Submitted by मिनोरि on 15 May, 2012 - 22:39
प्रत्यक्षात लागणारा वेळ:
१५ मिनिटे
लागणारे जिन्नस:
कैरी १
हिरव्या मिरच्या २
नारळाचे दूध १ कप
मोहरी, हिंग्,मेथ्या,तेल फोडणीसाठी
मीठ
तांद्ळाचे पीठ १ चमचा
साखर अर्धा चमचा
क्रमवार पाककृती:
कैरीचे मोठे तुकडे करावे. मिरची उभी चिरून घ्यावी. तेलात हिंग, मोहरी व ३ -४ मेथ्या घालून फोडणी करावी.त्यात कैरीचे तुकडे व मिरची घालावी. थोडेसे परतून मग त्यात हळद घालावी. थोडेसे पाणी घालावे व कैरी शिजू द्यावी. नंतर थोड्याश्या पाण्यात तांद्ळाचे पीठ घोळवून ते नारळाच्या दुधात घालावे व हे सर्व मिश्रण कैरीत टाकावे. मीठ व साखर घालून उकळी आणावी.
वाढणी/प्रमाण:
२ व्यक्ती
माहितीचा स्रोत:
कौटुंबिक
आहार:
पाककृती प्रकार:
प्रादेशिक:
शब्दखुणा:
Groups audience:
Group content visibility:
Public - accessible to all site users
शेअर करा
वरील पाककृतीची व्हीडीओ लिंक
वरील पाककृतीची व्हीडीओ लिंक पुढील प्रमाणे आहे. http://www.youtube.com/watch?feature=player_detailpage&v=j5LK7j0Bt3I
व्वा, वेगळीच कृती. विडीओने
व्वा, वेगळीच कृती. विडीओने आणखीच मजा आली. आंबटगोड चव मस्तच येणार. आज करून पहाणारच.
छान कृती. आमच्या घरी पण
छान कृती.
आमच्या घरी पण साधारण अशीच करतात (तांदळाच्या पिठाच्या जागी शिजलेली चणाडाळ किंवा बेसन वापरतात.) छान लागते.
वा छान आहे ही कढी. आम्ही
वा छान आहे ही कढी. आम्ही वेगळ्या पद्धतीने करतो.
छान आहे कृति.आमच्याकडे
छान आहे कृति.आमच्याकडे दाटपणासाठी बेसन+पाणी कालवुन लावतात.बाकी वरीलप्रमाणे.
करून पाहिली. मस्त टेस्ट आली.
करून पाहिली. मस्त टेस्ट आली. आता बेसन व दिनेशदांप्रमाणे डाळ घालून पाहिली पाहिजे केव्हातरी.
नारळाच्या दुधाऐवजी ताक वापरू
नारळाच्या दुधाऐवजी ताक वापरू शकतो का?
छान वेगळीच कृती.. नादुचाच
छान वेगळीच कृती.. नादुचाच काय तो प्रोब्लेम..
टोके, कैरीऐवजी ताक वापरता येईल पण दोन्ही वापरून आंबट्ट होईल कदाचित कैरी आंबट नसल्यास वाप्रता येईल
दिनेशदा, जागू, सुलेखा,
दिनेशदा, जागू, सुलेखा,
अनघ_मिरा, प्रद्युम्नसंतु प्रतिसादाबद्द्ल धन्यवाद !
छान
छान
अरे हिथ आहे कि कैरीच्या कढीची
अरे हिथ आहे कि कैरीच्या कढीची रेसिपी .. आमची पद्धत पूर्णपणे वेगळी आहे पण .. आता धागा काढू की नको अस झालं .. जाऊदे ..
विदर्भात नारळाचं दुध नै वापरत कशातच .. ते सोडून करुन बघेल म्हणते ..
टीना....आमची पद्धत पूर्णपणे
टीना....आमची पद्धत पूर्णपणे वेगळी आहे>>> तुमच्या पद्धतीची पण येवू द्या की....
भगवती विपू पाहा ..
भगवती विपू पाहा ..
धन्यवाद
धन्यवाद
मी कैरी उकडून तिचा गर घेते
मी कैरी उकडून तिचा गर घेते आणि दाटपणासाठी बेसन पीठ लावते. आलं लसूण मिरचीचा ठेचा घालते आणि कोथिंबीर optional.
टीना, तुमचीही चटकदार खमंग
टीना, तुमचीही चटकदार खमंग कैरीची कढी येऊ द्या की स्वतंत्र धाग्यावर.
एक आंब्याची कढी इथेही आहे - http://www.maayboli.com/node/16267