Submitted by सशल on 10 July, 2008 - 16:32
प्रत्यक्षात लागणारा वेळ:
२ तास
लागणारे जिन्नस:
१ वाटी दुध,
१ वाटी साखर,
अर्धी वाटी तुप,
चवीला मीठ
मैदा साधारण ३.५ ते चार वाट्या
तळायला तेल/तूप
क्रमवार पाककृती:
१ वाटी दुध, १ वाटी साखर आणी अर्धी वाटी तुप, चवीला मीठ उकळल्यावर त्यात मावेल तेवढा मैदा साधारण ३.५ ते चार वाट्या मावतो पीठ सैलसर मळून गार झाल्यावर एक तास ठेवायचं आणी मग शंकरपाळी करायची आणी महत्वाचे म्हणजे मंद आचेवर तळायची अगदी खुसखुशीत आणी कुरकुरीत होतात साखरेचे प्रमाण चवीप्रमाणे कमी जास्त करावे तुपाऐवजी तेल वापरले तरी चालते पण तेल वापरले तर एक वाटी घ्यावे
वाढणी/प्रमाण:
भरपूर होतात :)
अधिक टिपा:
वेळ बराच लागतो .. लाटणं, कातणं आणि तळणं वेळखाऊ काम आहे ..
माहितीचा स्रोत:
सासुबाई
आहार:
पाककृती प्रकार:
प्रादेशिक:
Groups audience:
Group content visibility:
Public - accessible to all site users
शेअर करा
अग रोचीन मी वरती मैदा आणी
अग रोचीन मी वरती मैदा आणी गव्हाचे पिठ समप्रमाणात भिजवते अस लिहल आहे म्हणजेच अर्ध अर्ध होईल.
मला अस दोन्हि मिळून १/२ किलो, १किलो अस सांगता येणार नाही. पण मी दुध्,तुप,साखरेच्या मिश्रणात १ वाटी मैदा आणी १ वाटी गव्हाचे पिठ अस मिसळत जाते. साधारण दोन्ही पिठे समप्रमाणात मावतात.
जमल्या हो जमल्या! धन्स
जमल्या हो जमल्या!
धन्स मुलींनो. पौर्णिमा, प्रमाण एकदम परफेक्ट.. फक्त पहिला घाणा काढल्यावर जरा कमी गोड वाटल्या,म्हणुन मग उरलेल्या पीठात थोडी पीठीसाखर घालुन मळुन घेतले आणि केल्या.
आता तिखट कराव्यात का असा विचार करतेय.. पण इतका मैदा खाणे हेल्दी नाही ना!
अनुजय, तुझ्या पध्दतीने अर्धा
अनुजय, तुझ्या पध्दतीने अर्धा मैदा आणि अर्ध गव्हाचं पीठ वापरलं. आणि तुपाऐवजी तेल वापरलं. खरच फार छान खुसखुशीत झाल्या शंकरपाळी. ( मी शंकरपाळ्या म्हणते. इथे लगेच कोणितरी सांगेल की शंकरपाळीच बहुवचन शंकरपाळी असत म्हणून.) जास्त खाल्या तरी हेल्दी आहेत अस मनाला समजावते. धन्यवाद ग.
थोडासा रवा हि टाकून पहा, एक
थोडासा रवा हि टाकून पहा, एक क्रिस्पी चव येते.
आर्च अग नुसत्या गव्हाच्या
आर्च अग नुसत्या गव्हाच्या पिठाच्या पण छान होतात. माझी लेक लहान आहे आणी तिला शंकरपाळ्या खुप आवडतात त्यामुळे वरचेवर केल्या जातात तिला सारख्या मैद्याच्या देण पटत नाही म्हणुन आईने सांगीतल गव्हाच पिठ वापरायला आणी आता तर घरात सगळेच मैदा नाही म्हणुन भरपुर खातात.
