लाल पालेभाजीचा चणा डाळ घालून केलेला रव..( पातळ भाजी)

Submitted by MSL on 9 June, 2021 - 10:41
lal math bhaji
प्रत्यक्षात लागणारा वेळ: 
२० मिनिटे
लागणारे जिन्नस: 

1 जुडी अगदी लहान कोवळी लाल पालेभाजी. / लाल माठ
अर्धा वाटी चणाडाळ
1 कांदा
6-7 पाकळ्या लसूण
अर्धा चमचा मसाला...
अर्धी वाटी ओल्या नारळाचा रस,
2 आमसुले
जीरे मोहरी हिंग हळद तेल
मीठ चवीपुरते

क्रमवार पाककृती: 

1. चणाडाळ 1 तासभर भिजत घालावी..
2.कांदा बारीक चिरून घेणे..लसूण सोलून ठेचून घेणे.
3.पालेभाजी बारीक चिरून घ्यावी.. कूकर चया डब्यात डाळ घालून वर भाजी घालावी...n 4 ते 5 शिट्ट्या करून घ्यावे..
4.. कढईत. फोडणीसाठी तेल घालून त्यात जैरे मोहरी हिंग हळद घालून कांदा टाकावा...वर लसूण घालावी..
चांगले.परतून झालं की त्यात कूकर मध्ये दब्यातली , शिजलेली भाजी ओतावी..
5..मीठ घालून, 2.मिनट मिक्स करून घ्यावी...नारळाचा रस घालायचं...मसाला तिखट आपल्या आवडीनुसार घालायचं...2 -3 मिनिट उकळून झालं की आमसुले टाकायची ..गॅस बंद करावा..
6....गरमा गरम भात आणि ही भाजी खावी...एकदम.मस्त चव लागते..

वाढणी/प्रमाण: 
4-5
अधिक टिपा: 

..1..भाजी अगदी लहान ,कोवळी, म्हणजे साधारण आपल्या हाताची बोटं असतात, तेवढी लहान हवी.. म्हणजे सुंदर चव येते...

माहितीचा स्रोत: 
आई ...
प्रादेशिक: 
Group content visibility: 
Public - accessible to all site users

भाजी मस्त दिसते आहे.
लाल माठला(नाही मिळाला तर) दुसरा कोणता पर्याय असू शकेल?

लाल माठला(नाही मिळाला तर) दुसरा कोणता पर्याय असू शकेल?>>>

कोकणात लाल माठ पेरला की 8 दिवसात त्याचे रूप वर दोन पाने आणि खाली दोऱ्याइतका पातळ दीड -दोन इंच दांडा असे होते. आठ दिवसात इतकी उंच भाजी रुजून येते. बिया पेरताना त्या दाट पेरतात आणो मग 8 दिवसात मधलीअधली भाजी उपटून विरळणी करतात. ही जी 8 दिवसाची रोपे असतत् त्याला रव असे म्हणतात. ही जी वर दिलीय ती ह्या रवाची भाजी. आजवर मी फक्त लाल भाजीचाच रव बघितलाय. बाकी कुठल्याही भाजीचे असे कौतुक केलेलं पाहिले नाही. भाजी छान लागते.

. आजवर मी फक्त लाल भाजीचाच रव बघितलाय.>>>> +१.
आमच्याकडे कांदा खोबर्‍याच्या वाटणाची करतात.चांगली लागते.पण मला स्वतःला हि.मि.+ कांदा घातलेली आवडते.

आज मी बनवली. खूप छान झाली. फक्त आमसूल टाकले नाहित. एरवी फक्त सुक्की भाजी करत असते पण अशी लाल माठाची पातळ भाजी पहिल्यांदा केली.

अतिशय छान झाली भाजी. इथे माठ मिळत नाही म्हणून लाल चार्ड वापरला. फारच स्वादिष्ट भाजी झाली. आता चार्ड बहुतेक याच पद्धतीने करेन Happy