त्यावरुन टाकलेत.

धन्स दिनेशदा..

आम्ही नागफणी याला म्हणतो.

दिनेशदा, प्लॅस्टिक घातले आहे आता खाली.

लेकीची रोज सुपरविजन चालू असते किती वाढलेय? कधी लाल होणार?

ह्म्म्म वर्षुदी सद्ध्या तेच प्रयत्न चाललेत.
नयना मस्तच ग

शुकु..,' बाळा'ला जप नीट.. >>>> हे बाळ निसर्गतःच चांगलं टणटणीत असतं, बाळसेदारही. काही किड वगैरे लागत नाही, फक्त दिनेशदा म्हणतात तसे चिखलापासून जपणे, बस्स...

ही नागफणीच आहे .....

ओह पण आर्या - तुमच्याकडील वनस्पती अशी नाहीये का ?

या नागफणीला काही आयुष्य नसतं का? एक फुल आल्यावर गेली बिचारी.

शशांकजी...थांबा पुन्हा टाकते साईज छोटी करुन.

काल लेकिच्या शाळेत काढलेल्या काही प्रचि

आवळ्याने लगडलेले झाड

हे कळले नाही मला कसले झाड आहे

Arisaema tortuosum या नावाची वनस्पती आहे ही बहुतेक - आर्या..

ओह..बघते शशांकजी. पण त्याला काही आहे का प्रपोगेशनसाठी?

वॉव्...आवळे कसले लगडलेत!!

शुहे...अगं या सुपार्‍या ना?:अओ:

मदत.....
मी कुर्ग हुन आणलेला तोंडलीचा वेल व्यवस्थीत वाढला आहे..पण चक्क वरच्या व्हरांड्यात(पॅरापेटवर) गेलाय. वर गच्ची आहे. फुलं फळं आली का बघायला गच्चीत जावं लागेल्...आता काढणंही शक्य नाही...काय करु?

अग ते मी चाखुन बघितले निंबोळीसारखे थोडे तुरट गोड लागत होते.
सुपार्‍या आहेत का? मला फक्त नारळ ओळखु येतात.

शुभांगी, हे Chrysalidocarpus lutescens आहे - कुंडीत लावायचे जे शोभेचे पाम असते ते. फळे सुपारीसारखी असल्याने एरीका पाम असेही म्हणतात याला.

शुभांगी मस्तच आहे कलिंगड.
माझ्याकडचा "तो" भोपळू नसून खरबूज आहे. साधना ........तू अगदी कर्रेक्ट सांगितलं होतंस. आणि खरच अगदी मोसंबी एवढं होऊन ते कुंडीतच गळून पडलं. काय सुगंध येत होता त्याला.
आणि चवही मस्तच! पण फार गर निघाला नाही.

ओह..बघते शशांकजी. पण त्याला काही आहे का प्रपोगेशनसाठी? >>> या वनस्पतीचे (व्हिपकॉर्ड लिली) कंद असावेत बहुतेक. कमी जास्त पाणी घालून ट्राय करा - येईल परत कोंब त्याला..

शुभांगी कुलकर्णी - एक मित्रत्वाचा सल्ला - असे कुठलेही माहित नसलेले फळ खाऊन वगैरे पाहू नका - अनेक अनोळखी वनस्पती प्रचंड विषारीही असू शकतात (टचवूड, कोणाला काही अपघात न होवो...)

अकस्मात सगळे कुठे गायबले ????

<<या वनस्पतीचे (व्हिपकॉर्ड लिली) कंद असावेत बहुतेक. कमी जास्त पाणी घालून ट्राय करा - येईल परत कोंब त्याला<<
मी तर असं काही लावलं नव्हतं. अचानक आलं ते झाड. वार्‍यामार्फत बीजप्रसारण होत असावं का?

आर्या - त्याचे कंद असतात - जमिनीत ते बराच काळ निद्रिस्त रहातात व योग्य वातावरण निर्माण झाले (योग्य तेवढी आर्द्रता, रुजण्या एवढे पाणी) की त्याला कोंब फुटतात.
वार्‍यामार्फत बीजप्रसारण होत असावं का? >>> मला शंका आहे असं काही होत असावं म्हणून. दिनेशदा जास्त सांगू शकतील......

हम्म...मी त्याचा ऑकरन्स चेक केला. जनरली हिमालयन रेंजेस मधे आढळतं म्हणे हे झाड. अर्थात नर्सरीज मधे वै. असेल पण आमच्या घराच्या आसपास कुठेही कुणाकडेही हे झाड नसणार याची मला खात्री आहे.