"हज'म'स्साला"

"नमस्कार, नमस्कार... या या या.. कश्या आहात? खुप दिवसांनी आलात? ... अहोSSS, ऐकलत का? आपल्या त्या पमीच्या सासूच्या वैनी आल्यात बर का ..... अरे व्वा, मनू, बनू साठी सोबत 'जिगळ्या' आणल्यात आणि खास 'मटारच्या करंज्या' पण... छान छान... धन्स बरंका बाकी कश्या आहात? घरी सगळे ठीक? ... अहोSSS, 'च्यामारी' आणा की आता .....घ्या घ्या... आवडली ना? एकदम स्पेशल आहे बरका

आता आलाच आहात तर जेऊनच जा... आमच्या यांना काही त्रास नाही हो... यांना नवे पदार्थ ट्राय करायला गिनीपिग्ज हवेच असतात बर ते जौद्या... काय खाणार? ... काय नॉनव्हे़ज नाही??? ओह, आज मंगळवार नै का??? हम्म्म... पण आमच्या यांच्या हातचे नॉनव्हेज चाखाच तुम्ही एकदा... त्या माबो वर बघुन बघुन एक एक नव नव्या रेसिप्या करत असतात... कधी 'कोलंबीच कालवण' तर कधी 'लँब चॉप्स' आणि परवा तर कायतरी 'पोटली' मधल चिकन आणि काल 'केळीच्या पानातले बांगडे'...आणि हो .. ते 'मूर्ग शोले' राहिलच... आह्हा हा ... सुटलं न तोंडाला पाणी?? असु दे, परत कधीतरी....

चला जेऊन घेऊ अहोsss आजचा बेत काय आहे ओ? 'कैरीची कोशिंबीर', 'मसाला वांग', 'सांबार वड्या', 'भाजक्या मसाल्याची आमटी' आणि 'वरणफळं'. .. सह्हीच! आणि लाच्छा पराठा पण... क्या बात है?? अहो सोबत ती झणझणीत 'कांदा लसूण चटणी' पण घ्या हां...

व्वा! मस्तच झालं नै जेवण... आता 'जेवणानंतर काहीतरी गोडधोड' तर हवच :).... अहो घ्या, घ्या... २ टॉवर खल्लेत तरी हरकत नाही

काय म्हणता? पोट खुप भरलं? मग आता हे ...'हज'म'स्साला' घ्याच....मी तयारचं ठेवते हल्ली....

लागणारे जिन्नसः

लिंबाचा रस - अर्धी वाटी;
आले - १ इंच तुकडा;
थोडी पुदिन्याची पाने;
साखर - लिंबाचा रस किती आंबट आहे त्यावर अवलंबुन;
चाट मसाला;
चिमुटभर मिठ;
थंड लेमोनेड