सोपे आणि झटपट मँगो आईसक्रीम

Submitted by सीमा on 15 May, 2010 - 22:53
प्रत्यक्षात लागणारा वेळ: 
५ मिनिटे
लागणारे जिन्नस: 

३२ OZ चा कुलव्हिप चा डबा (*)
१४ oz कंडेन्स मिल्क
कंडेन्स मिल्क इतकाच आंब्याचा पल्प/रस

क्रमवार पाककृती: 

तिनही एकत्र करुन बीट करुन घ्यावे.
एका काचेचा भांड्यात साधारण ५/६ तास फ्रीझर मध्येसेट करायला ठेवावे. आईसक्रीम तयार.
हे थोडेसे जास्त गोड आइसक्रीम होते. त्यामुळ वरील सर्व प्रमाण तुमच्या चवीनुसार अ‍ॅडजस्ट करुन घ्या.

* जर कुल व्हिप नसेल तर फेटलेले क्रीम घेता येईल.

वाढणी/प्रमाण: 
खाल तितके
अधिक टिपा: 

याच मेथड ने स्ट्रॉबेरी आईअसक्रीम पण करता येते.

माहितीचा स्रोत: 
Woman's Day मॅगझिन
आहार: 
शाकाहारी
पाककृती प्रकार: 
गोड पदार्थ
शब्दखुणा: 
मँगो
आईस्क्रीम
आंबा
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

सीमा, मस्तच लागतं अस आईसक्रीम, सगळ्यांना प्रचंड आवडत, आणि करायला पण खूप सोपं Happy
मी त्यात आंब्याच्या बारीक फोडी करून घालते, जेव्हा मिळत असतील तेव्हा.

Submitted by मीपुणेकर on 16 May, 2010 - 10:33

छान आहे आईसक्रिम. कूल व्हीप वापरुन बर्‍याच फळांची आईसक्रीम्स करता येतात.
या आईसक्रीमवर पॅशन फृट पल्प किंवा पपईचे तूकडे टाकले, तर गोडवा कमी होईल, व चवीलाही छान लागेल.

Submitted by दिनेश. on 16 May, 2010 - 11:08

रैना, कूल व्हिप मी पुण्यात होते तेव्हा तरी पाहिलं नव्हतं. कुठल्याही प्रकारचं मॉक क्रीम मिळत असेल तर ते चालेल. नाहीतर सरळ अमूलचं व्हिपिंग क्रीम येतं त्यात थोडी साखर घालून घट्ट होईपर्यंत फेटून ते वापरता येईल.

Submitted by अगो on 17 May, 2010 - 22:06

अमूलचं व्हिपिंग क्रीम येतं त्यात थोडी साखर घालून घट्ट होईपर्यंत फेटून ते वापरता येईल<<<<

मला वाटतं साखर नाही घालावी लागणार .स्वीटन्ड कन्डेन्स्ड मिल्क घालणार ना? आणी भारतात तर छान हापूसचाच ताजा रस घालून करता येईल्.साखरेची गरज पडणार नाही.जोडीला थोडे आंब्याचे क्यूब्स करून घालता येतील आणी लागतील ही छान. शो मी द करी वाल्या बायांनी ह्याचाच व्हिडिओ टाकला आहे. छान होतं हे आईसक्रीम.

Submitted by prady on 17 May, 2010 - 22:39

क्लास !!! मलाही अमुल क्रिम आणि कंडेन्स्ड मिल्क चं प्रमाण समजलं तर बर होइल. अत्ताच करुन बघावस वाटतय!!

Submitted by धनुडी on 20 May, 2010 - 02:42

तोंपासु Happy

मलाही मुंबईत मिळणारे पर्याय (त्याच्या कप्/वाटीच्या मापात) कळले तर करुन बघता येईल (लोड शेडींगचे अडथळे पार करुन सेट झालं तर फोटो टाकणेबल होईलस वाटतय :P)

Submitted by कविन on 20 May, 2010 - 03:30

साधारण एक कप क्रीम (८ oz = २४० ml) पाव लिटरच्या आसपास आणी कन्डेन्स् मिल्कचा एक डबा हे प्रमाण पुरेल.

Submitted by prady on 21 May, 2010 - 10:00

कंडेन्स मिल्क पेक्षा थोडीशी जास्त क्रीम घेवुन पहा.कारण क्रिम फेटल्यावर साधारण ती दुप्पट झाली कि मग वापरायला हवी. क्रीम मध्ये साखर घालु नका. प्लेन च फेटायची. कारण कंडेन्स मिल्क मुळ भरपुर गोड होत हे आईसक्रीम.

मी क्रीम वापरुन अजुन करुन पाहिल नाही. त्यामुळ कस होईल माहित नाही. पण आंबा ,कंडेन्स मिल्क, क्रिम एकत्र केल्यावर जे काही होईल ते चांगलच होइल. Happy

Submitted by सीमा on 21 May, 2010 - 10:45

काल मी केलं होतं, अमेझिंग झालं होतं असं खाणारा प्रत्येकजण म्हणत होता Happy इथे दिलेलं प्रमाण ३/४ लोकांना पुरेल. मी जवळपास सव्वादोन पट प्रमाणात केलं होतं हेवी क्रिम वापरले आणि ते ९ जणाना व्यवस्थित पुरलं. मला पुरेसा ( ५/६ तास) वेळ नव्हता, मग मी फ्रिझर चे सेटींग मॅक्स कूल वर ठेवले होते जवळपास ४ तास. मधला काही भाग पुरेसा सेट झाला नव्हता. पण तरिही त्याने काहीही बिघडले नाही.

खूप धन्यवाद !

Submitted by anudon on 14 September, 2014 - 16:45