भारत का दिल देखो : (पाककृती ) मोईआ बोडी सार ( अंबाडीच्या बोंडांचे सार)

क्रमवार पाककृती:
'भारत का दिल देखो' या माझ्या मध्यभारतीय लोकजीवनावर आधारित असलेल्या मालिकेत एक बालाघाट भागात केले जाणारे सार लिहिते.
१. अंबाडीची बोंडी सोलून पाकळ्या वेगळ्या करुन घ्यायच्या.

हे असे एक बोंड असते.
आतील भागात असलेली बी काढून टाकायची.
२. सोललेल्या पाकळ्या दोन कप पाण्यात किंचित मीठ व ठेचलेला लसूण घालून 2-3 मिनिटे उकळून घ्यायच्या. फार पटकन शिजतात.

३. थंड झाल्यावर गाळून घेऊन पल्प मिक्सरमधून बारीक वाटून घ्या.
४. एका पातेल्यात 2 चमचे तेल गरम करा. त्यात जीरे, लाल मिरच्या व तेजपान फोडणीला घाला. चिरलेला कांदा घालून 2 मिनिटे परता. यात वाटलेला पल्प घाला. पुन्हा परता. जरा जरा तेल सुटले की गूळ घाला.
५. 1 कप पाणी घाला आणि चव बघून मीठ घालून चांगली उकळी येऊ द्या.
आंबट गोड सार तयार आहे.