शहरं/ठिकाणं यांच्या अधिकृत नावांऐवजी जुनी नावे वापरणे कितपत योग्य्/अयोग्य ?

Cuff ह्या शब्दाचा अर्थ मराठी मध्ये मनगट पट्टी किंवा शर्ट च्या बाही चे शेवटचे टोक असा होतो.

बरेचसे मराठी लोक कश्मीरला काश्मीर, रावलपिंडीला रावळपिंडी, अलप्पुळाला अलप्पुझा, मारतहळ्ळीला मराठाहल्ली वगैरे म्हणतात. मग हे पण मराठी लोकांनी अन्य भाषिक लोकांच्या जागांचं केलेलं अनधिकृत नामांतरण म्हणावं का?

घाट के उपर?

ओह! हे माहीत नव्हतं. माहितीबद्दल आभार.
तरी बाकीच्या नावांचा प्रश्न उरतोच.

मग हे पण मराठी लोकांनी अन्य भाषिक लोकांच्या जागांचं केलेलं अनधिकृत नामांतरण म्हणावं का?>> आपण म्हणतो म्हणुन तिकडे नावं बदलतात का?? इथे मुंबई-पुणे जाऊद्या, पण अन्य शहरांचीही नावं बदलण्याचा प्रयत्न होतो आहे.
उदा. धुळे - धुलिया.

पाचगणी. - पंचगणी.
पुणे पूना
ठाणे थाना.
धुळे. धुलीया.
हे आणि अशी अनेक नाव अनधिकृत पने बदलेली आहेत.
उच्चार प्रत्येकाचा वेगळा असू शकतो पण लीहताना ते वेगळेपण नसते .
हिंदी प्रसार मध्यम लिहतात पण चुकीची च नाव

राणी बागे विषयी म्हणाल तर मराठी माणसांना पण जिजामाता उद्यान हे नाव माहीत नाही.
राणी ची बाग हे नाव मात्र दोन्ही जुन्या नव्या नावाला एकरूप होणारच आहे
प्रवीण चे परवीन.होते.
माणसाची पण नाव बदलतात

आपण म्हणतो म्हणुन तिकडे नावं बदलतात का?? >> नाही. पण मग आपण आपली नावं का बदलतो? चूक आपली आहे, त्यांची नाही.

डीजे, तुमच्या (मराठाहळ्ळी) माहितीचा संदर्भ द्याल का?
विकी आणि इतरत्र असलेल्या माहितीनुसार बंगळूरातलं ते ठिकाण मराठाहळ्ळी नाही, मारतहळ्ळीच आहे. हिंदुस्तान एरोनॉटिक्स लिमिटेडने मारुत नावाचे एक फायटर जेट बनवले होते (त्या भागात). त्यावरून त्या भागाला ते नाव पडले आहे. मराठे/शहाजी राजे अशी कुठली कथा असल्याचा संदर्भ दिसला नाही.

काही झाले तरी विमानात बसला असाल तर बाँबे म्हणू नका. ताबडतोब विमान जमेल तिथे उतरवून सगळ्यांना बाहेर काढतील, नि तुम्हाला धरून नेतील, हाल हाल करतील नि विचारत रहातील, बाँब कुठे आहे?
व्हिटी म्हणायचे नाही कारण ते पारतंत्र्याची आठवण आहे, मग सी एस टी हे काय स्वतंत्र भारतीय आहे का? नि स्टेशन ला स्थानक का नाही म्हणत? छ. शि. स्था. ला जायचे आहे असे म्हणा!!
उग्गीच काहीतरी फालतू गोष्टींवरून वाद घालायचे.

स्टेशन हा इंग्लिश शब्द आहे इंग्लिश भाषा हीच प्रमाण भाषा नावांसाठी असली पाहिजे.
भारतात पन्नास भाषा आहेत सर्व च प्रतेक नावाचे विचित्र उच्चार करतात.
कोणाला कशाचा मेळ लागणार नाही
व्हिक्टोरिया ही ब्रिटिश राणी होती तिचे नाव हे परांतंत्र ची निशाणी आहेच की.
स्टेशन ह्या शब्द ला कसे बोल लावून चालेल.

ब्रिटिश लोकांनी त्यांनी बांधलेल्या वास्तू ना त्यांचीच नाव दिली .त्यांचीच नाव देणे त्या ब्रिटिश लोकांना फालतू वाटले नाही.
किंग जॉर्ज हॉस्पिटल.

किंग एडवर्ड हॉस्पिटल(kem)
व्हिक्टोरिया टर्मिनस.
Sandhsust road.
देशात अनेक वास्तू ना त्यांनी त्यांचीच नाव दिली.
किती तरी उदाहरण देशभर आहेत.
भारतीय लोकांची किंवा प्रतीकांची नाव दिली नाहीत.

