जिन्नस घरात असले तर झटपट होणारे लाडू आहेत.बिघडण्याची रिस्क तर अजिबात नाही. आज जास्त प्रमाणात केले आहेत्.ते प्रमाण दिले आहे.प्रमाण कमी घेतले तर वेळ कमी लागेल.इथे मिश्रण थंड होण्याचाही वेळ मोजला आहे.एका वाटी खोबरा बूरा घेवुन केले तर १५ मिनिटात लाडू तयार होतात.
लागणारे जिन्नसः-
६वाट्या खोबरा बूरा.किंवा डेसिकेटेड कोकोनट.
४ वाट्या एव्हरीडे मिल्क पावडर.
१ १/२ वाटी पिठी साखर.
२ वाट्या हापुस आंब्याचा रस.
मिक्सर मधुन आमरस फिरवुन घ्यावा.त्यातील गुठळ्या मोडल्या पाहिजेत.
एका मोठ्या मावे.च्या बाऊल मध्ये खोबरा बूरा+मिल्क पावडर+पिठीसाखर हाताने मिक्स करुन घ्या.आता त्यात आमरस थोडा-थोडा टाकत मिश्रण छान कालवुन घ्या.सगळे मिश्रण एकजीव झाले पाहिजे.
आता मावे.मधे हाय-पॉवर वर २-२-२ मिनिटे असे ३ वेळा ठेवले.प्रत्येक वेळी मिश्रण चमच्याने छान ढवळुन घेतले.मिश्रणाचे लहान गोल गोळी वळुन पाहिली तर ती थोडी बसत होती , मिश्रण थोडेसे ओलसर वाटले म्हणुन शेवटी अजुन एकदा २ मिनिटे ठेवले.आता बाऊल मावे च्या बाहेर काढुन ठेवला.
मिश्रण थोडेसे थंड झाल्यावर तिळाच्या लाडूच्या आकारचे लाडू वळायला सुरवात केली.एका ताटात लाडू वळुन ठेवले.
पुर्ण गार झाल्यावर आस्वाद घेण्यासाठी एका बाऊल मधे भरुन ठेवले.
२] वरील मोजमापाप्रमाणे आपल्याला पाहिजे असेल तितक्या प्रमाणात डेसिकेटेड खोबरे,मिल्कपावडर्,पिठीसाखर व अगदी थोडेसे दुध किंवा साय घेतली तरी चालेल.[मिश्रण ओलसर होईल इतकेच]हे सगळे एकत्र करुन मावेत शिजवुन घ्या.या मिश्रणाचे दोन भाग करा. एका भागात कोको पावडर मिसळुन ३० सेकंद मावेत ठेवा.मिश्रण थंड झाले कि अगदी लहान मुदाळ्यात किंवा वाटीत दोन्ही मिश्रण अर्धे -अर्धे भरुन त्याच्या वड्या करा.
कोको पावडर मिश्रणाला चॉकलेटी रंग येईल इतकीच घालावी.जास्त घातल्यास कोको चा कडु पणा जाणवेल.त्यासाठी टी स्पून वापरावा व तयार मिश्रणाची चव पहावी.
चॉकोलेट चवीच्या वड्या चवीला खूप छान लागतात..
१] आंब्याचा नैसर्गिक रंग आणि स्वाद आहे.कोणतेही एसेन्स व तूप अजिबात वापरले नाही.
२]हापुस ऐवजी इतर कोणताही आंबा वापरता येतो.
३]केशरी रंगाचा रस असला तर तयार लाडू ला तळलेल्या गुलाबजाम सारखा सुरेख रंग येतो.
४]आमरसाच्या गोडीवर पिठी साखरेचे प्रमाण कमी-जास्त करता येते.
५]पिठीसाखर घालताना एव्हरीडे मिल्क पावडर गोड आहे हे लक्षात असु द्यावे.
त्यामुळे सगळे मिश्रण कालवुन चव पहावी.
६]आंब्याप्रमाणे काप्या फणस,अननस.स्ट्राबेरी चा पल्प,ड्रिंकींग-चॉकोलेट घालुन हे लाडू करता येतील.
७]लाडू च्या आत गुलकंद्,काजु-बदाम तुकडा,चॉकोलेट मिश्रण थोडेसे वेगळे शिजवुन त्याची लहान गोळी आत भरुन दोन रंगातले लाडू करता येतील.
