चित्रपटाचा ट्रेलर कसा वाटला - २

https://youtu.be/77vRyWNqZjM?si=pDAeus_n7pJ-6k4x

छावा ट्रेलर आला. मला आवडला. बाहुबली टाइप्स बरेच सीन दिसतायत. भरारी मारणारे. पण ठीक आहे, आता सगळीकडेच असतात ते. विकी कौशल मस्त वाटतोय. संवादसुद्धा बर्यापैकी स्पष्ट आहेत आणि इंग्रजाळलेले किंवा हिंदाळलेले(?) वाटत नाहीत. रश्मिका आवडत नाही. कशीही. अक्षय खन्ना ओळखण्याच्या पलिकडचा आहे. एकंदर चित्र छान आहे. बघायचा आहे.

छावा- विकी मराठी झाक वाटतोय, पण पंजाबी जास्त. त्यालाही नाचवलेय खलीबली सारखे
रश्मिका ला का घेतात ते पण पेशवाईण बाई म्हणुन मराठी कित्ती सुंदर अभिनेत्री आहेत. प्रिया बापट, प्राजक्ता, प्रार्थना बेहरे..

पेशवीणबाई? येसूबाई ना? येसूबाई औरंगजेबाच्या कैदेत गेल्या तेव्हा जेमतेम विशीच्या असतील. रश्मीका दिसतेय चांगली. प्राजक्ता, प्रार्थना, प्रिया खूप मोठ्या वाटतील वयाने. मराठीच हवी तर वैदेही परशुरामी चालली असती.

बाकी ट्रेलर, लढाया, येसूबाईंसकट लेझीम डान्स अ अ. पण मी विकी आणि अक्षयसाठी बघणार आहे.

विकी कौशल विकी कौशलच दिसतोय. मला नाही झेपला संभाजी म्हणून. रश्मिकाचा एम्ब्रॉयडरीचा ब्लाउज दिसला तेवढ्यात बाकी व्हिजुअल्स हल्लीच्या इतर बिग बजेट सिनेमाप्रमाणेच , तत्सम दिसणारेच आहेत. काही विशेष, खास नाही.
अक्शय खन्ना ओळखू येत नाही, बहुधा चांगला करेल तो रोल. पण एकूण फार अपेक्षा ठेवायला नकोत.

छावा ट्रेलर आवडले. एकदम बघण्यासारखा झालेला दिसतो आहे. असेच भव्य दिव्य चित्रपट बनायला हवेत !

रश्मिकाला घेतलं हे अजिबातच आवडलं नाही. वैदेही अगदीच चालली असती.
विकी मात्र परफेक्ट दिसतोय. रांगडा गडी. एक्स्प्रेशन्स पण सुंदर. तो नाच मात्र झेपला नाही. असं गाणं कशाला हवं?
अक्षय खरंच ओळखू आला नाही. गुड चॉईस!
ट्रेलर छान झालंय बाकी.

काही युट्युब रिव्ह्युअर्सने वेगळाच मुद्दा उचलून धरलाय “हे हिन्दवी स्वराज्य व्हावे ही श्रीं ची इच्छा “ , असं पाहिजे त्या ऐवजी नुसतच “हे राज्य व्हावे ही श्रींची इच्छा “ म्हणताना दाखवलाय, याबद्दल वाद चालु आहे.
संभाजी महाराजांसाठी हिदुत्त्व महत्त्वाचे होते तर उगीच इतिहास बदलून सेक्युलर बनण्यासाठी ते वाक्य का बदललं यावर वाद चालु आहे !
मला पर्सनली आता आठवत नाहीये पुस्तकात ‘हिन्दवी स्वराज्य ‘ वाचलय ही ‘राज्य’ !
बाकी ट्रेलर काही खास वाटले नाही आणि विकी - रश्मिका तर अजिबातच फिट वाटत नाहीत तिथे !
रहमानचं म्युझिक ऐकायची उत्सुकता आहे पण मराठ्यांच्य इतिहासावर सिनेमा असताना Ajay Atul जोडीला का संधी दिली नाही हे आलच मनात !
संभाजी महाराज भर पब्लिक मधे त्यांच्या राणी बरोबर लेझिम करतील त्या काळात , तसाही खिल्जीच्या डान्सचा प्र्॑भाव जास्तं दिसला, खूपच केअरलेस अ‍ॅटिट्युड !

पेशवीण?
छत्रपती संभाजी महाराजांच्या पत्नीचा, येसूबाईंचा रीले आहे ना रश्मिकाचा?

त्या लेझिम वगैरे खेळताना दाखवायच्या मूर्खपणाचा मोह नाहीच वाटतं आवरला यांनाही...

उगीच इतिहास बदलून सेक्युलर बनण्यासाठी ते वाक्य का बदललं यावर वाद चालु आहे ! >>> सध्याच्या ट्रेन्ड मधे उलटच बघायला जास्त मिळते की. मुळात नसले तरी हिंदुत्व आणतील एक वेळ !