उलट ब्रिटिश आणि मुस्लिम नावे टिकली पाहिजेत

म्हणजे तेंव्हाचे एतद्देशीय राजे किती कुचकामी होते हे पुढच्या पिढीला समजेल, आणि मुस्लिम राजे राजपुतांचे जावई होते. हिंदू संस्थानिक इंग्रजी राणीने दिलेली सर्टिफिकेट पदके आजही सांभाळतात.

नैतर बांधणार इंग्रज , नाव जुन्या पणजोबाचे आणि त्याचा बोर्ड बदलून नातू आमदार नैतर खासदार

इंग्रजांनी किंवा अन्य कोणी बनवलेल्या वास्तूंचं , वाढवलेल्या गावांचीं नावं केवळ ती आपल्या पारतंत्र्याची खूण म्हणून बदलण्यात काही अर्थ वाटत नाही. तसंच इतिहासातला विशिष्ट भाग नको म्हणून नावं बदलल्याने तो इतिहास पुसला जात नाही. हे कोणत्याही वास्तूसाठी आणि कोणत्याही पक्षाने केलेल्या बदलासाठी.
त्या तोडीच्या नव्या वास्तू रचा आणि द्या नावं.

छत्रपतींची खरी स्मारकं म्हणजे त्यांचे किल्ले. त्यांचं जतन करता येत नाही. आणि व्ही टीचं नाव आधी सी एस टी करणं आणि मग त्यात आदर कमी पडला म्हणून एम वाढवणं हे पटत नाही.

इंग्रजांना किंवा अन्य कोणाला ती ती नावं उच्चारता येत नाहीत म्हणून त्यांनी बदललेली रूपं टाकून मूळ रूपाला चिकटणं पटतं. विशेषनाम कोणत्याही भाषेत तेच राहिलं पाहिजे. मालाडचं हिंदी आणि इंग्रजीत मलाड होणं चूक. बाकीची उदाहरणं आलीत वर. आता तर बेस्ट बसेसमध्येही पुढच्या स्टॉपच्या नावाच्या घोषणेचे रेकॉर्डेड मेसेजेस वाजतात. ती ऐकून लोक हसत असतात.

वर मराठी भाषिकांनी इतर प्रदेशातील जागांच्या नावाचं मराठीकरण करण्याचा मुद्दा आलाय. आपल्याला आपली नावं बदललेलं खटकतं तर आपणही वडोदराचं बडोदा , इंदौरचं इंदूर करायला नको.

filmy, उदक मंडलम्

Black कॅट आणि भरत ह्यांचे मत पण अयोग्य नाही
स्वतः निर्माण करा आणि हवं ते नाव ध्या.
योग्य च आहे.
हजारो मैल दूर असून पण इथे येवून सत्ता धारी जे बनले ह्याचा अर्थ च ऐतदेशिक राजे ऐश आरामात,आणि पंचायती करण्यात व्यस्त होते..हा ब्लॅक cat ह्यांचा विचार पण नाकारता येत नाही ..
तरी आता हळू हळू बदल तर घडलाच पाहिजे.
इतिहास किती दिवस उकरत बसणार.
पण प्रमाण भाषा इंग्लिश समजून ( अशी पण ती जागतिक भाषा आहे हे मान्य करणारे बहुसंख्य आहेत)
विशेष नाम चा उच्चार एक सारखाच असला पाहिजे ही अपेक्षा योग्य च आहे.
मला पण तेच वाटते.

ब्रिटिशांनी मराठी नावांचे विकृतीकरण फारसे केलेले नाही. उलट ज्या स्पेलिंगस् मुळे मूळ स्थानिक उच्चारांच्या जास्तीत जास्त जवळ पोचणारे उच्चार त्यांच्याकडून घडतील अशी स्पेलिंगस् त्यांनी केली. Sion ह्या शब्दाचा उच्चार सींव असा आहे. मूळ शीव शब्द शींव असा आहे कारण तो अनुनासिकयुक्त ' सीमा ' ह्या शब्दाचे तद्भव रूप आहे.
हाच उच्चारानुसार स्पेलिंगचा नियम Kirki, Poona ह्या
स्पेलिंगस् नासुध्दा लागू आहे. पुणं हा उच्चार रोमन अल्फाबेटस् मध्ये कसा बसवणार? Pune चा उच्चार त्या लोकांनी प्यून असा केला असता कदाचित. Book, cook, food, वगैरे शब्दांत पहिले अक्षर ऱ्हस्व उच्चारले जाते.
ह्या स्पेलिंगस् चे उच्चार आम्ही तरखडकरी किंवा कुठलेतरी उच्चार नियम लावून करू लागलो हा ब्रिटिशांचा दोष नाही.
( खरे तर तरखडकरांनीही बरेच उच्चार त्यातल्या त्यात इंग्रज लोकांप्रमाणे होतील असे देवनागरीत लिहिले आहेत. उदाहरणार्थ Women ह्या शब्दाचा उच्चार उईमेन असा त्यांनी दिला आहे.)आपण V आणि W ह्यांच्या उच्चारात गडबड करतो, तसेच F आणि V आणि Ph च्या उच्चारांतही.