८]कोणतेही फळ न घालता फक्त खोबरा बूरा,व मिल्क पावडर,पिठी साखर व हे मिश्रण भिजेल इतपत दुध घालुन तर मावामिश्रीचे अप्रतिम सुंदर पांढरे लाडू तयार होतात.त्यामुळे ऐन वेळी प्रसंग उत्तम साजरा करता येतो.
९] चुकुन कधी मिश्रण सैल रहिले तर-- तर लाडू वळुन एका लहान प्लेट मधे खोबरा बूरा घेवुन त्यात घोळवावे.
हे मी करून बघितले .. दिलेल्या
हे मी करून बघितले .. दिलेल्या प्रमाणात इकडची (अमेरिकेतली) साखर आणि देसाईंचा आमरस वापरला .. थोडे अगोड झाले .. तसंच २ मिनीटे असं चार वेळा ठेवल्याने जरा कोरडे झाले असं वाटलं .. एकूण खोबरा बुरा ( किंवा डेसिकेटेड कोकोनट) पेक्षा ओलं खोबरं जास्त बरं लागेल असं वाटलं ..
सशल,ओले खोबरे पाणी सोडते
सशल,ओले खोबरे पाणी सोडते त्यामुळे मिश्रण आळायला थोडा जास्त वेळ लागेल्.आमरस कमी असला तर मिश्रण कोरडे होईल त्यावेळी अगदी थोड्याशा दुधाचा शिबका देवुन मिश्रणाचा कोरडेपणा कमी करता येईल. या लाडू ला रंग सुरेख आला आहे.चव ही मस्त असेल.
मी पण आत्ताच केले! कमी
मी पण आत्ताच केले!
कमी प्रमाणात केले त्यामुळे अंदाजेच २ वाट्या डे को, १.२५ वाटी मि पावडर, २ वाट्या आंबा पल्प +
साखरेऐवजी कंडेन्स्ड मिल्कचा एक डबा वापरला आणि थिकन्ड क्रीम ३०० मिली टाकले. थोडे अगोड झाले आहेत पण सगळ्यांना आवडले.
सशल आणि वत्सला, दोघींचे लाडू
सशल आणि वत्सला, दोघींचे लाडू एकदम तोंपासु दिसतायत
कोको पावडर घालुन केलेल्या या
कोको पावडर घालुन केलेल्या या "हाफ अॅन्ड हाफ " चवीला मस्त लागतात.प्रचि व कृति वरील लिखाणात शेवटी दिली आहे.
लाडू वळण्याऐवजी लहान मुदाळे
लाडू वळण्याऐवजी लहान मुदाळे वापरल्याने आकार छान आला व काम लौकर झाले. खोबरे ३: ,पावडर २ ,:पिठीसाखर १ भाग या प्रमाणात घेतले तरी चालेल.
लाडू मस्तच आहेत. पण खोबर्याला
लाडू मस्तच आहेत. पण खोबर्याला दुसरा पर्याय सुचवू शकाल का प्लीज?
आशिका, डेसिकेटेड खोबर्याचेच
आशिका, डेसिकेटेड खोबर्याचेच लाडु-वडी आहेत त्यामुळे पर्याय नाही.
रंग कसला अफलातून आलाय खरंच एक
रंग कसला अफलातून आलाय खरंच एक लाडू पटकन तोंडात टाकावासा वाटतोय
मला डबल कलर्स वाल्या चॉको वड्याही आवडल्या.
मावे नसेल तर फ्रायपॅनवर मंद आचेवर ढवळू शकतो की मिल्क पावडरमुळे लागण्याची भिती असते?
'रुचिरा' नंतरचं हीट पुस्तक सुलेखाचं 'सुरुची'>> खरंच खरंच मनावर घ्यायला हरकत नाहीये... इतक्या देखण्या आणि तोंपासु रेसीपीज असतात ना...
ड्रीमगर्ल, मावे नसेल तर
ड्रीमगर्ल,
मावे नसेल तर फ्रायपॅन किंवा कढई सुद्धा चालेल.फक्त गॅस कमी असावा.तसेच खाली तवा ठेवुन त्यावर पॅन वा कढई ठेवली तर तळाला लागणार /करपणार नाही.तसेही खोबरे ,मिल्क पावडर आणि साखर हे तीनही नाजुक-साजुक पदार्थ आहेत.त्यामुळे सतत ढवळावे लागेल इतकेच.पण तरीही मिश्रण लौकर शिजते त्यामुळे फार वेळ लागत नाही.
ओक्के नक्की करून बघणार!
ओक्के नक्की करून बघणार!
Pages