जीव घेतंय... सरकार

Submitted by vinny on 11 August, 2011 - 10:09

गिरन चालू व्हती तरी
अंगावर कापड मिळालं न्हाय
गिरन जाउन जिंदगी गेली
पण घर काय मिळालं न्हाय

धरण बांधून वरसं लोटली
प्यायला पाणी मिळालं न्हाय
कालवा अंगण मोडून वाहिला
पण शेतापातुर पोचलाच न्हाय

नवीन प्रकल्प आला म्हनून
पुन्हा सरकार जिमीन घेतंय
वाचवायला गेला घर म्हणून
पोराचा माझ्या जीव घेतंय...

विनायक बेलोसे
http://vinayakbelose.blogspot.com/

गुलमोहर: 
कविता
शब्दखुणा: 
सामाजिक
सरकार
जीव
शेअर करा