हिरा ह्यांच्या शी सहमत.
कोणत्याही शहरांची नाव भाषा आणि प्रदेशातील अस्मिता ह्या मुळे बदलणे हे स्वीकारणे अशक्य आहे..
चेन्नई आपण स्वीकारले आहे काहीच अडचण नाही..
बडोदा चे वडोदरा स्वीकारण्यात आणि तोच उच्चार करण्यास काहीच अडचण नाही.
इंदूर चे इंदोर असा उच्चार करण्यास काहीच आक्षेप नाही.
पण घाटकोपर चा घाट के ऊपर.
नायगाव चे नया गाव.
पुणे चे पुना.

ठाणे चे थाना ह्याला तीव्र आक्षेप आहे.
ETC

असेच म्हटले तर पुणे , ठाणे हीदेखील ओरिजिनल नावे नसतील
मग भारताचे नाव जम्बूद्वीप ठेवावे लागेल

ब्लॅक कॅट
प्रश्न वर्तमान काळातील आहेत तुम्ही भूत काळात का जात आहात.
भूत काळात खील वर जायचे झाले तर आशिया खंड पण नव्हता.

ठाणे चे नाव बदलून श्री स्थानक असे होणार आहे असं कळलं
खखोडेजा

सोपी नावे, जी संस्कृत शब्दांची सोपी मराठी रूपे आहेत, ती बदलून पुन्हा कठीण संस्कृत शब्दांकडे वळण्यात अर्थ नाही. कारण आम आदमी ती तशी उच्चारणारच नाही. हिंदी देवनागरीने मराठीतले ण, ळ हे लिपीत सामावून घ्यावेत. कुठल्याही स्टेशनचे किंवा रस्ता, गाव ह्यांच्या नावाचे बोर्ड तिथल्या मूळ नावाप्रमाणे अथवा स्थानिक प्रमाण भाषेनुसार असावेत. हिंदीमध्ये बोर्ड रंगवताना ते आधी जाणत्या माणसांकडून तपासले जावेत. नामफलकावरची देवनागरी हिंदी आणि देवनागरी मराठीतली रूपे समान असावीत आणि महाराष्ट्रात ती मराठी लेखनाप्रमाणे असावीत. इतर ठिकाणी ती त्या त्या प्रादेशिक भाषेप्रमाणे असावीत.
मुंबईतल्या मुळून्द स्टेशनचे नाव १९७५-८० पर्यंत मुळून्द होते. जसजशा ब्रिटिश काळातल्या पाट्या जुन्या झाल्यामुळे किंवा अन्य कशाने हटल्या तेव्हा नव्या रंगवताना पुष्कळशा चुका त्यात शिरल्या आहेत. मुंबई पुणे एक्स्प्रेस वे वर कामशेट ही अक्षरे दिमाखाने मिरवतात. मराठी नावांचे आपापल्या बुद्धीनुसार केलेले इंग्लिश स्पेलिंग रंगाऱ्याकडे देऊन ते मराठीत रंगवण्यास सांगितले जात असावे. गेल्या वीसबावीस वर्षांत बांधलेल्या ठाणे बेलापूर रेल मार्गावरच्या स्टेशनांची नावे अशीच विकृत झाली आहेत.
रंगाऱ्यालासुद्धा व्यवस्थित सूचना देऊन त्यावर देखरेख ठेवली गेली पाहिजे.

रंगारी प्रकांड पंडीत असून भाषेचा व्यासंगी असायला हवा. कंत्राटात ही अट घातली तर चुका होणार नाहीत.

रंगाऱ्यावर देखरेख ठेवावी आणि नावांची योग्य रूपेच त्याच्याकडे सुपूर्द करावीत.

रंगार्‍यांत एसटीचे रंगारी एकदम बेस्ट असतात. पांढरपेशे रबाळे म्हणतात... चूक बरोबर कल्पना नाही पण ते शुद्ध वाटतं. पण पब्लिक राबाडा म्हणतात, एसटी 'ठाणे-राबाडा' अशाच पाट्या रंगवते.

प्र. दो. झा.

ऑफिस मध्ये एक जॉन्सन नावाचा सहकारी होता त्याचे नाव बदलून आम्ही आम्हला सोयी च पडेल असे जानबा नाव ठेवले होते

दुसऱ्यांची चांगली नाव बदलून विचित्र नाव ठेवणे हा मानवी स्वभाव च असावा.