तीळाच्या वडया

अरे वा!
ह्या वड्या मऊसर (बर्फी) होतात की कडक (चिक्की)?

मी अशाच करते, फक्त खोबर्‍याचा चुरा कधी लावला नव्हता. घरात आहे त्यामुळे यावेळेस लावेन.

सुलेखा +१

अरे वा, मस्त दिसत आहेत वड्या. आमच्याकडे गुळाच्या मऊ वड्या करतात ( म्हणजे मी नाही करुन पाहिल्या अजून पण सासरी माहेरी दोन्हीकडे )

ओके, म्हणजे दोन तारी पाक केला तरी वडी खुसखुशीत होते का? म्हणजे कवळीवाल्यांना खाता येईल अशी होते ना?

मी गूळाच्या कच्च्या पाकाच्या करते. गूळ विरघळला की लगेच माल घालायचा आणि ढवळून वड्या थापायाच्या.

म्हणजे कवळीवाल्यांना खाता येईल अशी होते ना? >>> कवळी न लावताही आरामात खाता येतात

या संक्रांतीला करायचा विचार करतच होते, कि रेसीपी मिळाली तर बरं होइल. आणि ही मिळाली धन्यवाद

छान आहे रेसिपी . आवडली..:)
मला कडक वड्या आवडतात म्हणुन मी चिक्कीचा गूळ घालुन तशा वड्या करते.

अर्ध्या प्रमाणात करून बघते.
तीळाच्या वड्याना खोबरे लावलेले पाहिले नव्हते कधी.
आता करुनच बघेन.

माझी आई अश्याच वड्या करायची. त्यावर खोबरे आणि थोडा रंगित हलवा डेकोरेशन म्हणून लावायची.....

आज सकाळी केल्या या वड्या

तिळगूळ घ्या गोड बोला

मी आत्ता साखरेच्या पाकातल्या केल्या, पण एकदम भुगा झाला.
असं का झाल असेल ?
परत पाक करून त्यात टाकून केल्या. बघू काय होते ते.
पण गुळाच्या पाकातल्या केल्या त्या छान जमल्या.

दोन तारी पाकाची परिक्षा काय? तिळाच्या वड्या केलेल्या बहुतेक भुगा होणार .. :|

वरच्या अशिनीच्या छान ओलसट दिसत आहेत ..

मी केल्या. मस्त झाल्यात. झटपट होतात त्यामुळे यावेळी गुळाला कल्टी मारुन याच केल्या. @ मंजूडी, लहान (दात तुटलेले) व म्हातारे (दात पडलेले) सगळ्यांनी खाल्या.

सशल, हे मिश्रण लगेच सुकू लागतं. त्यामुळे पाकात दाण्याचं कूट आणि भरडलेले तीळ टाकले की पटपट हलवून लग्गेच थापायचं, डोळ्यादेखत भुगा होतो नाहीतर ! दोन तारी पाक म्हणजे चिमटीत थोडा पाक घेऊन बोटं दूर केल्यास दोन तारा दिसतात. समजा सगळं मिश्रण सुकं झालं, तर ते कढईतच मोकळं करुन त्यात अर्धी वाटी पाणी घालून गॅसवर नीट ढवळून घ्यायचं. थापण्याजोगं छान ओलसर होतं.

ह्या वड्या ठिसूळच असतात.

काल भाऊ आला होता, त्याने डबाच समोर ठेवून घेतला

मी पण काल जरा वेगळ्या पध्दतीने केल्या. ३ वाट्या कुट ( १ वाटी दाण्याचे व २ वाट्या तीळाचे कुट), ५० ग्रम मिल्क पावडर, एक वाटी साखर व साखर बुडेपर्यंत दूध ( मी बहुतेक लाडू, वड्यांच्या पाकासाठी दूधच वापरते). पाक दोन तारी झाला की गॅस बंद करुन त्यात दूध पावडर व कुट घालावे. पातेल्यात हे मिश्रण थोड्यावेळ ढवळत राहावे. घट्ट झाले की तूप लावलेल्या ताटात थापावे. मिश्रण सैल वाटल्यास थोडे कुट अजून मिसळावे. अश्या पध्दतीने केलेल्या मऊ व खुटखुटीत वड्या सर्वांना खाण्यायोग्य होतात.

धन्यवाद अश्विनी ..

माझ्या वड्यांपैकी ताटाच्या मधल्या भागातल्या जरा व्यवस्थित झाल्या आणि कडेच्या अगदी भुगा .. पण चव छान आली आहे ..

दुधाची पावडर आणि पाण्याऐवजी दुध वापरून वेगळी चव येत असेल .. करून बघायला हवं ..

मधल्या भागात जाड थापल्या गेल्या असतील म्हणून व्यवस्थित झाल्या. या वड्या थोड्या जाडच थापायच्या. चिक्कीप्रमाणे पातळ थापू नये.

मी पण कधी दूध पावडर आणि दूध वापरलं नाहिये. पुढची बॅच ते वापरुन करेन.

केश्विनी, किती छान दिसतायेत तुझ्या वड्या.

धन्यवाद सुलेखाताई. तुम्ही टाकलेला फोटो दिसत नाहीये मला.

सुलेखा, खव्या/माव्याच्या तीळाच्या वड्यांचं प्रमाण आणि कृती सांगाल का?

सुलेखा, सुंदर वड्या झाल्या काल. हे वाचून बायकोने केल्या होत्या.

गेल्यावर्षीपर्यंतचे तीळाचे लाडू करण्याचे बरेच असफल प्रयत्न केल्यानं यावर्षी तीळकूटाची वडी करायची ठरवलं आणि यावेळी इतकी खस्ता वडी जमलीये की

शुगोल पाकृ बद्दल थँक्यू

भाजलेल्या तीळाचे कुट - २ वाट्या
भाजलेले खोबरे कुसकरून - १ वाटी
भाजलेल्या शेंगदाण्याचे कुट - १ वाटी
किसलेला गुळ - ३ वाट्या (मी गुळाची पावडर अशा स्वरूपात तयार मिळते ती घेतली) किसलेल्या गुळाचे प्रमाण जरा कमी घ्यावं.
वेलची पूड चवीप्रमाणे
३ मोठे चमचे पाणी - पाकासाठी

पाक तयार झाल्याची खूण म्हणजे गुळ जरासा फसफसतो आणि चिकट लागतो. त्यानंतर लगेच त्यात वरील गोष्टींचे मिश्रण टाकावं आणि मंद आचेवर नीट सारखे करावं. कोरडे वाटल्यास तूप घालावं. तूप लावलेल्या थाळ्यात जरा जाडसरच थापून गरम असतानाच वड्या पाडाव्या.

सर्वांना तीळगुळ घ्या आणि गोड गोड बोला