आनंदी जोडपं

कोडिंग करणे हीन आहे असं कशाला वाटेल ? संबंधच नाही. अमेरिकेत जर घरची कामं करण्यासाठी बाई/माणूस ठेवणं परवडत नसेल तर स्वस्त मिळतं म्हणून स्वतःला घाणेरडी वाटणारी कामं दुस-याकडून करवून घेणं हे ही निषिद्धच. त्या कामावरून बेबनाव होणंही अयोग्य आणि शोषणाचे नियम व्यक्तिपरत्वे बदलणे हे सर्वात निषिद्ध..

बघा पटतंय का ?

( वरवर ) आनंदी (दिसणारी ) अशी कितीतरी जोडपी असतात नाही समाजात ? तरीही दर वेळी असं बघून, वाचून वाईट वाटतंच

घर आणि व्यवसाय यातला फरक कदाचित मला समजावून सांगता येणार नाही.. लेखनसीमेमुळे थांबतो. धन्यवाद

मला आवडलं

@किरण्यके
स्वतःच्या घरची कामे म्हणजे गुलामी नव्हे हो. तुम्ही काम करायला येणार्‍या बाईच्या व्यक्ती स्वातंत्र्याचा मुद्दा उपस्थित केलात म्हणुन मी लिहिले की ती बाई नोकरी करते तिला काही गुलाम म्हणुन राबवत नाही. इथे गुलाम हा शब्द वापरायचे कारण इथे पूर्वी गुलाम असायचे. तसे असते तर व्यक्तीस्वातंत्र्याचा मुद्दा योग्य पण जी व्यक्ती नोकरी म्हणुन हे काम करते तेथे हा मुद्दाच लागू होत नाही. आणि मुळात घरकाम हीन असे मला स्वतःला तरी वाटत नाही. स्वतःच्या घरातील कामे करायला लाज कसली आणि हीनत्व कसले. पण एखाद्याला नाही आवडत करायला. एक उदाहरण- इथे बरेच जण अगदी प्रेमाने गाड्या धुतात, वॅक्स करतात पण माझ्या नवर्‍याला नाही आवडत. तो कार वॉश मधून गाडी धुवून आणतो. आता यावरुन तो आळशी आहे किंवा त्याला ते काम करणे हीनपणाचे वाटते असा अर्थ इतरांनी लावला तर ते चुकीचे.

घर दोघांचं असतं इतकं समजलं तरी पुरे...

@ इतर प्रतिसाद

व्यवसाय म्हटला कि रोजगारनिर्मिती आली. स्वतःच्या धंद्यात मनुष्य पडेल ते काम करायला कधीच मागेपुढे पाहणार नाही. मग ते झाडू मारण्याचे का असेना..एकाच वेळी व्यवसायात तो सर्व ठिकाणी लक्ष देऊ शकत नसल्याने रोजगार निर्माण होतात. व्यवसायाचे ठिकाण हे वैयक्तिक असूच शकत नाही. घर मात्र वैयक्तिक बाब आहे. घरातही पडेल ती कामं आनंदाने केली जावीत. शक्यतो दोघांनी मिळून ती करावीत. शक्य नसल्यास बाई किंवा गडी आहेच.

घरातली कामं कुणी करायची यावरून वादंग होऊन नोकर ठेवणे हे घर आपले आहे या समजाला धक्का देणारे आहे.

चर्चा नेहमीच्या वळणाने चाल्ल्लीय
दोन बायका त्यांच्या मधील वाद हे एका पुरूषाच्या मध्यस्ती शिवाय सोडवू शकत नाहीत?>>>>>
सत्यजीत, तुमचा हा मुद्दा अजिबात बरोबर नाहीये..बाकीही मुद्दे पटले नाहियेत पण हा "बरोबर" नाहीये.
कारण या दोन स्त्रीयांचे आयुष्य ज्या माणसामुळे बांधले गेलेय, त्या माणसाने समजदारपणे वागणे अन प्रसंगी मध्यस्थी करणे जरुरीच आहे. कुठल्याही २ स्त्रीयांमधले वाद सोडवायला कुठलातरी पुरुष लागत नाही. असो.

आपल्या जोडीदाराला त्रास होत असेल तर तो कुठल्याही प्रकारे कमी/बंद करणे अन तिच्या रास्त आवडीनिवडींना मान देणे एवढे कठीण वाटते भारतीय पुरुषांना कारण मुळात स्त्रीला वेगळी मते/आवडीनिवडी असणे हेच पचत नाही.

वरती सिंडीने म्हटलेय की तिला घरकाम अज्जिबात आवडत नाही तर लगेच लोक आले निषेध करायला. का? प्रत्येक स्त्रीला आवडलेच पाहिजे की काय? अजिबात आवडत नाही आणी परवडते तर ठेवली बाई तर बघा इथे ओळख ना पाळख तरी लोक टोचुन बोलतात, मग ज्यांना घरचेच असे टोचणारे आहेत त्या स्त्रीयांनी त्यांची शक्ती या फालतु लोकांशी भांडण्यात अन मते पटवण्यातच घालवायची का? की कुणीतरी सुचवल्याप्रमाणे राजकारण करत बसायचे? काहीही मुर्खपणा!!

घरात प्रत्येकाच्या आवडीची आणि नावडीची वेगळी कामं असतात.
माझी एक जवळची मैत्रिण आहे इथे. तिला स्वैपाकाचा अतिशय कंटाळा येतो. रोजचा स्वैपाक करते पण तिला १० लोकाना बोलावून स्वैपाक करणं नको वाटतं. पण तिचं घर बघाल तर स्पॉटलेस क्लीन! अतिशय सुंदर डेकोरेट केलेलं, आरश्यासारखं स्वच्छ! घर सजवणं, टापटिपीत ठेवणं ही तिची आवड आहे. स्वैपाक तेवढ्याच बरोबरीने नाही आवडत.

मला स्वतःला स्वैपाक अतिशय आवडतो करायला. खायला आणि खिलवायला आवडतं. घर आवरायला खूप आवडतं. पण लॉण्ड्री करणे ह्या प्रकाराचा जाम कंटाळा आहे मला. कपडे घड्या करत बसायला अशक्य कंटाळा येतो. मला ते आवडत नाही म्हणून मी वॉश अँड फोल्ड सर्विस चा पर्याय शोधलाय.

स्वाती२ म्हणतात तसे हीन आणि लाज वाटणं येतच नाही इथे.