सध्याच्या ट्रेन्ड मधे उलटच बघायला जास्त मिळते की. मुळात नसले तरी हिंदुत्व आणतील एक वेळ !
<<<<
हो पण इथे उलट आहे, त्यामुळे आता ज्यांच्याक्॑डे संधी आहे ते बोलतायेत
त्यात लक्ष्मण उतेकर लेफ्टिस्ट म्हणून फॉर सम रिझन गुड बुक्स मधे नाहीयेत हिदुत्त्ववादी लोकां मधे .

अत्यंत हिडीस ट्रेलर छावा चा
बघून संताप संताप झाला

असं कसं दाखवू शकतात हे लोकं
काहीच कशी कुणाला लाज वाटत नाही

ही माणसे कुठं दिसली तर चोपून काढावी इतका तिळपापड झाला ते छपरी बघताना

साहजिकच आहे

नाहीच आवडला. सगळ्या ऐतिहासिक सिनेमांसारखाच दे मार, मेन कॅरेक्टर्स्ना नाचवणं> नथिंग न्यू. विकी पण काही खास नाही. उगा घशाच्या शिरा ताणून मुठी आवळून आवेश आणलाय! हट!
ते मावळ्यांचे काळे कपडे आणि कटप्पा सारखे लोखंडी जाळीवाले ड्रेस होलसेल ने घेतलेत की सगळ्या सिनेमात तो एकच कपडेपट फिरतोय? काहीही आहे.

>>>> दुसऱ्या क्रमांकाचा
पहीला क्रमांक शाखा का?

अंजली +१
ते राहिलच लिहायचं , बेंबीच्या देठापासून सतत कोकलणे म्हणजे झाला योद्ध्याचा अभिनय आणि ‘छावा स्वॅग’ असे डिरेक्ट्स्र हिरो सगळ्यांचं एकमत दिसतय , ‘हाउज द् जोश’ म्हणेल इथेही

जोधा अकबरमधे अकबर करतो सुफी/दरवेश डान्स (गोल गोल फिरण्याचा). मला नव्हता आवडला तो.
संभाजी लेझिम खेळतात हे त्याहून अतर्क्य. बरं एकटं मावळ्यांबरोबर खेळताना दाखवलं असतं तरी ठीक. येसूबाई??? फार तर राणीवशात फुगडी खेळताना दाखवायचं. निदान मराठी दिग्दर्शकाने एवढं तारतम्य बाळगायला हरकत नव्हती.

इथे मला उगीचच मराठी दिग्दर्शकाच्या इतक्या मोठ्या चित्रपटाला छोट्या छोट्या गोष्टी काढून नावं ठेवलेली दिसतात. आणि मग मराठी कथा असलेले चित्रपट चालत नाहीत असे म्हणतील.

लोखंडी जाळीवाले ड्रेस काय म्हणता - चिलखत आहे ते. जरा कुठे म्युझियम मध्ये जाऊन पाहिले असते तर दिसले असते की खरंच असे चिलखत होते.

छत्रपतींनी जरा आवेश दाखवला तर काय वाईट आहे? की सगळा जोश फक्त पुष्पा सारख्या तस्करांनी दाखवायचा.

संभाजी महाराज छत्रपती असूनही भर मैदानात बायकोसोबत नाचतात
कुठूनतरी डोंबारी असल्यासारखे दोराला लटकून शत्रूला मारतात
ग्लाडीएटर सारखे त्यांना सिंहाच्या पिंजऱ्यात सोडून लढताना दाखवतात
असला दळभद्री इतिहास दाखवायचा आणि वर त्याची भलामण करायची हे फारच थोर आहे
आणि तुमच्याकडून दुसरं काही अपेक्षित ही नव्हतं म्हणा

सिंहाच्या पिंजऱ्यात सोडून लढताना दाखवतात >> हे चित्र तर मी लहानपणापासून पाहत आहे.

मैदानात बायकोसोबत नाचतात कदाचित चूक असेल पण इतर गोष्टींना आक्षेप कशाला.

आणि ऋन्मेऽऽष म्हणतो त्यानुसार साधा अभिनयाने संपूर्ण चित्रपट केला की त्याचा अमलताश होईल

बरोबर आहे आक्षेप घेतलाच नाही पाहिजे, छत्रपती झाले म्हणून काय झालं सिनेमा काढला त्यांच्यावर म्हणजे त्यांनी डोंबारी खेळ केला पाहिजे, बायकोसोबत भर चौकात नाचल पाहिजे, लांबून उडत येऊन शत्रूचा नायनाट केला पाहिजे, इथं कोणाला इतिहास हवाय
हवंय फक्त स्वस्तातले मनोरंजन
मग संभाजी असो वा बाजीराव पेशवे
हाच तर खरा इतिहास आहे जो नव्या पिढीला कळला पाहिजे
नाचवा मग
तुमच्यासारखे धन्य लोक असताना सिनेमा हिट होणारच
चुकीला चूक सुद्धा धड म्हणवत नाहीये, कदाचित चूक असेल म्हणे

धन्यवाद

आशुचँपना अनुमोदन. कैच्याकै वाटतो आहे ट्रेलर बघून!