सकल कलांचा तू अधिनायक : अगो

Submitted by संयोजक on 31 August, 2010 - 00:47

2010_MB_Ganesha2_small_rspac.jpg

महागणपती वरद विनायक
मंगलमूर्ती मंगलदायक -धॄ-

तुझ्या चरणीच्या गोड पैंजणी
घुंगरु झाल्या रागरागिणी
तुजसी शरण मी साधक गायक -१-

नादब्रह्म तू, तू सुखदाता
स्वरतालांचा आश्रयदाता
वर सॄजनाचा दे गणनायक -२-

कै.श्री.सरला भिडे ह्या माझ्या आईच्या गुरु. त्यांनी साधारण तीस-बत्तीस वर्षांपूर्वी हे गाणं आईला शिकवले. मात्र गाण्याचे धॄवपद आणि पहिले कडवेच शिकवले गेले होते. हे गाणं आम्हाला शिकवताना आईने दुसरे कडवे स्वत: रचून त्याला चाल लावली. ह्या गाण्याचे गीतकार आणि संगीतकार कोण हे आम्हाला माहित नाही आणि सरलाबाईंनी शिकवल्यावर इतक्या वर्षांत ह्याची रेकॉर्डही कधी ऐकलेली नाही.

हे गाणे मी अगदी घरगुती स्वरुपात फक्त इलेक्ट्रॉनिक तानपुरा लावून गायले आहे.

गणरायाच्या कॄपेनेच लाभलेलं हे स्वरपुष्प त्याच्या चरणी अर्पण करते !


Group content visibility: 
Public - accessible to all site users

अजिबात घरगुती स्वरुपाचं रेकॉर्डींग वाटल नाही आणि आवाजही अगदी शास्त्रीय गायकीचा आहे तुझा. अभिनंदन. गात रहा ग! Happy

वा.......क्या बात है.....!! मस्त गायलं आहेस अगो !!
फक्त तानपुर्‍यासोबतही किती छान वाटतंय......खूप आवडलं Happy
गाती रहा आणि आम्हालाही ऐकवत रहा Happy

अतिशय सुंदर ! अहाहाहाहा! थँक्यु अगो. खूप छान वाटलं ऐकुन. ऐकतच रहावसं वाटतं
मी तुझं ऐकुन ऐकुन कुठे म्हणलं तर चालेल का गं ?

अरे, सकाळीसकाळी गाणं आणि त्यावर एवढ्या प्रतिक्रिया पाहून खूप छान वाटलं. सगळ्यांना मनःपूर्वक धन्यवाद Happy
रैना.. हो,हो, चालेल ना Happy
फचिन, तुझ्या विपूचे उत्तर मुद्दाम इथेही देते. गाणं भजनी ठेक्यातच आहे पण रेकॉर्डिंगमध्ये इलेक्ट्रॉनिक तबल्याचा आवाज ऐकायला अगदी काहीतरीच वाटत होता. इलेक्ट्रॉनिक तबला रियाझापुरताच बरा वाटतो. वेळेअभावी मग नुसतंच तानपुर्‍यावर गाऊन पाठवलं Happy

Pages