मनगणं

Submitted by शैलजा on 14 February, 2011 - 22:54
प्रत्यक्षात लागणारा वेळ: 
२० मिनिटे
लागणारे जिन्नस: 

१ वाटी चण्याची डाळ
३ ते ४ वाट्या नारळाचा रस वा दूध
अर्धा वाटी बारीक चिरुन गूळ
वेलची
काजू
नारळाच्या खोबर्‍याचे बारीक काप
चवीला किंचित मीठ

क्रमवार पाककृती: 

१. चण्याची डाळ कूकरमध्ये चांगली शिजवून घ्यावी.
२. शिजल्यावर चांगली घोटावी व त्यात गूळ घालून थोडा वेळ पुन्हा गॅसवर शिजू द्यावी. शिजताना गूळ व डाळ एकत्र होण्यासाठी ढवळावी.
३. एकत्र झाल्यावर गॅस बंद करुन त्यात नारळाचे दूध घालावे.
४. ओल्या खोबर्‍याचे काप, काजू घालावे. स्वादासाठी वेलची पूड घालावी.
५. चवीपुरते किंचित मीठ घालावे.

मनगणं तयार. देवीच्या नैवैद्यात मनगणं हवंच. Happy

वाढणी/प्रमाण: 
२-३ जण
अधिक टिपा: 

नारळाच्या दूधाऐवजी नेहमीचे दूध घालता येईल. तसे घतल्यास दूध घालूनही शिजवता/ उकळता येईल. नारळाचे दूध घालून मात्र उकळू नये.

माहितीचा स्रोत: 
पारंपारीक. आई, आजी.
पाककृती प्रकार: 
प्रादेशिक: 
Group content visibility: 
Public - accessible to all site users

धन्यवाद शैलजा Happy

आमच्याकडे (कानडी लोकांमधे) देवाला नैवेद्य करताना हा प्रकार केला जातो पण नाव वेगळ थोड्या फार फरकानी पुरणाची खीरच Happy

हे मनगणं एका मैत्रिणीच्या डब्यातलं चाखलं होतं. पण तिने बराच सुकामेवा घातला होता. त्यामुळे ते चांगलंच दाट झालं होतं.
शैलजा, ओल्या खोबऱ्‍याचे काप घालायचे की सुक्या खोबऱ्‍याचे?

मंजू, ओल्या खोबर्‍याचे बारीक काप.
>तिने बराच सुकामेवा घातला होता >> आपण करु ती व्हेरिएशन्स गं. मूळ पाकृ मधे खूप सुका मेवा नाही घालत. Happy

राजेश्वर, गोडाचा पदार्थ आहे तो. Happy

शैलजा, माझी आज्जी बनवते शुक्रवारी देवीच्या नैवेद्याला ही खीर. अशीच साधी.

मी अमि, मुगाची डाळ घालून पण छान होते ही खीर. इथे रेसिपी पहा - http://www.maayboli.com/node/6293

जनगणमन Proud
मिनोती, हो, मुगाच्या डाळीची खीरही मस्त लागते Happy ही देखील होते आमच्याकडे बरेचदा.
अमि, मिनोतीने उत्तर दिलेय बघ. Happy

मी खूपदा खाल्लाय हा प्रकार 'प्रसाद' म्हणून! जेव्हा तो प्रसाद म्हणून खातो तेव्हा त्याला येणारा सूक्ष्मसा कापराचा, अगरबत्तीचा वास, कधी त्याबरोबर येणारे तुळशीचे पान यांची सर्वांची चव मनगणं मध्ये इतकी बेमालूमपणे मिसळलेली असते!! मस्त आठवण करून दिलीस. Happy

छान

फोटू का नाही टाकला? Uhoh
गोड पदार्थ आहे ना हा? रंग वगैरे घालतात का, या पदार्थाला स्वत:चा असा रंग असतो?
बाकी पाकृ तशी सोप्पी आहे. Happy
(पण माझा करायचा आनंद आहे त्याचं काय?)

रंग वगैरे नाही घालायचा. गोडच आहे. गूळ घालतोय ना?
चण्याची डाळ, गूळ आणि दूध ह्या पदार्थांचा रंग - पिवळसर असा येतो. ह्यासाठी चांगला पिवळ्या रंगाचा गूळ घ्यायचा, छान रंग येतो. नारळाच्या दुधाने दाट होते खीर.

ह्याहूनही दाट हवी असेल, तर थोड्या पाण्यात वा दुधात (अर्धीवाटी वगैरे) जोंधळ्याचे पीठ कालवून खीर शिजताना त्यात घालायचे व ढवळून एकजीव करावे.