खेळ-२ - कोडे द्या- गाणे ओळखा

एका माबोकराला ग्रीन टी खूपच आवडत असतो. त्याच्या पत्नीला पण खूपच आवडायला लागतो- म्हणजे तो आणि ग्रीन टी सुद्धा. ते दोघंही एकमेकांना पहिले प्रेम तर ग्रीन टी म्हणजे दुसरे प्रेम म्हणत असतात.
पण एकदा ते रहात असतात तिथे ग्रीन टी चा तुटवडा येतो.
मग हे दोघे त्याचं रेशनिंग करतात, रोज फक्त एकदाच प्यायचा आणि कोणीच चिटिंग करायचं नाही.
एकदा ती बाहेर गेली असताना याला रहावत नाही, तो दुसरा ग्रीन टी बनवतो आणि हॉल मध्ये येऊन पहिला घोट घेणार एवढ्यात दारात किल्ली घातल्याचा आवाज येतो. तो पटकन ग्रीन टी सोफ्याखाली लपवून निर्विकार चेहरा करतो.
ती आत येते आणि एका श्वासात ती काय झालंय ते ओळखते आणि त्याला उद्देशून हे गाणं म्हणते.

हिंदी ?

लपविलास तू हिरवा चा, फा, सुगंध त्याचा छपेल का?

कोडं मस्त रचलंस मानव.

भारी कोडं होतं. मामी मस्त ओळखलंत!

क्या बात है मामी !

_/\_

बॅंग ऑन मामी.
आणि पुढे ’प्रीत लपवुनी लपेल का” यासाठी ग्रीन टी दोघांचेही दुसरे प्रेम केले होते.

लपविलास तू हिरवा चा, फा, सुगंध त्याचा छपेल का?..
मला वाटलेलं की हे मिसेस फारएंड, फारएंड ला म्हणत आहेत !!!

आंबट गोड कोड्यात तशीच कल्पना केलेली आहे.

ओह्ह, येस. मानव, पुन्हा वाचल्यावर लक्षात आले.
आहे कुठे पण फा?

धमाल आहे हे.

आहे कुठे पण फा? >>>
मी पण आहे अधूनमधून इथे आणि वाचतोय ही कोडी पण पटकन उत्तरे सुचलेली नाहीत

लपविलास तू हिरवा चा, फा, >> फार भारी होतं हे. कोडं आवडलं.
त्याच्या पत्नीला पण खूपच आवडायला लागतो- म्हणजे तो आणि ग्रीन टी सुद्धा. >> हे मी 'मान गए| किसे? आपकी पारखी नजर और निरमा सुपर दोनों को'च्या चालीत वाचलं.

नवीन कोडं - जरा सोपं -

एक अगदी लहान मुलगी मामींचा हा धागा वाचते आणि ठरवते की माटुंग्याच्या या बाजारातून ही वस्तू आणायचीच. बाजारात गेल्यावर तिला प्रश्न पडतो की आपण आणलेले पैसे नक्की पुरतील ना? कारण सणासुदीच्या काळात इथे भलती महागाई असते म्हणे. ती एका दुकानदाराकडे जाते आणि त्या वस्तूकडे हात दाखवून विचारते की ही कितीला देणार? तर तो किंमत सांगण्याऐवजी तिलाच म्हणतो की तुमचा काय अंदाज आहे? हा संवाद एका हिंदी गाण्यात चालतो.

हाल (हार) कैसा है जनाब का?
क्या खयाल है आप का?

बरोबर मानव

जिया, प्रियंवदा आणि प्रियंवदेचा भाऊ सगळे लहानपणापासूनचे दोस्त. पुढे मोठ्या झाल्यावर जि आणि प्रि ला एकमेकींबद्दल प्रेम निर्माण होतं. पण दोघीही लाजाळू. शिवाय ही भावना नक्की काय आहे हे ही त्यांना अजून क्लियर नसतं. प्रियंवदेच्या आईला साधारण संशय असतो पण नक्की एकमेकींशी त्या याबाबत बोलल्या आहेत, 'प्यार का इजहार' केला आहे की नाही हे कळत नसतं. त्या आपल्या मुलाला या बद्दल विचारतात तेव्हा तो 'हे' गाऊन आईला उत्तर देतो.

मराठी गाणं. गझल.

चुकीच ऐकू आलेल गाणं झाले माझे उत्तर म्हणजे. त्यामुळे डिलीट केले

ये अपने बस की बात नही हेच खरे

माझीया प्रियाला प्रीत कळेना (मा जिया प्रियाला प्रीत कळेना)

बरोबर वाटतेय कवीन.

बरोबर वाटतंय. शिवाय पुढच्या ओळीत एक मायबोलीकर गाऊन सांगतात की प्रियंवदेच्या भावाच्या आधीच्या ओळीतला राग आणि माझ्या आत्ताच्या गाण्यातला राग हे दोन वेगळे आहेत.

बरोबर कविन. शाब्बास!

पुढच्या ओळीत एक मायबोलीकर गाऊन सांगतात की प्रियंवदेच्या भावाच्या आधीच्या ओळीतला राग आणि माझ्या आत्ताच्या गाण्यातला राग हे दोन वेगळे आहेत. >>>