सोप्पी रेसिपी आणि आता
सोप्पी रेसिपी आणि आता इतक्यांनी केल्यात म्हणजे याच पद्धतीने करायला हव्या
मी कलौंजी घातलेल्या खार्या शंकरपाळ्या खाल्ल्यात त्यापण छान लागतात.
तुमच्यापैकी कुणी सुगरणींनी करुन बघा आणि मग कशा करायच्या ते सांगा आम्हाला
अनुजय, आम्ही पण कणीक घालतो. व
अनुजय, आम्ही पण कणीक घालतो. व ती ज्यास्त घालतो सर्वात.
इथे लिहिल्यात आहेत,
http://www.maayboli.com/node/20919
अरे वा, मनःस्विनी तु तुझी
अरे वा, मनःस्विनी तु तुझी लिंक दिल्यामुळे मला खार्या शंकरपाळ्याची रेसिपी मिळाली खरतर शोधतच होते. धन्यवाद
अनुजय, मी सुध्दा नुसत्या
अनुजय, मी सुध्दा नुसत्या कणिकेचे शंकरपाळे करते. चांगलेच होतात.
मी सुध्दा पोर्णिमाने दिलेल्या
मी सुध्दा पोर्णिमाने दिलेल्या पध्दतीने केले शंकरपाळे खूप खूप छान झालेत.. धन्यवाद
पूनम जियो... सकाळी तुझ्या
पूनम जियो... सकाळी तुझ्या पद्धतीने शंकरपाळ्या केल्या. मस्त खुसखुशीत झाल्या आहेत. धन्स.
एक विचारायचे होते शेवटच्या घाण्याला थोड्या शंकरपाळ्या तेलात विरघळल्या. आधीचे सगळे घाणे मस्त निघाले. तेल कमी आणि घाणा जास्त झाले असेल का? तेव्हढा घाणा वेगळ्या ताटात काढून घेतला. नंतर थंड झाल्यावर त्यातल्या चांगल्या निवडून बाजूला केल्या. काहींचा अगदी भुगा झाला होता. कशामुळे झाले असेल असे?
शेवटी शेवटी पीठ तेवलं होतं का
शेवटी शेवटी पीठ तेवलं होतं का प्राची?
शेवटी शेवटी पीठ तेवलं होतं का
शेवटी शेवटी पीठ तेवलं होतं का प्राची?>>>>>म्हणजे काय ग???
म्हणजे सैल झालं होतं का?
म्हणजे सैल झालं होतं का?
नाही ग.
नाही ग.
शेवटच्या घाण्याला थोड्या
शेवटच्या घाण्याला थोड्या शंकरपाळ्या तेलात विरघळल्या. >>> मी सांगु
शेवटी कंटाळा आला.. म्हणून १.५ घाण्याच्या एकाच घाण्यात टाकल्या... आधीच तेल कमी झालेले.. आणि शंकरपाल्या जास्त.. म्हनून असे झाले.
माझे बर्याच वेळा होते
हो ग वर्षा मलाही हेच कारण
हो ग वर्षा मलाही हेच कारण वाटतंय जास्त नव्हत्या टाकल्या. पण आधी ५-६ घाणे झाल्याने तेल कमी झालेच असेल ना. ते लक्षात नाही आलं.
जमले मला शंकरपाळे...छान
जमले मला शंकरपाळे...छान खुसखुशीत झाले...धन्स सशल..
अरे एक शंका आहे.. मी जास्त
अरे एक शंका आहे.. मी जास्त तळण करत नाही.. तर गोडाच्या शंकरपाळी तळलेल्या (उरलेल्या) तेलात तिखट/खार्या पण तळल्या तर चालेल का? पुष्कळ तेल आहे ..पहिल्यांदाच केल्याने किती लागेल त्याचा अंदाज नव्हता.
मीहि सशल च्या रेसिपीने करते
मीहि सशल च्या रेसिपीने करते गेले बरेच वर्ष. आईचीहि अशीचं रेसिपी आहे, थोडासा फरक असेल कदाचित. मस्त होतात. आत्ताचं एक बॅच करुन बसलेय. लेक आवडिने खातेय. धन्यवाद सशल.
मि हि काल शंकरपाळे केले डॅफो
मि हि काल शंकरपाळे केले डॅफो च्या रेसिपिने..मस्त झाले
थॅक्स डॅफो. केळीचा छान वास येत होता.
पौर्णिमाच्या कृतीने शंकरपाळे
पौर्णिमाच्या कृतीने शंकरपाळे केले. मस्त खुसखुशीत झालेत.
धागा वर काढतेय.
धागा वर काढतेय.
मी काल शंकरपाळे केले. मी एक
मी काल शंकरपाळे केले.
मी एक कप दूध, तूप आणि साखर घेऊन ते एलेक्ट्रिक बीटरवर घुसळले. (थोडेसे मीठ. चिरोटी रवा घातला होता) नंतर त्यात बसेल तसा मैदा घालत घालत बीट केले. शेवटी तो गोळा हाताने थोडासा मळला आणि मग तीन चार तास ठेवला.
नंतर त्याचे शंकरपाळे केले. मस्त खुशखुशीत वगैरे झालेत.
यावेळी मी मैदा व गव्हाचे पीठ
यावेळी मी मैदा व गव्हाचे पीठ निम्मे निम्मे घेतले.. कडकडीत झाल्या आहेत.
सशल तुझ्या पद्धतीने काल शं.
सशल तुझ्या पद्धतीने काल शं. पा. केल्या, मस्त खुसखुशीत झाल्यात, माझ्या साबांची पण हीच पद्धत. पण त्या त्यात थोडा vanilaa इसेन्स पण घालतात कधी कधी. मात्र मी तासभर थांबले नाही, लगेच केल्या, तरी मस्तच झाल्या.
मी शं पा ची पोळी जाडसरच ठेवते नेहेमी, त्यामुळे कडक होत नाहीत. धन्यवाद तुला.
काल पूनमच्या रेस्पीने केल्या
काल पूनमच्या रेस्पीने केल्या शंकरपाळ्या. मस्तच झाल्या एकदम.
योडी, खूप तेलकट/तूपकट नाही ना
योडी, खूप तेलकट/तूपकट नाही ना होत ? मी उध्या करायचा विचार करतेय.
तेलकट/तूपकट नाही ना होत
तेलकट/तूपकट नाही ना होत ?
>>
नाही. थंड झाल्यावर एकदम कोरड्याच दिसतात.
सशल, थँक्स. या वर्षी
सशल, थँक्स. या वर्षी आयुष्यात पहिल्यांदाच दिवाळीचे काही पदार्थ करायचे ठरवले. काल तुझी रेसिपी पहिल्या पानावर पाहिली म्हणुन ओपनिंग त्यानेच केलं. मी सगळी तयारी करुन दिली आणि माझ्या दोन वहिन्यांनी लाटुन तळण्याचं काम केलं. माझाच विश्वास बसत नाहीए की शंकरपाळ्या इतक्या टेस्टी आणि खुसखुशीत होवु शकतात. मैदा फुप्रोवर मळला. बाकी रेसिपी एक कणाचाही फरक न करता सेम तुझीच. थँक्स अगेन.
अवांतर - कॉर्पोरेट्समधे हजारो रुपये फीज भरुन आम्हाला 'टीम बिल्डींग' प्रोग्राम्सना पाठवतात. काल मला वाटलं कि त्याचंच घरगुती उदाहरण म्हणजे दिवाळीचे पदार्थ सगळ्या कुटुंबानी एकत्र बसुन बनवणे. फार मजा आली. काल सगळेच जागे होते आणि प्रचंड गप्पा मारल्या. गेस करंज्या करायला अजुन मजा येइल कारण तेव्हा सगळेच मदत करणार आहेत.
Pages